ЯҢАЛЫКЛАР

Яңа ел бәйрәмнәре уңаеннан,  авыл хуҗалыгы ярминкәсе һәм массакүләм мәдәни чаралар үткәргәндә куркынычсызлыкны тәэмин итү максатында,  Актаныш муниципаль районының Актаныш авылы башкарма комитеты боерык бирә.

Семинар кайсы гына хуҗалыкта оештырылса да, җәмгыятьләрнең итәк-җиңнәре җыелган. “Нигез” хуҗалыгының исә итәк тә, җиң дә даими сызганулы дигән фикер туды. Юк, биредә бу семинарга махсус әзерләнмәгәннәр. Биредәге тәртип инде күптәннән дәвам итә.

Бүген  “Нигез” хуҗалыгында  чираттагы районкүләм семинар үтте. Иң ныклы җәмгыятьләрнең берсе булып саналган хуҗалык белән Дамир Җәлилов җитәкчелек итә. “Нигез”нең һәр тармагында бүген яңарышка омтылыш тоемлана: эшли беләләр биредә.

Бүген Актанышның үзәк чыршысы утларын кабызды. Бу инде районыбыз Яңа елны каршы алырга рәсми төстә әзер дигән сүз.

Актаныш районында фән олимпиадаларының муниципаль этабы 8 ноябрьдән 23 декабрьгә кадәр аралыкта дәвам итте. 31 фән буенча гамәлгә куелган олимпиадаларда район мәктәпләреннән 2 485 укучы белемнәрен сынады. Бу сан, узган ел белән чагыштырганда, 300гә күбрәк булуы белән игътибарга лаек.

Президентның Чыршы бәйрәмендә Актаныш районыннан уку алдынгысы булган 37 бала катнашты.

Аларны өч укытучы, шәфкать туташы һәм ДАИ хезмәткәре озата барды.

Бүген, 25 декабрь көнне, Актанышта  район башлыгы Энгель Фәттахов рәислегендә мәктәп директорларының, бакча мөдирләренең чираттагы киңәшмәсе үтте. Аның эшендә район башкарма комитеты җитәкчесенең социаль мәсьәләләр буенча урынбасары Ләйсән Нурлыева катнашты.

 Кичә Сәләтле балалар өчен гуманитар гимназия- интернатында узган Яңа Ел тамашасы һәм дискотекадан соң Кыш Бабай күчтәнәчләр мул салынган каплары белән укучыларны сөендерде.

Шулай итеп, мәктәпләрдә, балалар бакчаларында Яңа Ел бәйрәмнәре башланды. 

КБО, универсам биналарында  сәүдә үзәкләрендә  сатып алучыларның хокукларын яклау буенча консультация үткәрелде, кулланучы хокуклары турында белешмәлекләр - брошюралар таратылды.