ЯҢАЛЫКЛАР

Меңнәр авылында яшәүче Дүния апа Вәлиевага шушы көннәрдә 90 яшь тулды. Район Советы аппараты җитәкчесе Альберт Тимиров Дүния апаны олуг юбилее белән котлап, Россия Федерациясе Президенты Владимир Путинның котлау хатын тапшырды. Актаныш районы башлыгы Энгель Фәттахов күчтәнәч кабы белән бергә быелдан күркәм бәйрәмнәрен каршылаучы юбилярларга үзенең котлау открыткасын юллый. Альберт Индәриф улы район башлыгының да тәбрикләүләрен җиткерде.

Бүген сәләтле балалар өчен гуманитар гимназия-интернатта “XXI гасыр проблемалары яссылыгында Гаяз Исхакый” төбәкара фәнни-гамәли конференция узды. Актаныш районы мәктәпләреннән килгән 15 укучы Гаяз Исхакый иҗатын бүгенге чор тормышы белән бәйләп фәнни эшләрен яклады. 

Якшәмбе көнне юбиляр, үзенең  гомер бәйрәме уңаеннан, балалары, күпсанлы онык-оныкчыклары белән беррәттән район хакимияте исеменнән дә котлаулар кабул итте. Район башкарма комитетының икътисад бүлеге җитәкчесе Ойгөл Мирзашәрипова гомеренең туксанын бишенче  баскычына күтәрелгән Наилә Ислам кызына   Россия Президенты В.Путинның  һәм район башлыгы Энгель Фәттаховның котлау хатын,  күчтәнәч кабын ирештерде.

12 март көнне Актаныш муниципаль районы балигъ булмаганнар белән эшләү һәм аларның хокукларын яклау комиссиясенең чираттагы  утырышы узды. Утырышны комиссия рәисе Ләйсән Нурлыева алып барды. Утырышта 6 административ эш тикшерелде. Тикшерелгән административ эшләр буенча дүртесенә кисәтү ясалды, икесенә штраф салынды. Аккүз, Яңа Кормаш мәктәпләренең профилактик юнәлештә эшчәнлеге буенча чыгышлар тыңланды. Шулай ук утырышта ведомствоара реабилитацион консилиум составына үзгәрешләр кертү буенча карар чыгарылды.

Әлеге мәртәбәле исем Риза Фәхретдин улы Ишморатовка (Риза Ишморат) халык депутатларының XXI чакырылыш Актаныш район Советы президиумының 1 декабрь  1993 ел карары нигезендә бирелә.

Чалманарат авыл җирлеге быел да язгы ташуны тулы әзерлек белән каршы аша.

Быел яз нинди булыр? Язгы ташуны кайчан көтәргә? Белгечләр, синоптиклар нәрсә фаразлый?

14 март көнне Башкортстан Республикасының Югары Яркәй авылында волейбол буенча Фә¬рит Мәрвәров призына XII турнир оештырылды. Анда хуҗалар белән тагын дүрт команда көч сынашты. Арада безнекеләр дә бар иде.

Хөрмәтле сәүдә, халыкка көнкүреш хезмәте күрсәтү, торак-коммуналь хуҗалыгы хезмәткәрләре!

Сезне һөнәри бәйрәмегез белән чын күңелдән котлыйм. Хезмәтегез зур җаваплылык, югары һөнәри осталык таләп итә. Сез район халкына көндәлек ихтыяҗны, сорау-проблемаларны хәл итүдә ярдәм итәсез, уңайлы шартлар, заманча мөмкинлекләр тудырасыз. Сезнең эшчәнлек нәтиҗәсендә район халкының тормышы һәм хезмәте өчен уңайлы мохит формалаша, тормыш дәрәҗәсе яхшыра.

Сәүдә, халыкка көнкүреш хезмәте күрсәтү, торак-коммуналь хуҗалыгы өлкәсендә куйган лаеклы хезмәтегез өчен район Советы, район башкарма комитеты, шәхсән үз исемемнән рәхмәт белдерәм. Сезнең эшчәнлек яраткан хезмәт яки һөнәр генә түгел, ә халыкның кәефе белән турыдан-туры бәйле яшәү рәвеше, күңел халәте. Кешеләр белән эшләү һәрвакыт игътибарлылык, әдәплелек, түземлелек таләп итә. Сезнең рухи һәм физик тырышлыгыгыз яшәү дәрәҗәбезне, тормыш-көнкүреш шартларын яхшырта, табыннарда - ризык муллыгы, йортларыбыз җылы, якты, урамнар, тротуарлар төзекләндерелә, районыбыз, авыллар көннән-көн матурлана, төзекләндерелә. Һәр җирдәге пөхтәлек, тәртип, халыкның кәефе, күңел тынычлыгы күпчелек дәрәҗәдә сезнең сыйфатлы һәм өзлексез хезмәт күрсәтүгә бәйле.

Сезгә сәламәтлек, иминлек, авыр һәм тынгысыз хезмәтегездә уңышлар телим. Киләсе көннәрегез дә күркәм хезмәт нәтиҗәләре алып килсен, якыннарыгызның кадер-хөрмәтен, игелеген тоеп бәхетле яшәгез. Яңадан- яңа уңышлар, һөнәри үсеш, ныклы сәламәтлек, җан тынычлыгы, гаилә бәхете телим.

Шундый семинарларның чираттагысы бүген хуҗалык рәисләрен “Чишмә” агрофирмасы базасына туплады. Шунысы игътибарга лаек, бүген агрофирма – район территориясендәге иң яшь хуҗалык. 2017 елда сафка баскан “Чишмә” бүген инде ышанычлы адымнар белән иң перспективалылар сафына атлый: өч ел эчендә башкарылган эшләре бик күп агрофирманың, киләчәккә планнары тагын да саллырак.