Чалманарат авыл җирлеге язгы ташуга әзерләнә

2020 елның 16 марты, дүшәмбе

Чалманарат авыл җирлеге быел да язгы ташуны тулы әзерлек белән каршы аша. Басу-кырлардан төшкән су юллары, торбалар кардан ачылган.

Су җәелү куркынычы булган урыннарда саклык чаралары күрелгән. Җирлек  халкы бердәм булып, язгы ташуга әзерләнә. Шәхси техникалар гына түгел, көрәкләр дә эшкә җигелгән.

- Кар күп елларны язгы ташуның, торбаларга гына сыешмыйча, юл өстеннән аккан чаклары да аз булмады. Быел вәзгыять алай куркыныч түгел. Барысы да контрольдә, - ди бу уңайдан җирлек башлыгы Камил Әхмәтов.