ЯҢАЛЫКЛАР

10 декабрь көнне Актаныш районы мәгариф идарәсенә яңа җитәкче билгеләнде. Әлеге җаваплы вазыйфны моңа кадәр район мәгариф идарәсе җитәкчесе урынбасары булып хезмәт куйган Раниза Митьян кызы Шакирова башкарачак.

Быелгы кышка Актаныш районы 30 берәмлек кар чанасы белән керә. Аларның 21е техник карау узган. Калганнары контрольдә һәм ел ахырына кадәр тикшереләчәк.

16-21 ноябрь көннәрендә Сарман аграр көллияте базасында «авыл хуҗалыгы машиналарын эксплуатацияләү» компетенциясе буенча Татарстан Республикасының «Яшь профессионаллар»(WorldSkills Russia) төбәк чемпионаты узды. Чараның тантаналы ачылышында флагны күтәрү хокукы әлеге чемпионатның челтәр этабы җиңүчесе - Актаныш технология техникумының дүртенче курс студенты Искәндәр Хабибуллинга бирелде.

Райондашыбыз Раббани Нургалиев көрәш буенча Россия чемпионатында дәрәҗәле беренче урынга лаек булды. Ул 60 килограмм авырлыкта җиңүче булып танылды. Раббани Нургаливны ихлас күңелдән барлык Актаныш районы исеменнән тәбрик итәбез! Алга таба да уңышлар телибез!

Бүген "Яшьлек" яшьләр үзәгендә инглиз теленнән республика олимпиадасының муниципаль этабы җиңүчеләрен хөрмәтләү тантанасы узды.
Кичә 11 декабрь көнне инглиз теленнән олимпиадада район мәктәпләреннән 117 укучы катнашты. Ачыклап әйткәндә IV сыйныфлардан 21, V-VI сыйныфлардан 46, VII-VIII сыйныфлардан 37, IX-XI сыйныфлар буенча 13 укучы чит телне бик яхшы белүдә көч сынашкан.

Физкультура- кеше сәламәтлеген саклауга һәм аның сәламәт яшәү рәвешен формалаштыруга юнәлдерелгән дисциплина. Әлеге предмет буенча соңгы елларда олимпиадалар даими уздырыла. Теория, җиңел атлетика, гимнастика өлешләре буенча баллар куела. Гимнастиканы спорт мәктәбе остазлары Данилә Кәрәмова, Гөлнара Мортазина, Зөһрә Хуҗина, җиңел атлетика буенча белем һәм күнекмәләрне Илмар Исламов, Раил Гыйльфанов, Ирек Мөхәммәтов бәяләде. Жюри составына район мәгариф идарәсе рәхмәт белдерә.

Мәдәният йортын ачу тантанасында Актаныш район башлыгы Энгель Фәттахов, хуҗалык җитәкчеләре, авыл җирлеге башлыклары катнашты. Ачылу тантанасына килгән халыкны Кыш Бабай белән Кар Кызы сәламләде. Район мәдәният йорты сәнгатькәрләре, Богады халык театры, мәктәп укучылары әзерләгән музыкаль чыгышлар тантанага Яңа ел, бәйрәм төсмерләре өстәде. Мәдәният йортын котлап, Энгель Нәвап улы музыкаль аппаратуралар алу өчен сертификат бүләк итте.

Мәдәният йортына ремонтны Асыл Шәяхмәтов җитәкчелегендәге “ПМК-4” оешмасы егетләре башкарды. Алар агымдагы елның март аенда сүтү эшләренә тотынганнар иде. Мәдәният йортының түшәмнәре, түбәсе яңартылган. Тышкы як стеналары тышланган. Җылылык системасы өр-яңадан эшләнгән. Ут системасы көйләнгән. Янгынга каршы сигнализацияләр куелган. Зал, фойе яңартылган. Капиталь төзекләндерүгә программа нигезендә 15 миллионга якын акча бүлеп бирелгән. Шуның өстенә, мәдәният йорты  1,5 миллион сумлык грант откан. Грант  акчасына мәдәният йортына яңа урындыклар, җиһазлар алынган. Пәрдәләр тектерелгән.

Россия Федерациясе “Мәдәният” милли проектының “Мәдәни мохит” программасы 1965 елда нигез салынып, 1969 елда ул кулланышка тапшырылган клубка яңа сулыш өрде. 260 урынга исәпләнгән залда бүген тәүге концертны “Агыйдел” дәүләт җыр һәм бию ансамбле куйды.  

Бүген Иске Богады җирлегендә олы вакыйга- авылның йөзе, бергәләп җыелу, бәйрәмнәрдә очрашу урыны булган мәдәният йорты ачылды. Ачылу тантанасында Актаныш муниципаль районы башлыгы Энгель Фәттахов катнашып, авыл халкын бу бәйрәм белән котлады, клубка тавыш җиһазлары алу өчен сертификат тапшырды.

ТЕРЛЕКЧЕЛЕК ЯҢАРЫШ КӨТӘ
Киләсе ел уңышына нигез булган бодай, арпа орлыклары бүген инде әзер. Терлекләргә азык мулдан: 12 мең тонна сенаж, 10 мең тонна силос, 1700 тонна печән, 5 мең тонна салам хәстәрләнгән. Тик азыкның составы гына зоотехник таләпләргә туры килми: моны район ветеринария берләшмәсе белгечләре анализлап күрсәтте. Азыкның энергия алмашы канәгатьләнерлек түгел, протеин күрсәткече түбән. Бу кимчелекләрне бетерү өчен азык составына көнбагыш сыгынтысы (жмых), рапс өстәргә кирәк.
Сыерларның кан анализы да мактанырлык түгел.

“Тамыр” хуҗалыгында район семинары узды – фоторепортаж.