ЯҢАЛЫКЛАР

“Халкым хәзинәсе” авылдашлар җыенының дәвамы булып, һәр җирлекнең олуг шәхесләре – күренекле якташлар сабантуйның мәртәбәле кунаклары булып, бизәлгән җигүле атларда мәйданга хөрмәтләп чакырылдылар. Җигүле атлардан соң, районның төрле тармакларында хезмәт куючы алдынгылар һөнәри киемнәрдән, махсуслаштырылган транспортларда мәйдан халкын сәламләде.

17 июнь көнне район сабантуена килүче һәркемне татар йорты каршы алды. Кош-корты, мал-туары булган утары да бар иде аның. Борынгыдан ук татар өенең күрке саналган олы мичтә таба чыҗлады – коймак пеште. Шунда ук татар ашларыннан кунаклар өчен табын корылган иде. Күчтәнәчкә алып китү өчен ачыга пешкән ипидән алып, затлы сый – бәлешкә кадәр бар иде. 

Елга уртасындагы мәһабәт фонтанга, югары зәвык белән эшләнгән басма-күпергә сокланып, киләсе еллардан  ук Сөн буе сабантуеның даны еракларга тараласына инанасың. Күрше-тирә  төбәкләрнең иң затлы сабантуена әйләнергә охшап тора Сөн буе сабантуе.

Мәчеткә нигез ташын узган ел ноябрь аенда салганда авыл халкының тизрәк мәчетле булу теләге “Амин” дигән сәгатькә туры килгәндер. Авылдашларның үзара җыелган матди   ярдәме, изге ниятләре, осталарның мәчет эшендә катнашып, ярдәмләшеп йөрүләре, “Чишмә” агрофирмасының булышлыгы белән Ураза гаете көнне мәчеттә тәүге азан яңгырады. Мәчет ачылу тантанасыннан соң, бар халык җәмәгать белән җомга намазы укыды.

Рамазан ае дәвамында Актанышыбызда Төркиядән килгән Коръән –хафиз Ариф Бингол кунак булды. Мәчетләрдә вәгазьләр сөйләде, Коръән, тәравих намазлары укыды. Актаныш халкының имин тормышта бәрәкәт белән яшәвен теләп  догалар кылды.

Гает бәйрәме көнне Меңнәр авылында 53 нче мәчет ачылачак. Ачылу тантанасы 11 сәгатьтә башлана. 12 сәгатьтә мәчеттә җомга намазы укылачак. Дин кардәшләребезне әлеге чарада көтеп калабыз.

Милли бәйрәмебез Сабантуйдагы  гореф-гадәтләребезне, йолаларыбызны искә төшерү, үсеп килүче яшь буынга күрсәтү максатыннан, 5-7 июнь көннәрендә Актаныш авыл башкарма комитеты белгечләре җиз кыңгырау чыңлатып, чуклы сөлгеләр белән  бизәлгән ат арбасына утырып, гармунга кушылып җырлап, җирлегебездә бүләкләр җыйнау оештырдылар. 

Хөрмәтле райондашлар! Кадерле игенчеләр! Кайткан кунаклар! Сезне барыгызны да Актаныш муниципаль районы сабантуйларына  чакырам. Кайтыгыз, килегез, бәйгеләрдә катнашып рәхәтләнеп күңел ачыгыз. Бәйрәмнәр һәр өйгә, һәр гаиләгә шатлык-сөенечләр генә алып килсен, тормышыбызга ямь өстәсен!

15 июнь - Чишмә, Күҗәкә, Куян авыл җирлекләрендә сабантуй бәйрәме.

16 июнь - авыл җирлекләрендә сабантуй.  Кич Актанышта 18 сәгатьтә “Актаныш басмалары” ял паркында якташлар, үзешчәннәр катнашында  ретро-концерт.

17 июнь - район үзәгендә сабантуй бәйрәме.