ЯҢАЛЫКЛАР
Такталачык коррекцион мәктәбе базасында 19 март көнне кул көрәше буенча коррекцион уку йортлары укучылары арасында республика бәйгеләренең зона туры узды. Актаныш, Минзәлә, Мөслим, Тукай районнарыннан һәм Түбән Кама районының Югары Чаллы мәктәбеннән килгән 5 команда арасында безнең такталачыклылар мәртәбәле I урынны яуладылар.
18 март көнне Мари Суыксу авылы халкы шау-гөр килеп Уярня – май чабу бәйрәмен үткәрде.
– Саннар үсештә булса да – темплары аз икәне терлекчелек тармагыннан ерак торган кешегә дә ачык күренә! Әлеге сүзләр район терлекчелек тармагының февраль ае нәтиҗәләренә багышланган чираттагы гамәли сөйләшүдә авыл хуҗалыгы һәм азык-төлек идарәсе башлыгы Дәниф Харисов тарафыннан яңгырады.
Россия Эчке Эшләр министрлыгының Актаныш районы буенча бүлегенең разводы район хакимият бинасы каршындагы мәйданда 15 март көнне үтте. Чарада бүлек шәхси составта, шулай ук, полициянең җәмәгатьчелек тәртибен саклауда ярдәм максатыннан эшләп килүче ирекле халык дружиналары вәкилләре, җәза үтәтү инспекциясе инспекторлары катнашты.
“Бүләк” чаңгы базасында 16 март көнне урта һәм төп гомуми белем бирү учреждениеләре укучылары арасында чаңгы спринты буенча ярышлар узачак. Физик культура белән массакүләм рәвештә шөгыльләнү, кышкы спорт төрләре бәйгеләренә нәтиҗә ясау, сәламәт тормыш рәвешен пропагандалау һәм иң көчле чаңгычыларны билгеләү максатыннан оештырылучы әлеге бәйге сәг.10.00га тәгаенләнгән.
«Созвездие-Йолдызлык-2013» XIII республика фестиваленең Чаллы зонасы ярышлары быел тәүге мәртәбә Актанышта 12-13 март көннәрендә район мәдәният сараенда уза. Биредә Актаныш, Минзәлә, Мөслим, Әгерҗе районнары йолдызчыклары имтихан тота.
“Йолдызлык”ның гала-концерты бүген 17.00 сәгатьтә башлана.