ЯҢАЛЫКЛАР
Бүген район башлыгы Энгель Фәттахов җитәкчелегендә , район Башкарма комитет җитәкчесенең социаль мәсьәләләр буенча урынбасары Ләйсән Нурлыева, район мәгариф бүлеге җитәкчесе Раниза Шакирова, белем бирү учрежденияләре җитәкчеләре катнашында чираттагы киңәшмә узды. Эшлекле сөйләшү барлык санитар нормаларны үтәп оештырылды. Киңәшмә барышында яңа уку елына таләпләр һәм бурычлар, мәгариф оешмаларында туклануны оештыру һәм башка көнүзәк мәсьәләләргә багышланды ул.
Дуңгызларның африка чумасы – биек дәрәҗәдә йогышлы вируслы чир. Бизгәк, тирегә, лайлалы ярыларга, эчке әгъзаларга кан йөгерү белән характерлана. 90-100% хайванных hәлакәтенә китерә.
1 нче октябрьдән 10 нчы октябрьга кадәр районда традицион өлкәннәр ункөнлеге узды. Бу көннәрдә өлкәннәргә аеруча игътибар, мәрхәмәт күрсәтелә, төрле чаралар, очрашулар үткәрелә. Аларны борчыган сораулар, проблемалар өйрәнелеп, чишү юллары эзләнә.
ХӨРМӘТЛЕ АВЫЛ ХУҖАЛЫГЫ ҺӘМ ЭШКӘРТҮ СӘНӘГАТЕ ХЕЗМӘТКӘРЛӘРЕ, ВЕТЕРАННАРЫБЫЗ!
Сезне һөнәри бәйрәмегез белән ихлас күңелдән тәбрик итәм. Җир кешесе өчен иң зур, иң күркәм вә әһәмиятле бәйрәмнәрнең берсе ул. Агымдагы ел авыл хуҗалыгы өчен бик уңай килмәсә дә, булган уңышны түкми-чәчми амбарларга озатуга ирештек. Терлекчелек тармагында да күрсәткечләрне саклап кала алдык. Биредә, табыннарыбызда азык-төлек муллыгын тәэмин итү өчен тырышучы тәҗрибәле игенчеләребез, терлекчеләребезнең өлеше зурдан. Сезнең кебек, үз хезмәтенә тугры калып, яратып башкарганнар гына зур нәтиҗәләргә ирешә ала.
Мөхтәрәм ветераннарыбыз! Авыл хуҗалыгы өлкәсендә ирешкәннәребездә Сезнең хезмәт өлешегез дә зурдан. Кыенлыклар белән исәпләшмичә, үз хезмәтегезне намус белән башкарып, еллар һәм чорлар дәвамында Сез салган ныклы нигез ул. Безнең өчен чын мәгънәсендә тырышлык һәм сабырлык үрнәге сез. Сезгә, эчкерсез, тырыш хезмәтегез өчен ихластан рәхмәт әйтеп, алдыгызда баш иябез. Киләчәк көннәрдә дә якыннарыгызның ихтирамын тоеп, сәламәтлеккә туеп, алдагы елларда да районыбыз үсешенең шаһите булып, горурланып, зур җиңүләрне бергә каршы алып яшәргә язсын.
Хөрмәтле авыл хуҗалыгы һәм эшкәртү сәнәгате хезмәткәрләре Тырыш хезмәтегез өчен олы рәхмәтемне кабул итеп алыгыз. Сезгә, якыннарыгызга нык сәламәтлек, гаиләләрегезгә иминлек, куанычлы тормыш, күтәренке рух һәм яңа хезмәт җиңүләре телим. Бәйрәм белән!
Тирән ихтирам белән
Э.Н.Фәттахов, Актаныш муниципаль район Башлыгы.
Авыл хуҗалыгы һәм эшкәртү сәнәгате хезмәтчәннәре көне уңаеннан, район башлыгы Энгель Фәттахов, авыл хуҗалыгы тармагының бүгенге уңышларына нигез салган, кечкенәдән хуҗалык эшенә җигелеп, район авыл хуҗалыгы сәнәгатенең үсешенә зур өлеш керткән хөрмәтле ветераннарыбызны хөрмәтләде. Шуларның берсе - Киров авылында гомер кичерүче, Ленин ордены кавалеры Каһирова Зөлфирә Барый кызы.
Ул 1940 нчы елның 1 январенда Актаныш районы Усы авылында дөньяга килгән. Кечкенәдән укытучы булырга хыяллана ул. Әмма ятимлек һәм нужа хуҗалык эшенә илтә. 8 сыйныфта укыгында мәктәпне ташлап хуҗалыкта дуңгыз караучы булып эшли башлый.
Фидакарь хезмәте өчен күп санлы Мактау кәгазьләре, Рәхмәт хатлары, орден-медальләр белән бүләкләнгән ул. Алар арасында иң кадерлесе - Ленин ордены. Әлеге зур бүләккә һәм хөрмәтләүгә бик сирәк кеше лаек булган. СССРның иң югары дәүләт бүләге ул.
Районыбызның яшь шахматчылары, остазлары Илдар Имамов һәм Фәһим галимов җитәкчелегендә Самара шәһәрендә узган авыл районнары арасында Бөтенроссия турнирында катнашып Чемпион исемен яуладылар. Бүген Актанышка кайтып җиткән шахматчыларыбызны чәчәк гөлләмәләре белән ата-аналар, район яшьләр эшләре спорт һәм туризм бүлеге җитәкчесе Ленис Вәлиев, балалар һәм яшьүсмерләр спорт мәктәбе җитәкчесе Әнвәр Гафуров карша алды.
Атна дәвамында барган турнирда, егетләр арасында Латыйпов Данияр чемпион исеменә лаек булды. Рахманова Зөләйха үз яшьтәшләре арасында 2 нче урынны, Латыйпова Раяна, Сәлахова Валерия 3 нче урыннарны яуладылар. Нәбиева Рамилә, Рахманова Зәйнәп, Латыйпова Раяна беренче урынны яулап, Россия чемпионы исеменә лаек булдылар! Балаларны һәм остазларын ихлас күңелдән җиңүләре белән тәбрик итәбез! Афәрин!
8 ноябрь көнне Казанда авыл хуҗалыгы һәм эшкәртү сәнәгате хезмәткәрләренең һөнәри бәйрәмнәре уңаеннан зур тантана узды. Аның төп бизәге үзебезнең "Агыйдел" дәүләт җыр һәм бию ансамбле булды. Бәйрәм барышынды еллык эшчәнлеккә нәтиҗә ясалып, әлеге өлкәдә хезмәт куйган җитәкчеләр, һөнәр ияләре хөрмәтләнде.
Татарстан Республикасы Президенты Рөстәм Нургали улы Миңнеханов Актаныш муниципаль район башлыгы Энгель Нәвап улы Фәттаховка "Россия Федерациясенең атказанган авыл хуҗалыгы хезмәткәре" дигән мактаулы исемне тапшырды! Энгель Нәвап улын ихлас күңелдән тәбрик итәбез һәм киләчәктә дә хезмәтендә уңышлар теләп калабыз!
Өлкәннәр көне белән!
Сәламәтлек ташламасын сезне,
Һәр көнегез үтсен шатлыкта.
Яшәү яме, дөнья иминлеге
Юлдаш булсын сезгә hәрчакта!
Халыкара өлкәннәр көне кысаларында Татарстан Республикасы Дәүләт алкоголь инспекциясе Яр Чаллы шәhәht территориаль органы коллективы барча өлкәннәрне Халыкара өлкәннәр көне белән тәбрикли.
Хөрмәтле Өлкән буын кешеләребез! Сезне чын күңелебездән Халыкара өлкәннәр көне белән котлыйбыз.
Сез яшь вакытыгызда авырлыкларга бирешмичә илебезнен уңышы өчен көчегезне кызганмагансыз. Бу дөньяда куйган хезмәтләрегез, кылган изгелекләрегез өчен рәхмәт сезгә!
Без, яшь буынныр, сезнең киңәшләрегезгә таянып, юлдан тайпалмыйча, үрнәк булып яшәргә тырышырбыз!
Сезгә саулык сәламәтлек, озын гомер телибез, урыннарыгыз өйнең турләрендә булсын, алдагы тормышыгызда доньяга ямь биреп яшәгез, безнен хөрмэтле ак эбилэр hәм бабайлар!
Бәйрәм белән сезне кадерлеләребез!
Әҗәкүл авылында изге җанлы кешеләребезнең ярдәмнәре белән яңа мәчет торгызырга ният кылганнар.
Аның нинди булачагын фотолардан күреп хозурлана аласыз. Татар-башкорт "күперенең" иң башында кунакларны каршы алган авыл азансыз булса, бу безне бер дә бизәми.
"Проект ясалды, битараф булмаган авылдашлар, иганәчеләр ярдәме белән бүген нигез ташлары кайтарылды. Кәгазь эшләрен төгәлләп, акрынлап төзелешне башларга иде" ди җирлек башлыгы Гадел Маликов.