ЯҢАЛЫКЛАР

2019 елның 21 июненнән 5 июленә кадәр Кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт икмәк-күмәч, кондитер әйберләре сыйфаты һәм иминлеге мәсьәләләре буенча «Кайнар элемтә» үткәрә. Барлык кызыксындырган сораулар буенча 8 800 55 549 43 номеры буенча шалтыратырга мөмкин.

Татарстан Республикасында Бала хокуклары буенча вәкаләтле вәкил Аппаратында гражданнарны кабул итү.

Агротехник күргәзмә Олы Кабан авылы янындагы Татарстан авыл хуҗалыгы фәнни-тикшеренү институтының (ТатНИИСХ) тәҗрибә кырларында ачылды.

Бу кыр форматының иң зур күргәзмәсе 2 июльдән 4 июльгә кадәр эшләячәк. Рәсми кунаклар экспозицияләрне караячак-катнашучылар стендларын караячак һәм Татарстан Республикасы һәм Россия Федерациясенең башка төбәкләре агросәнәгать комплексы яңалыклары белән танышачак.

Күргәзмәдә «Үсемлекчелек», «АПКны инженер-техник тәэмин итү», «Терлекчелек», «Мелиорация», «Кече хуҗалык рәвешләре»тематик бүлекләре тәкъдим ителә.

Эшлекле программа кысаларында күргәзмәдә катнашучыларның стендларын тәкъдир итү, мастер-класслар, түгәрәк өстәлләр үткәрү планлаштырыла, анда авыл хуҗалыгы тармаклары үсешенең актуаль мәсьәләләре буенча фикер алышу булачак. Бу чараларда агросәнәгать компанияләре, авыл хуҗалыгы предприятиеләре җитәкчеләре, галимнәр-аграрийлар, бизнес һәм хакимият вәкилләре катнашачак.

Актаныш район башлыгы Энгель Фәттахов Россия спорт мастеры Марат Солтанов белән очрашты.

-Олимпиа уеннарында катнашып, өстәл теннисы буенча чемпион калу өчен үзеңдә нинди сыйфатлар булдырырга кирәк дип саныйсың, ничек шөгыльләнәсең, - дип сорап, Актаныш район башлыгы Энгель Нәвап улы очрашу вакытында Маратка тагын да югарырак биеклеккә ирешү максаты куйды.

1 июльдә Актаныш хастаханәсе поликлиникасында Татарстан Республикасы Сәламәтлек саклау министрлыгының 29.049 № 894 боерыгы нигезендә һәм «Өлкән буын гражданнарына системалы ярдәм күрсәтү, тормыш сыйфатын күтәрү программасын эшләү һәм тормышка ашыру», «Демография»,  «Гериатрия профиле буенча медицина ярдәме системасын үстерү» милли проектларын тормышка ашыру максатларында хастаханә тарихында беренче тапкыр гериатрия кабинеты ачылды.

Россия Федерациясе Гражданнар кодексының 795 статьясындагы 1 пунктында билгеләнгән пассажирны җибәрүне тоткарлаган өчен транспорт йөртүченең гомуми җаваплылыгы кагыйдәләре нигезендә, транспорт чарасын җибәрүне тоткарлаган яки мондый транспорт чарасы билгеләнгән пунктка килүгә соңга калган өчен, пассажир йөртүче пассажирга кодекста билгеләнгән күләмдә штраф түли.

Россия Транспорт министрлыгының 2007 елның 28 июнендәге 82 номерлы боерыгы (алга таба - ФАП) белән расланган «Пассажирларны, багажны, йөкләрне һава транспортында йөртүнең гомуми кагыйдәләре һәм пассажирларга, йөк җибәрүчеләргә, йөк йөртүчеләргә хезмәт күрсәтүгә таләпләр» федераль авиация кагыйдәләренең 72 пункты таләпләренә туры китереп, даими рейслар һава судноларының пассажирлар ташучы һәм компьютер банкында урнаштырылган хәрәкәте расписаниесе нигезендә башкарыла, ә чартер рейслары - чартерларда пассажирлар йөртү планы (графигы) нигезендә башкарыла. Шул ук вакытта ФАПның 73 пункты һәр даими рейс буенча мәгълүматка таләпләр билгеләнгән, аларга һава суднолары хәрәкәтенең басылып чыккан расписаниесе җавап бирергә тиеш.

             Социаль акция кысаларында Татарстан Республикасы буенча Росреестр идарәсе тарафыннан 30 комплект документ кабул ителгән. Әлеге документлар дәүләт кадастр исәбен һәм дәүләт теркәвен гамәлгә ашыру өчен эшләнгән.  Шулай итеп, 30 ветеран кыска вакыт эчендә күчемсез милек рәсмиләштергән.

             Исегезгә төшерәбез, әлеге акция 22 апрельдән 22 июньгә кадәр Бөек Ватан сугышы инвалидлары һәм ветераннары, аларга тиңләштерелгән затлар, шулай ук Бөек Ватан сугышы ветераннарының тол хатыннары, концлагерь тоткыннары өчен уздырылды.

Тәрәзә-ишекләргә заказ бирү – күңелле, ләкин җаваплы һәм кыйммәтле вакыйга. ТР Дәүләт алкоголь инспекциясенең Чаллы территориаль органы “Кайнар элемтә” телефонына тәрәзәләрне һәм ишекләрне тиешенчә урнаштырмау турында да  мөрәҗәгатьләр килә. Кулланучыларның хокукларын яклау бүлеге белгечләре әлеге мәсьәләдә үз киңәшләрен бирә. Компанияләр күп, һәм алар арасыннан сайлап алуы шактый катлаулы. Барыннан да элек, рекламага игътибар итү кирәк. Тәрәзә базарында көндәшлек шактый зур булганлыктан, фирмалар үзләрен күрсәтү өчен акчаларын кызганмый. Компанияләрнең күпчелеге телевидение рекламасыннан файдалана алмый, төп белешмәләр газеталарда һәм махсус мәгълүмат кәгазьләрендә була. Фирма офисына барганда реклама буклетлары, листовкалар белән танышырга һәм заказ бирү белән ашыкмаска, ә берничә компаниядә йөреп чыгарга кирәк. Интернеттан файдаланырга, дусларның һәм танышларның киңәшләрен истә тотарга була. Иң мөһиме – бер көнлек фирма кармагына эләкмәскә.

Актаныш районында “Ялкын” журналы мөхәррире Илназ Фазуллин җитәкчелегендә иҗат төркеме май аенда эшлекле сәфәрдә булып, район турында фильм әзерләп, өр-яңа проектларына старт бирде. 

Пучы җирлегендә иминлекне һәм янгын куркынычсызлыгын тәэмин итүдәге булышлыгы өчен "Нур Баян" хуҗалыгы җитәкчесе Айрат Гапсәләмовка ТР буенча Россия гадәттән тыш хәлләр министрлыгы Баш идарәсе җитәкчесенең Рәхмәт хатын бүген атналык киңәшмәдә Актаныш район башлыгы Энгель Фәттахов тапшырды.