ЯҢАЛЫКЛАР

15 март көнне муниципаль район башлыгы Э.Н.Фәттахов җитәкчелегендә “Саф“ хуҗалыгында узган зур гамәли сөйләшү дә эшчәнлеккә дөрес бәя куеп, агымдагы елга үзенчәлекле тактика сайлап, базар шартларына таянып һәр тармакның үсешен дөрес билгеләп үтү максатыннан оештырылды.

6-7 март көннәрендә Байлар Сабасында нәфис затлар арасында ТР беренчелегенә багышланган хоккей уеннарының I этабы үтте.

Узган шимбәдә яз кояшы да ныграк елмайды, җилләр дә тынып торды кебек. Әйтерсең, табигать  тә хөрмәтле хатын-кызларыбызны бәйрәмнәре белән тәбрик итте. Районның алдынгы хатын-кызлары өчен уздырылучы бәйрәм чарасында быел да гүзәл затларыбызга  мәдхия җырланды, ихтирам-хөрмәт күрсәтелде.

“Марс“ ҖЧҖ бер атна эчендә терлек азыгы әзерләүне төгәлләде. Әлегә беренче кат чабудан. Моңа 22 июньдә  керешкәннәр иде, 28ендә азык утарына  төргәкләнгән 231 тонна печән басудан кайтарылып бетте, өеп, ябып,  базга салынган 1700 тонна сенаж да каплап куелды. Шул рәвешле кыш чыгарга кирәкле печәннең өчтән беренә  якыны, сенажның 43 проценты тупланды инде. Бу– бер терлеккә 8,6 шартлы центнер азык  берәмлеге туры килә дигән сүз.

Алдан хәбәр иткәнебезчә, ТР Фәннәр академиясенең Г.Ибраһимов исемендәге Тел, әдәбият һәм сәнгать институтыннан районның тарихын, халыкның телен, авыз иҗатын, гореф-гадәтен, йолаларын, шөгыльләрен төрле яктан тирәнтен өйрәнү өчен зур төркем килде. Галимнәр арасында 4 фән докторы, профессор, Татарстанның Г.Тукай исемендәге Дәүләт бүләге иясе, ТР һәм РФнең атказанган фән эшлеклеләре һәм гыйлем дөньясында тәүге адымнарын атлаучы яшьләр дә бар.

Актаныш 25 июньдә ТР Дәүләт Советының Экология, табигатьтән файдалану һәм аграр мәсьәләләр буенча комитеты һәм ТРда Экологик куркынычсызлык, табигатьтән файдалану һәм санитария-эпидемиология иминлеге буенча ведомостьара комиссиянең күчмә утырышын уздыру урынына әйләнде. Аңа әлеге комитет һәм комиссия әгъзалары, муниципаль районнарның башкарма комитетлары җитәкчеләре һәм вәкилләре, ТР прокуратурасы, предприятие һәм оешмалары вәкилләре, ТР Экология һәм табигый ресурслар министрлыгының тармак җитәкчеләре, матбугат һәм мәгълүмат  чаралары хезмәткәрләре чакырылган иде.

Муниципаль район башлыгы Э.Н.Фәттаховның район халкына мөрәҗәгате

Гүзәл Нәбиуллина– Актанышның  2 нче урта мәктәбенең XI сыйныфын алтын медальгә тәмамлап, олы юлга аяк басучыларның берсе. Кечкенә сыйныфлардан гел тырышып укыган кыз бердәм дәүләт имтиханнарында да сынатмады: математикадан– 73, химиядән– 81, биологиядән 86 балл җыеп, районыбызда иң югары күрсәткечләргә ия булды. Бу уңышларга шушы фәннәрдән ел саен төрле бәйгеләрдә катнашып алдынгы урыннарны яулап килүе ярдәм итте Гүзәл фортепьяно һәм скрипка сыйныфларында  да өстәмә белем алган, шулай ук төрле бәйрәмнәрдә, сабантуйларда катнашып үзенең талантын һәр яктан ачкан көчле  энергияле, тынгысыз укучы.

Физкультура укытучысы Фәрит Әхмәдишин истәлегенә 24 гыйнварда җиденче тапкыр оештырылган чаңгычылар эстафетасы 30 командадан 125 узышчыны җыйган иде. Урта белем учакларыннан Актанышның 2 нче (остазлары Р.Нуриәхмәтов), 1 нче (Р.Ялалов) һәм Пучы (М.Дәүләтова), аларның тугызъеллык өлешеннән Актанышның шул ук мәктәпләре белән Иске Богады (И.Фәттахов), төп гомуми белем мәктәпләреннән Кәзкәй (А.Гомәров), Әтәс (А.Хәбибуллин), Иске Айман (А.Галиуллин) чаңгычылары I-III урыннарны яуладылар. Аларга Фәрит Заһит улының шәкертләре– эшмәкәрләр Гаяз Авзалов, Зөфәр Шәрәфиев белән Алмаз Мортазин хәзерләгән акчалата бүләкләр, җиңүче командаларга күчмә кубоклар тапшырылды.