ЯҢАЛЫКЛАР

Тиз шахмат буенча Хөрмәтуллин Таһир, Закирҗанов Мансур, Латыйпов Данияр, Рахманова Зәйнәп 3 нче урынны яулады. Остазлары Илдар Имамов. Икенче көнне әлеге шахматчылар команда ярышларында катнашып, блиц-шахмат бәйгесендә 2 урынга иреште. Закирҗанов Мансур турнирның абсолют җиңүчесе булды.

2019 елда районга 19 миллионнан артык дәүләт ярдәме кайткан. Тана алучылар республика бюджетыннан 1 980 000 сумга ия булса, җирле  бюджет аларга 1 305 000 сум белән ярдәм иткән. Дәүләт субсидияләренең 9 800 000 сумы мини-ферма торгызучылар өчен билгеләнсә, “Агростартап”  һәм башлангыч фермерлар өчен районга өчәр миллион сум акча кайткан.

Бүген, 24 гыйнвар көнне,  Актанышта  район башлыгы Энгель Фәттахов рәислегендә мәктәп директорларының, бакча мөдирләренең чираттагы киңәшмәсе үтте.

Районның 14 җирлегендә сөт бәясе югарыракка өмет иттерә. Биредәге халык бер литр сөтен 21 сумга да тапшырырга риза – риза булмый чарасы юк чөнки. Ул бит көн саен сөтен чиләккә салып Иске Байсарга бара алмый...

Сөткә бәя билгеләгәндә, райондагы сөт  җыючыларның уртак фикергә килә алмаулары гына аңлашылмый. Куегыз инде шуңа кешечә бертөрле бәя – халык үзенең кадерен аңларлык булсын ул. Сыер тоткач, аның файдасын күрәсе килү табигый хәл, шулай булгач, хезмәт белән көн күргән халыкта ризасызлык тудырмагыз – авыл кешесе моңа лаек түгел!

Авылны халык үзе яшәтергә омтылганда, сез - җирлек башлыклары,  аларга терәк тә, киңәшче дә, ярдәмче дә булырга бурычлы. Ни генә дисәгез дә, нәкъ менә җирлек халкы тырышлыгы нәтиҗәсендә макталасыз бит сез 24 форма-киңәшмәдә. Айлык нәтиҗәләр буенча яуланган ат сыны да сезгә түгел, ә иртәннән кичкә кадәр тырышкан  авыл кешесенең нәтиҗәле хезмәтенә бәя буларак бирелә. Җирекләрдә дәвам иткән халык җыеннарында бу хакта әйтеп китсәгез дә урынлы булыр иде, халык күңеле өчен диюем. Вакыт үтсенгә сөйләнгән сүзләргә карый, лаеклы макталу күпкә отышлырактыр дигән фикердә мин.

Җыеннардан сораулар: умарталар үлә, урам юл билгесе көтә...

Бу хакта тулырак https://youtu.be/ptFlJCx2gaI  сылтамасы белән “Актаныш- безнең ZAMAN” каналыннан карый аласыз.

"Лачын" бозында Әлмәт шәһәреннән килгән фигуралы шуу осталары кайнар шоу күрсәтте. 

Бу хакта тулырак https://youtu.be/7w-iRjm1Dm0 сылтамасы белән “Актаныш- безнең ZAMAN” каналыннан карый аласыз.

Үләт базы тулу гына маллар үлемен туктатмый: район хуҗалыкларында да, шәхси секторлар да терлек үлеме даими теркәлеп тора. Мисал өчен, бер ел эчендә генә дә хуҗалыкларда 946 мал үлеменә юл куелган. Бу – Актаныш районында гына, Татарстан буенча күпме икәнен санарга да куркыныч. Менә шуларны анализлаганнан соң, районнарда биологик калдыкларны утильләштерү буенча махсус машиналар хезмәте  кирәклеге ачыкланган да инде – проект шуны тормышка ашырачак.  

Бүген Татарстан Республикасы урман хуҗалыгы министры Равил Кузюров эш визиты белән Актаныш районына килде. Район башлыгы Энгель Фәттахов рәислегендә үткән эшлекле киңәшмәдә  "Минзәлә урманчылыгы" ДКУ җитәкче-урманчысы Илнар Әхмәтгалиев, "Минзәлә урман хуҗалыгы" ДБУ директоры Айдар Хәлиуллин, хуҗалыкның Актаныш районы бүлеге җитәкчесе Әгъзәп Әхмәтгалиевлар катнашты.

Бу хакта тулырак https://youtu.be/ZFPdNN8dsFw сылтамасы белән “Актаныш- безнең ZAMAN” каналыннан карый аласыз.

15 ел эчендә Актаныш балалары “Лачын” бозында тәүге чыныгуларын алды, шул рәвешле хоккей спортында “актанышлылар” дигән яңа исем барлыкка килде. Бүген инде районыбыз хоккейчылары данлыклы Актанышны республика, Россия күләм дәрәҗәләргә чыгара – әлеге күрсәткечләр исә “Лачын” боз сараеның районыбыз өчен гаять мөһим объект булуын раслый.