ЯҢАЛЫКЛАР

30 август көнне  Актанышта Габдулла Тукай премиясенә лаек булган якташларыбызның исемнәре мәңгеләштерелде. Алар хөрмәтенә мәдәният паркында үзенчәлекле стела ачылды.

Чөгәнә авылы балалары хәзер мәктәп автобусының килгәнен көтеп тормаячак, ә өйдән чыккач, туп-туры яңа матур мәктәпкә юл алачаклар. 1 сентябрь- Белем көне алдыннан авылда тантаналы төстә башлангыч мәктәп-бакча ачылды. Мәгариф оешмасында 15 укучы башлангыч сыйныфта, 15 нәни балалар бакчасы өлешендә тәрбия һәм белем алачак.

Чөгәнә авылы халкы элек-электән белем-мәгърифәткә тартылган. 1919 нчы елда биредә, Актаныш районында беренчеләрдән булып, дөньви мәктәп ачыла. Шуннан бирле авыл киләчәге булган балалар белемне туган авылларында алган.

30 август көнне  интерактив стильдә эшләнгән  музей белән тәүге тапкыр   Әлфия Авзалованың кызы Зөлфия Нигъмәтҗанова  танышты.

Әнисенең  тормышын чагылдырган фотографияләр, концерт афишалары,  яшь чагында төшерелгән аклы-каралы фильм-клиплар, 70нче еллар радиоалгычыннан Әлфия апаның яңгыраган  җырлары – болар берсе дә Зөлфия ханымны битараф калдырмады.

“Нигез” җәмгыяте Актаныш районында өченче булып 2020 елның урагын “җиңү”гә иреште. 29 август кичендә соңгы гектарларның уңышын җыйнап алган хуҗалык, шул рәвешле, 30 август – бәйрәм иртәсен “Урак батыры” дигән дәрәҗәле исем белән лаеклы каршы алды.

Күренекле татар җырчысы Әлфия Авзалованы Актанышка “кайтарган”  скульптор - Фәнил Вәлиуллин.

Бүген районыбызда ТАССРның 100 еллыгы, Актаныш авылының барлыкка килүенә 310, район төзелүгә 90 ел тулу уңаеннан зур бәйрәм оештырылды. Тантаналы чарада Әлфия Авзалова исемендәге район мәдәният сараенда республиканың төрле төбәкләреннән кайткан якташлар, районның үсешенә зур өлеш керткән ветеран райондашлар, җитәкчеләр катнашты.

Актанышның күркәм юбилеена бик күп якташларыбыз да кайткан иде. Әдәбият, сәнгать өлкәсендә танылу алган актанышлылар сәләтле балалар өчен гуманитар-гимназия интернатта булып, даны еракларга таралган уку йорты, биредәге белем бирү системасы белән таныштылар.  

 Бүген Чөгәнә авылында өр-яңа мәктәп- бакча рәсми төстә ачылып, файдалануга тапшырылды. 1 сентябрьндә  Актанышның беренче санлы мәктәбенең структур бүлекчәсе булган белем һәм тәрбия бирү йорты укучыларны һәм бакча балаларын үзендә каршы алачак.

Чарада алтынчы чакырылыш Татарстан Республикасы Дәүләт Советы депутаты Альберт Хәбибуллин һәм Казан шәһәрендә Актаныш якташлар җәмгыяте рәисе Вәсим  Вахитов катнашты.

Бүген җитәкчелек "Безнең ишегалды" программасы буенча иң беренчеләрдән булып төзекләндерелгән беренче кварталда булып, эшләнгән эшләр белән танышты.

Бүген, 30 август, Республика көнендә,  Актаныш районында да тарих битләренә уелып калырлык бәйрәм чаралары оештырылды. Татар иле ТАССРның бер гасырлык юбилеен каршы алган ел Актаныш өчен икеләтә истәлекле. 2020 елда туган ягыбыз Актаныш 310 еллыгын билгеләп үтсә, районыбыз төзелүгә 90 ел.