ЯҢАЛЫКЛАР

Бүген Актанышка эшлекле сәфәр белән тарихчы-галим, фәннәр докторы, профессор, җәмәгать эшлеклесе, Татарстан Фәннәр Академиясенең Татар энциклопедиясе һәм төбәкне өйрәнү институты директоры Искәндәр Гыйләҗев килде.

Искәндәр Аяз улы  Актаныш район башлыгы Энгель Фәттахов белән сәләтле балалар өчен гуманитар – гимназия интернат укучылары белән очрашты, лидерлык дәресләре бирде.

Эшлекле сәфәр кысаларында Искәндәр Аяз улы райондашларыбызга “Татарстан Республикасы торак пунктлары” энциклопедиясен тәкъдир итте.

Бүген “Яшьлек” яшьләр үзәгендә Татарстан тарихы фәненнән республика олимпиадасының муниципаль этабы җиңүчеләрен хөрмәтләү тантанасы узды. Бүләкләү алдыннан олипиада эшләренә нәтиҗә ясалды. Актанышның беренче санлы мәктәбенең тарих укытучысы Руслан Сафиуллин, Актанышның икенче санлы мәктәбенең тарих укытучысы Энҗе Моталлапова, Актаныштагы Сәләтле балалар өчен гуманитар гимназия укытучысы Марат Гыйльметдинов һәр сыйныф буенча эшләрне анализлады.

Технология фәненнән олимпиадада җиңү өчен математика кебек төгәл фәннәр белән беррәттән, логик фикерләү һәм сөйләм культурасына ия булып үз проектларыңны яклый белергә кирәк. Технология укытучыларының методик берләшмә җитәкчесе Алмаз Рахманов ир балаларның эшләренә анализ ясап, катнашкан укучыларга, аларның остазларына рәхмәт белдерде. Ни кызганыч, технология фәнен тугыз мәктәп әллә ни кирәклегә санап тормаган, шуңа күрә катнашучылар саны узган ел белән чагыштырганда кимегән: быел 30 булса, узган ел 50 укучы катнашкан. Олимпиада ике көн дәвам итә, беренче көнне укучылар теория һәм гамәли күнекмәләрен күрсәтсә, кичә, 15 декабрь көнне үз куллары белән проектларын якладылар.

Технология фәненнән олимпиадада җиңү өчен математика кебек төгәл фәннәр белән беррәттән, логик фикерләү һәм сөйләм культурасына ия булып үз проектларыңны яклый белергә кирәк. Технология укытучыларының методик берләшмә җитәкчесе Алмаз Рахманов ир балаларның эшләренә анализ ясап, катнашкан укучыларга, аларның остазларына рәхмәт белдерде. Ни кызганыч, технология фәнен тугыз мәктәп әллә ни кирәклегә санап тормаган, шуңа күрә катнашучылар саны узган ел белән чагыштырганда кимегән: быел 30 булса, узган ел 50 укучы катнашкан. Олимпиада ике көн дәвам итә, беренче көнне укучылар теория һәм гамәли күнекмәләрен күрсәтсә, кичә, 15 декабрь көнне үз куллары белән проектларын якладылар.

Геология мәктәпләрдә аерым фән булып укытылмаса да, быел әлеге предмет олимпиадасында барлыгы 33 укучы катнашкан. Биредә дә иң күп катнашучы VIII сыйныфта – 14 укучы. Җиңүче булып Актанышның беренче санлы мәктәбеннән Нияз Галимуллин танылды. Укытучысы – З.А.Галиева. Призер исемлегендәге укучылар Пучы, Әлем, Актанышның беренче һәм икенче санлы мәктәпләреннән.

Быел химия фәне буенча республика олимпиадасының муниципаль этабында Актаныш районыннан 33 укучы белемнәрен сынаган. Иң күп катнашучылар саны VIII сыйныфка туры килә. Барлыгы 16 укучы. Гомуми нәтиҗәләр буенча алар арасында җиңүчел булып Актанышның икенче санлы мәктәбеннән Рузилә Гайнетдинова танылды. Укытучысы И.Р. Вахитов. Муниципаль этап призеры Пучы мәктәбеннән Адилә Вахитова, укытучысы А.М. Вагизова.

Бүген “Яшьлек” мәдәни үзәгендә геология һәм химия фәннәре буенча олимпиадаларга нәтиҗәләр чыгарылып, җиңүчеләр һәм призерлар хөрмәтләнде. Методик берләшмә җитәкчеләре, фән укытучылары тарафыннан эшләнгән эшләргә анализ да ясалды.

Бүген район Советының киңәшмәләр залында “Актаныш районы җирлекләрендә шәхси хуҗалыклардан җыелган сөт анализында антибиотик чыкмасын өчен куелган таләпләр, тәкъдим ителгән препаратлар” темасына брифинг узды. Брифингка район авыл хуҗалыгы һәм азык-төлек идарәсе башлыгы вазыйфаларын башкаручы Нәфис Сәлмгәрәев җитәкчелек итте. 
Авыл җирлекләрендә шәхси хуҗалыклар сөтен җыю һәм тапшыруны оештыру, куелган максат, хәл итәсе мәсьәләләр турында Актаныш район Советы рәисе урынбасары Рәйхан Филүс кызы Галимҗанова таныштырды. Әтәс авыл җирлеге башлыгы Эльвира Флүн кызы Насыйрова антибиотиклы сөт җыюны чикләү тәҗрибәсе белән уртаклашты.

Ноябрь аенда хуҗалыклар арасында барган ярышта бер шартлы терлеккә узган ел белән чагыштырганда иң күп акча кереме кертеп, мөгезле эре терлек баш санын арттырып, иң күп ит һәм сөт җитештерүгә ирешкән өч хуҗалык:  муниципаль район советы фондыннан акчалата бүләк белән хөрмәтләнде. Беренче урында "Чишмә" агрофирмасы, икенче урында- "Әнәк" агрофирмасы, өченче урында "Нигез" хуҗалыгы. Әлеге авыл хуҗалыгы берләшмәләре җитәкчеләренә Актаныш муниципаль районы башлыгы Энгель Фәттахов акчалата бүләкләр тапшырды.

2020 елның 16 декабрендә 14.00 сәгатьтән 16.00 сәгатькә кадәр Татарстан Республикасында Кеше хокуклары буенча вәкаләтле вәкил Аппаратында (Казан шәһәре, Карл Маркс ур., 61 нче йорт) Татарстан Республикасында Кеше хокуклары буенча вәкаләтле вәкил С.Х. Сабурская һәм суд приставларының федераль хезмәтенең Татарстан Республикасы буенча идарәсе җитәкчесе А. Ф. Закиров тарафыннан видеоэлемтә режимында гражданнарны кабул итү оештырыла.