ЯҢАЛЫКЛАР

“Татавтодор” җәмгыятенең “Актаныш”бүлекчәсе бүген район юлларының торышы өчен җавап бирә. Оешма Актаныш районындагы 407 километр озынлыктагы юлга хезмәт күрсәтә. Шуның 284 километры асфальт булса, 78 километрны вак ташлы, комлы юл тәшкил итә. Өстәвенә, федераль трассаның 38 километры Актаныш территориясеннән үтә.

Элек-электән Актаныш, бигрәк тә район үзәге, яшеллеге, тирә-юньне бизәп торган куаклары, чәчәклекләре белән аерылып торды. Әмма соңгы елларда бу юнәлештә күпмедер сүлпәнлек сизелә. Матурлык картайды дисәк тә, ялгыш булмас.

Көзге көннәрнең җылы, коры торуына авыл хуҗалыгы тармагында хезмәт куючылардан да артыграк сөенүче булдымы икән? Алтынга тиң көннәрнең кадерен белгән хуҗалыклар шушы чорда басу-кырлардагы хезмәтләрен шактый җиңеләйтүгә иреште.

Бүгенге көндә район буенча төп җир эшкәртү 83 процент күләмендә төгәлләнгән. Кайсы хуҗалыкның нинди күрсәткечләргә ирешүе хакында бүгенге киңәшмәдә район авыл хуҗалыгы һәм азык-төлек идарәсе җитәкчесе вазыйфаларын башкаручы Нәфис Сәлимгәрәев хисап тотты.

Бүгенге көндә районга кайткан 4 080 вакцинаның 4 072се эшләнгән. Балалар өчен билгеләнгән 1 640 вакцина тулысынча ясалып беткән. Авырлы 48 хатын-кыз да үзен шушы юл белән сезонлы грипптан саклаган.

Җитәкчеләр киңәшмәсендә 3 октябрь көнне Актаныш үзәгендә үткән ярминкәдә катнашкан хуҗалыклар аталып, аларга рәхмәт сүзләре ирештерелде.

5 октябрь көнне Актаныш районының җирле үзидарә, оешма, хуҗалык җитәкчеләре катнашында гамәлләштерелгән атналык киңәшмә күңелле мизгелләрдән башланды. Шушы көннәрдә гомер бәйрәмнәрен каршы алган җитәкчеләрне - "Ташкын" хуҗалыгы рәисе Рәүхәт Сәлихҗановны, "Нигез" хуҗалыгы рәисе Дамир Җәлиловны, "Саф" хуҗалыгы рәисе Илфат Әндерҗановны, Аккүз авыл җирлеге башлыгы Галина Имамованы район башлыгы Энгель Фәттахов тәбрик итте.

Бүген хакимият бинасында район башлыгы Энгель Фаттахов рәислегендә атналык киңәшмә узды. Чарада оешма-предприятие җитәкчеләре, авыл башлыклары, хуҗалык җитәкчеләре катнашты.

Татарстан Республикасы буенча Росреестр идарәсе күчемсез милек объектларының кадастр бәясен дәгъвалау комиссиясе эше буенча кайнар линия үткәрде. Гражданнар өчен консультацияне күчемсез милекне кадастр бәяләве бүлеге башлыгы Алсу Әбделманова үткәрде.

Сорауларга җаваплар рус версиясендә.

Казанда Кооператив институт мәйданчыгында Татарстан Республикасы Дәүләт Советының хатын-кыз депутатлар «Мәрхәмәт – Милосердие»

берләшмәсе утырышы булды. Катнашу өчен Россия Федерациясе Дәүләт Думасы депутаты, Икътисади сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина чакырылды.

Фикер алышуның төп темасы сайлаучыларның наказларын үтәү булды. «Узган сайлау кампанияләре барышында Татарстан Президенты һәм муниципаль берәмлекләр депутатлары адресына күпсанлы наказлар килде. Аларны гамәлгә ашырганда төп бурыч - татарстанлыларның тормыш сыйфатын яхшырту», - дип ассызыклады Татарстан Республикасы Дәүләт Советы рәисе урынбасары, «Мәрхәмәт - Милосердие» хатын-кыз депутатлар берләшмәсе җитәкчесе Татьяна Ларионова.

Әлфия Когогина Дәүләт Думасы эшенең агымдагы нәтиҗәләре турында доклад белән чыгыш ясады.

8 октябрьдә 10 сәгатьтә Татарстан Республикасы буенча Росреестр идарәсе кече һәм урта бизнес вәкилләре, шул исәптән шәхси эшмәкәрләр өчен күчемсез милекне рәсмиләштерү мәсьәләләре буенча турыдан-туры эфир Инстаграмда уздырачак.

Туры эфир кысаларында Татарстан Росреестры эксперты кече һәм урта бизнес субъектлары өчен күчемсез милекне теркәү сроклары турында; документлар бирү ысуллары турында; коммерция эшчәнлеге өчен күчемсез милек сатып алганда нәрсәгә игътибар итәргә кирәклеге һ.б. ачыклык кертеләчәк.

Сорауларыгызны хәзер үк бирә аласыз, Татарстан Росреестрының рәсми аккаунтының Direct каналында язасыз @rosreestr_tatarstana.