ЯҢАЛЫКЛАР

Актанышта мәктәп директорлары, балалар бакча мөдирләре белән атналык киңәшмә.

          Татарстан Республикасы Президенты Указы белән Актаныш районы электр элемтәсе үзәгенең клиент сервис группасы әйдәп баручы инженеры Фәндәлия Мөбарәк кызы Вакиловага «Татарстан Республикасының атказанган мәгълүматлаштыру һәм элемтә хезмәткәре»дигән мактаулы исем бирелде.
           Әлеге мактаулы исемне Фәндәлия Мөбарәк кызына Татарстан Республикасы Президенты Рөстәм Миңнеханов Татарстан Республикасы Дәүләт идарәсе цифрлы үстерү, мәгълүмат технологияләре һәм элемтә министрлыгының йомгаклау коллегиясе утырышында тапшырды.
            Хөрмәтле Фәндәлия Мөбарәк кызы!
Бетмәс-төкәнмәс энергиягез, зирәклек белән каравыгыз башкарган эшләрегездә җитди уңышларга ирешергә этәргеч бирә.
            Сезне ихлас күңелдән хезмәт уңышларыгыз белән котлыйбыз! Ныклы саулык-сәламәтлек, гаилә иминлеге, яңадан-яңа үрләр яулавыгызны телибез!

         Үзара салым акчасы Такталачык җирлегендә каршылыкларсыз җыела. Хәтта авылдан читтә яшәүчеләр дә, минем бит авылда атам-анам җирләнгән, минем туган нигезем шушында дип, 500 сум акча күчергәннәр- барысы 12 мең сум акча читтә яшәүчеләр ярдәме. Шулай ук авылдагы фермерлар, эшмәкәрләр дә төрле яклап, бәйрәмнәр, чаралар уздырганда ярдәм итеп тора.

Россия Эчке эшләр министрлыгының Актаныш районы буенча бүлеге җитәкчесе вазифаларын полиция подполковнигы  Марат Азат улы Хуҗиев башкарачак. Марат Азат улы моңа кадәр Россия Федерациясе Эчке Эшләр министрлыгының Чүпрәле  районы буенча бүлек җитәкчесе урынбасары, полиция башлыгы булып хезмәт куйган.

           2020 елда Түке җирлегендә дүрт бала туган. Аларның әти-әниләрен бүген үк сөендерде Рамил Мирхаҗиян улы. Район хакимияте белән ике арадагы килешүне үтәгән өчен авыл башлыгы 100 мең сум акча белән бүләкләнгән иде. Шушы суммадан бишәр меңне демографик күрсәткечне яхшырткан гаиләләргә тапшырды. Авыл җирлегендә ике чакырылыш депутат булып торган Хисмәтуллин Ришат һәм авыл почтальоны Сәләхова Рәмзиягә авыл тормышында актив катнашканнары һәм риясыз хезмәтләре өчен рәхмәт белдерелде.

Подполковник Марат  Хуҗиев РФ Эчке эшләр министрлыгының Актаныш районы буенча бүлеге җитәкчесе итеп билгеләнде(+ВИДЕО)

ЛИДЕР УҢЫШКА 40 % ЫШАНЫЧ БУЛГАНДА КАРАР КАБУЛ ИТӘ

Үзебезчә гадиләштерсәк, алга карап эшләү, дип атарга да була. Алай дисәк, бездә бөтен җитәкче дә алга карап эшли, диярсез. Минем үземә 40 процент белән чагыштыру якынрак. Хәрби стратегия нигезен тәшкил итүче әлеге бәяләмә(алар бөтенесе 19)  бүген һәр илдә, һәр өлкәдә алдынгы карашлы лидерларга уңышка ирешү нигезе буларак тәкъдим ителә. Уңышка ирешим дисәң, нәкъ менә үзеңнең куркуың, шикләрең аша үтеп, вакытыннан алда дөрес карар кабул итү сәләтен булдыру кирәк һәм бу очракта бер өлкәдә дә җиңелмисең, уңышка ирешәсең.

ЭЛЕК ҺӘМ ... ХӘЗЕР. Актаныш авыл җирлекләрендә узучы хисап җыелышларында һәр елны катнашырга туры килә. Кайсы гына җирлектә катнашырга туры килсә дә, хисап тотуның дәрәҗәсенә, халыкның актив булуына игътибар ителә гел. Җирлектә авыл башлыгының хисап куюыннан халык белән икеарада элемтә булу-булмау һәм башка бик күп эшчәнлек барышы аңлашыла. Халык та бүгенге яшәешне һәм үзгәрешләрне элек һәм... хәзер белән чагыштыра. Ә яңалыкларга эшнең нәтиҗәсенә карап бәя бирә.

         Таһир Харрасов әле җирлектә тәүге елын гына эшли. Конкрет, аңлаешлы һәм регламент кысаларында ясады ул халык алдындагы беренче чыгышын. Иске Җияш авылында туып үскән авыл башлыгына биредәге һәр урам, һәр тыкрык балачактан таныш булгангамы, “Ә!” дигәнче проблемаларын чишәсе килү табигый. Хисап җыены ахырында сорау бирергә күтәрелгән ханым да сүзен рәхмәттән башлады, димәк, чыннан да җирлектә бозы ук кузгалмаса да, эри башлаган.

Студентлар очрашуы-2021(+ВИДЕО)