ЯҢАЛЫКЛАР

Агымдагы елның 13 апрелендә Россия Пенсия фонды органнары пенсия тупланмалары акчасы алу хокукы булган гражданнарга Пенсия фондының шәхси кабинеты аша пенсия тупланмаларын түләүне сорап мөрәҗәгать итәргә кирәклекне искәрткән смс-хәбәрләр таратты

Консультация - Татарстан Республикасы территориясендә метеорология күренешләренең интенсивлыгы турында кисәтү

Хөрмәтле гражданнар! Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча түбәндәгеләр керде:

Консультация - метеорология күренешләренең интенсивлыгы турында кисәтү

20 сәгатьтән. 22 апрельдән 10 сәгатькә кадәр. 2021 елның 23 апрелендә

2021 елның 23 апрелендә төнлә һәм иртән Татарстан Республикасы территориясендә шәһәрендә урыны белән томан көтелә.

Россия Гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә:

Томан вакытында:

Табигатьтә актив ял итәргә яратучыларга үзләре белән төзек элемтә чаралары, навигация приборлары булырга киңәш ителә.

Томан юл хәрәкәтендә катнашучыларның барысына да җитди куркыныч тудыра.

Машина йөртүчеләргә машиналар арасындагы дистанцияне арттырырга киңәш ителә. Тукталыш кирәк булганда тизлекне салмак кына киметергә кирәк. Туктаган вакытта берничә тапкыр  тормоз педаленә басып алырга, шуның белән арттан барган машинага сезнең туквавыгыз турында сигнал бирергэ. Автомобильнең техник торышына, бигрәк тә тормоз системасына игътибар итәргә кирәк. Бөтен оптик жихазлар эш хәлендә булырга тиеш. Тукталышларда югары күренешле жилет киергә киңәш ителә.

Ерак араларга барудан баш тартыгыз.

Җәяүлеләргә киңәш ителә:

1. Урамнар һәм юллар аркылы чыкканда игътибарлы булырга;

2. Урамны җәяүлеләр өчен билгеләнгән урында гына кисәргә;

3. Машиналар йөрү өлеше өчен, мөмкин булганча, җир өсте яки җир асты җәяүлеләр кичүләре генә файдаланырга кирәк;

4. Хәрәкәт итүче транспорт алдыннан трассаны узмаска;

5. Транспорт агымын каршы яклап кына хәрәкәт итәргә;

6. Югары күрүчәнлек жилетын кулланырга яки кием-салымга яктылыкны кире кайтаручы элементларны беркетергә.

Машина йөртүчеләргә:

1. Автомобильдә хәрәкәт иткәндә узып китүләрдән баш тарту.

2. Автомобильнең техник торышына, аеруча тормоз системасына, шиннарның торышына игътибар итәргә;

3. Кисәк тормозлардан качарга, кирәк булса, тизлекне салмак кына киметергә кирәк;

4. Сезнең арттан хәрәкәт итүче автомобиль йөртүчеләрне кисәтүче сигнал биреп, тормоз педаленә берничә тапкыр басарга кирәк;

5. Бөтен оптика эш хәлендә булырга тиеш;

6. Хәрәкәтле урыннарда, мәктәпләр янында, чатларда һәм күперләрдә, шулай ук борылышларда һәм төшүләрдә куркынычсызлыкны тәэмин итә торган тизлек белән хәрәкәт итәргә.

Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "Ышаныч телефоны" 8 (843) 288-46-96.

Татарстан Республикасының Россия Федерациясендәге тулы вәкаләтле вәкиллеге Татарстанда игълан ителгән Туган тел һәм халыклар бердәмлеге елы, Бөек татар шагыйре Габдулла Тукайның тууына 135 ел тулу уңаеннан “Тукай иле” конкурсы игълан иткән иде. Әлеге иҗади конкурска Актанышыбыздан 90 яшьлек ак әби Нәкыя апа Кәрамова Мәскәүдә яшәүче 13 яшьлек оныгы Кәрим белән катнашты. Икесе дә туган телебездә Тукай шигырьләрен яттан сөйләп, видеоязманы конкурска тәкъдим иткәннәр иде. Россиянең төрле төбәкләреннән килгән 150 иҗади эшне тикшергәннән соң, бәйгене оештыручылар Нәкыя апага да, Кәримгә дә югары бәя бирделәр – икесе дә үз яшьтәшләре арасында “Татар телендә Габдулла Тукай шигырьләре” номинациясендә җиңү яуладылар. Ихластан котлыйбыз сезне, шигъри җанлы якташларыбыз!

Кулына китап алса, дөньясын оныта ул. Актаныш районында гомер кичерүче Нәкыя әби Шәйхиева-Кәрамова 90 яшендә дә китап укудан туктамый. Элек кызык китапны бер төндә укып чыга торган булган. «Хәзер инде тәмен тоеп, ашыкмыйча укырга яратам. Миңа китап җене кагылган», – ди ул.

Хәерле сәгатьтә! 21 апрельдән “Чишмә”, “Таң”, “Наратлы”, “Тамыр”, “Саф”, “Алга” хуҗалыкларында,  “Чишмә”, “Актаныш”, “Әнәк” агрофирмаларында чәчүгә керештеләр – 12 чәчү агрегаты бөртекләрне җир куенына сала.

Бүген төнлә Актанышта 3,5-4 мм күләмендә явым-төшем күзәтелде. Анысына да шат игенчеләребез.

-Без көткән яңгыр. Уҗым, күпьеллыклар күтәрелеп, ныгып китәчәк. Ашлама да җиргә сеңәчәк. Нәкъ вакытында булды, - диләр.

Игенчеләребез язгы һәр минутның кадерен белеп эшли. Нур Баян исемендәге, “Әнәк”, “Чишмә”, “Башак” хуҗалыкларында уҗымнарны тукландыру, тырмалау эшләре ике сменада оештырылды.

Актанышта агач утырту өмәсенә районыбыз чаңгычылары да актив кушылды. Күмәк көч белән алар "Бүләк" чаңгы трассасы юл буена агачлар утыртты. Агачларны кайтаруда, су сибүдә аларга "Коммунсервис" егетләре ярдәмгә килде.

21 апрельдән   Актанышта агач утырту айлыгы башланды. Әлеге районкүләм чарада   бүген Актаныш район башлыгы Энгель Фәттахов та катнашты.

Баян Дәүләтов урамыннан 57 нче бистәгә чыккан юл буенда, Көньяк, Мулланур Вахитов урамында, Тынычлык проспектында, “Бүләк” чаңгы базасы янында агач үсентеләре утыртылды.

Агач утырту  айлыгы дәвамында Актанышта район үзәгендә һәм авылларда 44 мең  агач  утырту планлаштырыла.

Бүген Татарстан Республикасы Премьер-министр урынбасары, Бөтендөнья татар конгрессы Милли Шура рәисе Васил Шәйхразиев эшлекле сәфәр белән Минзәлә районына килде.

Бүген Советлар Союзы Герое Хәсән Заманов исемендәге Актаныш кадет мәктәп-интернаты укучылары Лубян урман-техник көллияте вәкиле Сухов Павел Сергеевич белән очрашты.

“Татавтодор” оешмасы хезмәткәрләре район территориясендәге юлларда чокырларны ямауны дәвам итә. Бүгенге көндә әлеге эшчәнлек берничә юнәлештә җәелдерелгән.