ЯҢАЛЫКЛАР

2 февраль көнне Актаныш муниципаль район  Советының 25 нче утырышы узды.  Көн тәртибендә Актаныш муниципаль районының  участок сайлау комиссияләре составына һәм участок сайлау комиссияләренең резерв составына кандидатуралар тәкъдим итү турындагы мәсьәлә каралды.

Тәкъдим ителгән кандидатуралар депутатлар тарафыннан бертавыштан кабул ителде.

Хуҗалыкларда еллык хисап җыелышлары дәвам итә. 25 январь дән башлап бүгенгәчә “Башак”, “Чишмә”, “Саф”, “Ташкын”, “Нур” һәм “Тамыр” ҖЧҖләрендә әлеге чара үткәрелде инде. Бүген хисап җыелышы район башлыгы вазифаларын башкаручы Ф.Камаев катнашында “Алга” хуҗалыгында уза.

Минзәлә шәһәрендә 26 январь көнне гер күтәрү буенча 1995-1996, 1997 елгылар һәм яшьрәкләр арасында узган Татарстан Беренчелеге ярышларында Актаныш Балалар һәм яшүсмерләр спорт мәктәбеннән Әлфис Мостафин II урынны яулап кайтты (остазы И.Нәбиев).  Команда исә  IV урында.

24-25 январь көннәрендә өстәл теннисы буенча В.В.Центовский призына оештырылган X турнир ярышларында Актаныш Балалар һәм яшүсмерләр спор т мәктәбенең яшь теннисчысы Марат Солтанов 2000 елгылар  һәм яшьрәкләр арасында I урынны яулап кайтты.

Хуҗалыкларда ел башында үткәрелүче хисап җыелышларының тәүгесе 25 январь көнне “Башак” ҖЧҖ дә узды. Чарада район башлыгы вазифаларын башкаручы Ф.Камаев та катнашты.