ЯҢАЛЫКЛАР

Федераль салым хезмәте исегезгә төшерә: 2017 ел өчен милек салымнарын түләү срогы (физик затлар милкенә салым, транспорт һәм җир салымнары) 2018 елның 3 декабрендә чыга. «Физик затлар өчен шәхси кабинет» хуҗалары салымнарны өйдән чыкмыйча Интернет-сервис аша түли ала.

Болытлы һава, төнлә явым-төшем күзәтелми. Иртән, көндез яңгыр яисә юеш кар. Җил көньяктан һәм көнъяк-көнбатыштан, секундына 6-11 метр тизлектә, урыны белән 15-20 метр. Төнлә 0..-4, көндез +3..+6 градус җылы. Иртән бозлавык булырга мөмкин. 

26 октябрь көнне  Актанышта үткән бәйрәм чарасында да бу фикер чакырылган кунаклар тарафыннан күп тапкырлар әйтелде.

“Акчарлак” кафесында оештырылган җылы очрашуга Актанышның комсомол тарихында тирән эз калдырган иптәшләр, шул чорда җаваплы эшләр башкаручы мөхтәрәм затлар, өлкән буын вәкилләре чакырулы иде. Алар өчен мәдәният хезмәткәрләре тарафыннан концерт программасы тәкъдим ителде, комсомол вәкилләре котлаулар кабул итте. Беренчеләрдән булып залда утыручыларны район башлыгының киңәшчесе Айрат Кәрамов  тәбрик итте.  Бәйрәм чарасында Л.Ш. Әхмәдуллинага, И.М. Ибраһимовка, Р.Х. Харисовка, А.С. Кәрамовка “Ленин комсомолына 100 ел” истәлек ордены һәм таныклыгы тапшырылды. Г.Г. Гафурова, З.З. Хәбитова, Р.Т. Нәгыймова, Р.Х Раянов мактаулы тасмага ия булдылар.

Татарстан Республикасы дәүләт һәм муниципаль хезмәтләр порталында торак - коммуналь хезмәтләр өчен квитанцияләр түләү почта аша яки теләсә кайсы банктан караганда җиңелрәк, уңайлырак һәм тизрәк.

Тагын 1 февральдән Татарстан Республикасы дәүләт һәм муниципаль хезмәтләр порталында түбәндәге адрес буенча uslugi.tatarstan.ru электрон түләүләр буенча барлык комиссияләр дә гамәлдән чыгарылган. Салымнар, штрафлар һәм коммуналь хезмәтләр өчен түләүгә квитанцияләр почта аша яки банктан караганда күпкә отышлы, шул ук вакытта республика халкы вакытны, нервларын һәм акчаларын янга калдыра алачак.

2018 елның 9 аенда Татарстан Республикасы буенча Росреестр идарәсендә 37 227 электрон гариза эшкәртелде.

      Советлар Союзы Герое Хәсән Заман исемендәге Актаныш кадет интернат-мәктәбендә бүген ант кабул итүгә багышланган тантаналы бәйрәм булды. Укучылар Туган илне, Ватанны сакларга әзерләнергә ант иттеләр. 
Мәктәп өчен шулкадәр әһәмиятле һәм мөһим күренештә укучыларның ата-аналары һәм хакимияттән  вәкилләр катнашты.
      Бәйрәмдә традиция буенча укучылар тантаналы рәвештә ант текстын укыдылар һәм табельгә үз кулларын куйдылар. Бу көнне  37 укучы ант кабул итте. Шушы көннән башлап, алар кадет исеме алдылар. Аларның йөзләрендә җитдилек, төпле караш. Алар бу көнгә үзләренчә әзерләнделәр: төгәл итеп хәрби команда бирергә, стройда матур итеп йөрергә, ант сүзләрен яттан сөйләргә. Бу кодекс кадет тормышында берничә ел саклана.

Быелгы тантана башка елларга караганда нык үзгә булачак, дип хәбәр итә бәйгенең оештыру комитеты. «ВКонтакте социаль челтәре җәүһәрләре» номинациясендә җиңүчеләрне бүләкләргә Санкт-Петербургтан «ВКонтакте» социаль челтәренең проектлар җитәкчеләре дә киләчәкләр. Моннан тыш, җиңүчеләргә тапшырыласы бүләкләр саны һәм кыйммәте дә артыр, дип көтелә.

Туган як музее директоры Мирсил Әһлетдинов Тынычлык байрагын тапшыручы эстафетасы катнашучысы Тамара Макаренкога рәхмәтен белдерде. Тынычлыгы байрагы  Актанышның Туган як музеенда  үзенең лаеклы урынын алыр.

Актаныш  муниципаль районы  ЗАГС бүлегендә  24 октябрь көнне “Яшь гаилә мәктәбе “ дәресләре  уткәрелде.  Очрашуның кунаклары –   Актанышның 1 нче мәктәбенең  X сыйныф укучылары.

Укучылар  район ЗАГС бүлегенең эшчәнлеге белән таныштылар.  ЗАГС бүлеге җитәкчесе Г.Б.Мөхәмәдиева яшьләргә электрон гариза бирү тәртибе, электрон хезмәтләр турында сөйләде. Акт язуларының саклану урыны булган архивның эшчәнлеген аңлатты. 

27 октябрьдә “Татарча диктант”ны 25 илдә һәм 60 төбәктә язачаклар. Бөтендөнья буенча 260лап диктант язу урыны урнашкан.  Диктантны үткәрү сәгате һәр җирдә төрлечә билгеләнгән.

“Татарча диктант” – татар телендә хатасыз язарга өйрәтү, әдәби татар телен кулланучылар даирәсен арттыру, орфографик һәм грамматик хаталарны тикшерү мәсьәләләренә игътибарны арттыручы белем бирү акциясе.

27 октябрьдә “Татарча диктант” язу Актанышның 1 нче мәктәбендә 10.00 сәгатьтә башлана, рәхим итегез!