ЯҢАЛЫКЛАР
Быел фестиваль тарихында беренче тапкыр Гран-При бирелмәде. Моңа бәйгенең жюри рәисе Салават Фәтхетдинов аңлатма биргән. “Бу - минем теләк, минем фикер”, - дигән ул.
Әлфия Авзалова исемендәге фестиваль җиңүчеләре бәйге яшь талантларга иҗатта этәргеч бирә дип исәпли. Төрле елларда әлеге бәйгедә җиңү яулаган артистлар фикерләрен уртаклашты.
-Әлфия апа Авзалова турында сөйләп тору артыктыр, минемчә. Аны белмәгән, аның турында ишетмәгән, җырларын тыңламаган кеше юктыр. Шәхсән үземнең аның белән бер сәхнәдә җырлаганым булды. Моның белән бик горурланам. Җырчылар өчен якты маяк ул. Үзенең моңлы, матур, яңгыравык тавышы белән бик күпләрнең күңелен яулаган шәхес.
Әлфия Авзалова исемендәге төбакара фестиваль-бәйге 2000 елда тәүге тапкыр үткәрелгән иде. Быел ул яңа баскычка күтәрелде – халыкара бәйге буларак яшь талантларны үзенә җыйды.
Талантлы шәхесләр үлми, диләр. Хак икән. Әлфия апа күңелләребездә яшәвен дәвам итә. Мәдәнияте, сәнгате бренд дәрәҗәсе югарылыгына күтәрелгән туган ягында – Актанышта бигрәк тә. Без – аны, ул Актанышны яратты.
Җанатарлар фестивалендә 11 июльдә - Ә.Авзалова истәлегенә куелачак концертта Венера Ганиева, яшь җырчылар, шулай ук Әлфия Авзалованың кызы Зөлфия дә әнисенең җырларын башкарачак.
Әлфия Авзалова фонды президенты – Әлфия Авзалованың кызы Зөлфия әнисенең исемен мәңгеләштерүче мондый олы мәртәбәле бәйгене оештыручыларга, Актаныш халкына һәм район җитәкчесе Энгель Нәвап улы Фәттаховка олуг рәхмәтен белдерде.
Берәү дә мәңгелек түгел шул... Әлфия апа да китте. Әмма аның җырлары, ул җырларны, моңнарны дәвам итүчеләр калды. Фестивальнең нәкъ менә Актанышта - газизләрдән-газиз туган ягында узуын Әлфия апа үзе дә шаян гына елмаеп, бакыйлыктан күреп-күзәтеп торадыр шикелле. "Җырым тагын Актанышыма, халкыма кайтты. Җыр исән, моң исән", - дип, рухы сөенәдер...
28 июнь кичендә биючеләрне район хакимият бинасы каршында балаларның әти-әниләре, район җитәкчесе Энгель Нәвап улы Фәттахов, «БлагоДарение» фонды рәисе Фәрит Муллагали улы Салихов каршы алды.
25 июнь көнне үк үзенә төрле төбәкләрдән - Магнитогорск, Мәскәү, Оренбург, Ижау, Саратов, Пермь, Башкортостан Республикасы, Төмән өлкәсеннән балаларны җәйге ялга кабул итә башлаган "Бүләк" балалар ял һәм сәламәтләндерү аланының I төбәкара профиль сменасы 28 июнь көнне тантаналы ачылды.