ЯҢАЛЫКЛАР

Сезнең һәрберегезгә мөрәҗәгать итәм-өйдә калыгыз!

Режим 30 МАРТТАН  башлап гамәлдә. "2020 елның 30 мартыннан Татарстан Республикасында 65 яшьтән өлкәнрәк барлык гражданнар өчен үз-үзеңне изоляцияләү режимы кертелә. Кешенең гомере һәм сәламәтлегенә турыдан-туры куркыныч янаган очракта гына изоляция урынын калдырып китәргә мөмкин. Моннан тыш, әлеге режим Татарстан Республикасындагы барлык гражданнарга да кагыла», - диде ул.

Оператив мәгълүматлардан күренгәнчә, бүгенге көндә Россиядә коронавирус инфекциясе йоктыруның 1836 очрагы теркәлгән, шуларның 14е – Татарстанда.

Республика халкына бер тәүлек эчендә өйләренә изоляциягә кайтырга кушылды.

Аэропортларда очышларны чикләячәкләр, шулай ук тимер юл рейслары да кичектерелергә мөмкин.

31 мартта бөтен төр транспорт гадәти режимда эшләячәк. 1 апрельдән кайбер чикләүләр кертелә. Республикадан, районнан читтә булган кешеләргә өйгә кайтырга кирәк.

«Аграрийларның һәм фермерларның эше бер көнгә дә тукталып тормый. Алар барысы да хәзер республика кырларында, фермаларында һәм эшкәртү предприятиеләрендә эшлиләр һәм, игълан ителгән ял көннәренә дә карамастан, үз эшләрен дәвам итәчәкләр», – дип аңлатты вәзгыятьне Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров.

Актаныш муниципаль район сайтының “Актаныш-безнең ZAMAN” инстаграм челтәрендә Иске Сәфәр мәдәният йорты он-лайн экскурсия-сәяхәт башлап җибәрде.

Бүген район авыл хуҗалыгы берләшмәләренең язгы кыр эшләренә әзерлеген тикшерү буенча ТР Авыл хуҗалыгы һәм азык-төлек министрлыгы инженер-техник бүлеге белән берлектә хуҗалыкларда техник караулар узды.

Авылда һәр көн тормыш кайный. Чөнки  авыл кешесе җәйге челләдә дә, көзге пычракта да, кышкы буранда да, ел уңышына нигез салынучы язгы мәшәкатьләрдә дә таңнан кичкә кадәр басу-кырларда, фермаларда һәм шәхси хуҗалыгындагы мал тулы абзарында алны-ялны белми эшли. Карантин чорында да авыл хуҗалыгында хезмәт куючылар үз тармакларында хезмәттә. Актаныш терлекчелек тармагы март аена нәтиҗәдә ясый. Район авыл хуҗалыгы идарәсеннән алынган мәгълүматларга караганда, 30 мартка район буенча 184948 килограмм  сөт савылган. Ай башына караганда 10092 килограммга артык. Бер сыердан иң күп сөт савучы хуҗалыклар:  “Нигез” – 27,9; “Чишмә” а.ф. – 23,5; “Әнәк” а.ф. 21,9 килограмм. Март ае дәвамында терлекчелек тармагында алып барылган эшчәнлеккә, югалту-табышларга анализ чираттагы 24 форма-киңәшмәдә ясалачак. Безнең белән бергә калыгыз.

З0 мартка һава торышы.

АКТАНЫШ МУНИЦИПАЛЬ РАЙОНЫ БАШЛЫГЫ ЭНГЕЛЬ ФӘТТАХОВНЫҢ РАЙОН ХАЛКЫНА ВИДЕОМӨРӘҖӘГАТЕ

Коронавирус очрагы Актанышта теркәлгән очракта район үзәк хастаханәсе нинди режимда эшләячәк? Кирәкле барлык препаратлар да бармы? Табиблар әзерме? Саклану чаралары бармы? Хастаханәнең әзерлеге ничек?

Бүген – 29 март көнне Актаныш район башлыгы Энгель Фәттахов үзәк хастаханәдә булып, табиблар белән очрашты. Актаныш үзәк хастаханәсе баш табибы Айдар Хәев, йогышлы авырулар бүлеге җитәкчесе Кадрия Трегулова саклану чаралары, дәвалау мөмкинлекләре хакында сөйләделәр. Энгель Нәвап улы хастаханәнең йогышлы авырулар, реанимация, авырулар кабул итү, терапия бүлекләре эшчәнлеге белән дә танышты.

Райондагы хәлнең торышы, саклану, кисәтү чараларының үтәлеше, кичектергесез кертелгән махсус режимның үтәлеше белән танышып, Актаныш район башлыгы Энгель Фәттахов аптекалар эшчәнлеге белән танышты.