ЯҢАЛЫКЛАР
Шагыйрь, Муса Җәлил исемендәге премия лауреаты Ленар Шәех IX «Ачык Евразия — 2020» әдәби конкурсының берьюлы ике номинациясендә: шигърият һәм хикәяләр жанры буенча шорт-бит исемлегенә кертелде. Татарстан вәкиленең әлеге конкурста тәүге тапкыр катнашуы түгел: 2017 елда ул хикәя номинациясендә икенче урынны яулады.
Ленар Шәех катнашкан шигърият номинациясенә — 300дән артык эш, хикәяләр номинациясенә 100 дән артык әсәр кабул ителгән, ә кыска исемлеккә иллешәр автор сайлап алынган.
Халыкара иҗади конкурсның 2020 елгы җиңүчеләре 2021 елның май аенда Лондонда узачак йомгаклау тантанасында игълан ителәчәк.
Иҗатташ дустыбыз Ленар, сине актанышлылар исеменнән ихластан котлыйбыз, киләчәктә дә уңышлар телибез!
9 нчы декабрьдә Халыкара ришвәтчелеккә каршы көрәш көне билгеләп үтелә. Ришвәтчелеккә каршы көрәш - һәркемнең намус эше. Шулай да аның җәмгыятебезне җимерүче, намуслылык, гаделлек төшенчәләрен юк итүче корал икәнлеген аңларга һәм үсеп килүче яшь буынга да шуны төшендерергә омтылабыз. Бүгенге яшьләрнең әлеге уңайдан кечкенәдән үк үз фикерләрен булдыру юнәлешендә төрле чаралар да эшләнә, конкурслар үткәрелә.
Актаныш районының ришвәтчелеккә катгый рәвештә каршы чыгуын бүген – 8 декабрьдә бәйгенең муниципаль этабында җиңү яулаган укучыларны бүләкләү тантанасы да раслады. Ул район Советы бинасында оештырылып, чарага укучылар белән беррәттән, аларның мөгаллимнәре дә чакырулы иде.
Җиңүчеләрне Актаныш районы башкарма комитеты җитәкчесенең социаль мәсьәләләр буенча урынбасары Ләйсән Нурлыева, Актаныш муниципаль район башлыгының коррупциягә каршы көрәш мәсьәләләре буенча ярдәмчесе Алсу Вәлиуллина, район мәгариф идарәсе җитәкчесе урынбасары Раниза Шакирова, идарәнең баш белгече Айрат Кәрамов тәбрикләде.
Бүген Район Советының утырышлар залында Актаныш муниципаль район Советының дүртенче чакырылыш дүртенче утырышы узды. Утырыш эшенә Актаныш муниципаль районы башлыгы Энгель Фәттахов җитәкчелек итте.
Актаныш район Советының дүртенче чакырылыш дүртенче утырышы ришвәтчелекне булдырмауда һәм ришвәтчелеккә каршы торуда район җирлегендә алыр барылган эшчәнлеккә багышланды.
Җирле үзидарә органнары эшендә коррупцион куркынычларны булдырмау турында Татарстан Республикасы Президентының Коррупциягә каршы сәясәт мәсьәләләре идарәсенең коррупциягә каршы мониторинг бүлеге баш киңәшчесе Александр Лохотской туры элемтәдә видеокүпер аша чыгыш ясады.
5 –7 декабрь көннәрендә Идел буе физик культура академиясе базасында көрәш буенча Россия чемпионаты узды. Чемпионатта Татарстан данын узган ел республика чемпионатында һәм быел Муса Җәлил турнирында җиңү яулаган көрәшчеләр яклады. Ярышларда Татарстан егетләренә тиңнәр табылмады.
Россия чемпионаты нәтиҗәләре буенча, киләсе елга узачак дөнья чемпионатында, Россия командасы данын яклаячак көрәшчеләр ачыкланырга тиеш иде. Ун үлчәүнең тугызында җиңү яулап, Татарстан егетләре бүген үк үз урыннарын алып куйды дияргә була.
Җиңүчеләр арасында Раббани Нургалиев, Илнар Закиров, Динар Кәримуллин, Рамил Синякаев, Ренас Кәлимуллин, Ранис Галимуллин, Илнар Галимов, Раил Нургалиев, Муса Галләмов, Фәрхәт Фәйзуллин кебек көрәшчеләребез бар.
Шунысы сөенечле, райондашыбыз Раббани Нургалиев көрәш буенча Россия чемпионатында дәрәҗәле беренче урынга лаек булды. Ул 60 килограмм авырлыкта җиңүче булып танылды.
Раббани Нургаливны ихлас күңелдән барлык Актаныш районы халкы исеменнән тәбрик итәбез! Алга таба да уңышлар телибез!
Дәүләт Думасы депутаты, Дәүләт Думасының Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары, «Бердәм Россия» фракциясе әгъзасы Әлфия Когогина Чаллы һәм Актаныш районында даруханәләрне дарулар белән тәэмин итүгә кагылышлы вәзгыять белән танышты.
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлегенә Яр Чаллы шәһәрендә яшәүче бер ир-ат автошиналар сату кагыйдәләре турында сорау белән мөрәҗәгать итте. Ул үзенең «тимер аты» өчен аяк киеме сатып алырга булган. Кибет сатучысыннан шиннарны маркировкалау уңаеннан ачык җавап ишетмәгән. Бу сорау белән ул территориаль орган белгечләренә мөрәҗәгать итте, анда аңа түбәндәгеләрне аңлаттылар.
2020 елның 1 ноябреннән Россиядә автомашиналар һәм автопокрышкалар белән сәүдә итүнең яңа кагыйдәләре кертелә: маркировкаланган товар белән генә сату итәргә була. 2020 елның 15 декабреннән маркировкаланмаган шиннар сату һәм аларны әйләнештән чыгару мөмкин түгел. Үзгәрешләр сатучыларга, шиномонтаж остаханәләре һәм ремонт станцияләре хуҗаларына кагыла.
8 декабрьдә 7.20 сәгатьтә «Татарстан радиосы» нда «Яңа көн» программасы чыгачак, анда Татарстан Росреестры һәм Кадастр палатасы экспертлары катнашачак.
Узган атнада Федерация Советы «дача амнистиясен» биш елга — 2026 елның 1 мартына кадәр озайта торган законны хуплады. Күчемсез милекне рәсмиләштерүнең яңа гадиләштерелгән тәртибенең нечкәлекләре турында Татарстан Росреестрының физик затларның күчемсез милеген дәүләт теркәве бүлеге башлыгы Энҗе Мөхәммәтгалиева һәм ТР буенча Кадастр палатасы директоры урынбасары Ләйсән Рәхмәтуллина сөйләделәр.
КПРФ ҮК ның "Татарстан АССР төзелүгә 100 ел " истәлек медале белән татар көрәшен үстерүгә лаеклы өлеш кертүче райондашларыбыз бүләкләнде.
Гөлнара Сәяф кызы Мортазина, Айнур Илфат улы Әнвәров, Фәндил Мөнәвир улы Фәррахов, Мәгъсүп Мәгъфүрҗан улы Әхтәмов, Муллаян Әскать улы Исламовка юбилей медальләрен КПРФның Актаныш районы башлангыч оешмасының 1 нче секретаре Мөнир Газиз улы Гомәров тапшырды.
5 декабрьдә Актанышта күп тапкырлар Сабантуй батыры, РСФСРның спорт остасы, ТАССР чемпионы, М. Җәлил турниры җиңүчесе Илфат Әнвәров истәлегенә яшүсмерләр арасында көрәш бәйгесе узды.