ЯҢАЛЫКЛАР

Гашыйклар көне - 14 февраль якынлаша. Яшьләр бу көнне аеруча зарыгып көтеп ала, яраткан кешеләрен котларга, мәхәббәт хисләрен белдерергә ашыга. Ә менә Актаныш районында яшәүче ике яшь пар өчен быелгы Гашыйлар көне аеруча истәлекле, үзенчәлекле булачак, чөнки алар үз никахларын нәкъ менә 14 февраль алдыннан рәсмиләштерде.

Актаныш районы авылда мал тотучыларга ярдәм күрсәтү формасын үзгәртә. Әлеге хакта бүген районда узган  24 форма киңәшмәсендә Актаныш район башлыгы Энгель Фәттахов хәбәр итте. Мини-ферма төзергә теләгән хуҗалыкларга район ярдәме булдырылды. Өч сыер асраучыга – 50 000, дүрт сыер асраучыга – 60 000, сигез сыер асраучыга 100 000 сум  күләмендә. Шәхси ярдәмче хуҗалыгында мал санын арттырырга теләүчеләр шул рәвешле, районнан ярдәм алып, лапас салырга, мал алырга һәм республика программаларында да катнашырга мөмкин. Әлегә кадәр авылда тана алучыларга акчалата субсидия һәм күпләп сыер тотучыларга саву аппараты бирелде.

Актаныш район үзәген тәртипкә китерү, яшелләндерү һәм төзекләндерү эшләрен бердәм формалаштыру  буенча планлы эш дәвам итә. Көз көне оешма-предприятие янбакчаларындагы, парклардагы агачларны формалаштыру буенча мастер-класслар узган иде. Чәчкәлекләрне милли орнаментлар рәвешендә ясау буенча да эшлекле сөйләшү узды һәм күпме чәчәк үсентесе кирәк булачагы да алдан планлаштырылды. 11 февраль көнне Актаныш район башлыгы Энгель Фәттахов катнашында узган  киңәшмәдә оешма-предприятиеләрнең фасадларын формалаштыру буенча эшлекле сөйләшү узды, фикер-тәкъдимнәр тыңланды, эш планы билгеләнде.

Актанышта “Бүләк” чаңгы трассасында "Татарстан чаңгы юлы -2021" Бөтенроссия массакүләм ярышларына бүген – 12 февраль көнне балалар бакчаларына йөрүче нәниләр старт бирде.

«Бәллүр компас» илкүләм премиясен алу өчен конкурста катнашу буенча гаризалар кабул итү 20 февральгә кадәр озайтылган.

«Бәллүр компас» – халыкара дәрәҗәле бүләк, ул география, экология, табигый һәм тарихи-мәдәни мирасны саклау өлкәсендәге күренекле казанышлар өчен бирелә. Конкурс ел саен Рус география җәмгыяте эгидасында үткәрелә.

2021 елның 19 февралендә, 12:00 сәгатьтә YouTube–каналында туры эфирда "Минем балачак – сугыш" Бөтенроссия акциясенә йомгак ясау була. Акция

Федераль һәм региональ иҗтимагый палаталар,  иҗтимагый палата әгъзалары ярдәме белән тормышка ашырыла.

Трансляциягә сылтама https://youtu.be/RNc8jf4LJ8s     .

Бүген Актанышта сыендыручы һәм опека гаиләләренең ата-аналары белән киңәйтелгән утырыш үтте. Район башкарма комитеты җитәкчесенең социаль мәсьәләләр буенча урынбасары Ләйсән Нурлыева рәислегендә үткән чарада Яр Чаллы шәһәренең "ата-ана тәрбиясеннән мәхрүм калган балаларны гаилә коруга ярдәм итү, тәрбиягә бала алган гаиләләрне әзерләү һәм алып бару үзәге" дәүләт бюджет учреждениесе" җитәкчесе Галина Сатаева, район опека һәм попечительлек бүлеге башлыгы Рәмилә Закирҗанова, җирлек башлыклары, мәктәп директорлары, белгечләр катнашты.

Консультация - Татарстан Республикасы территориясендә метеорология күренешләренең интенсивлыгы турында кисәтү

Хөрмәтле гражданнар! Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча түбәндәгеләр керде:

Консультация - метеорология күренешләренең интенсивлыгы турында кисәтү

12 сәгатьтән 18 сәгатькә кадәр. 2021 елның 12 февралендә

Көндез 12 февральдә Татарстан Республикасы территориясендә урыны белән бозлавык, юлларда көчле бозлавык көтелә.

Россия Гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә:

Бозлык вакытында:

Аяк киеме аз шуучан һәм уңайлы булырга тиеш. Сак кына хәрәкәт итегез, ашыкмыйча гына, өслекнең тигезсезлеген исәпкә алып, бөтен табанга басыгыз. Өлкән кешеләргә резин накорник яки очланган шиплар белән махсус таяк кулланырга киңәш ителә. Әгәр Сез таеп китсәгез, төшегез биеклеген киметү өчен утырыгыз.

Табигатьтә актив ял яратучыларга үзләре белән элемтәнең төзек чараларын, навигация приборларын алырга киңәш ителә. Күренеш начарайганда, урында ориентацияне югалтмас өчен, чаралар күрергә кирәк.

Бозлык һәм җил юл хәрәкәтендә катнашучыларның барысына да җитди куркыныч тудыра. Машина йөртүчеләргә кинәт тормоз белән кулланмаска: кирәк булганда тизлекне салмак кына киметергә кирәк. Тормоз вакытында берничә тапкыр тормоз педаленә басарга, шул рәвешле сигнал биреп, сезнең арттан хәрәкәт итүче автомобиль йөртүчеләрне кисәтә. Автомобильнең техник торышына, бигрәк тә тормоз системасына, шиннарның торышына игътибар итәргә кирәк. Бөтен оптика эш хәлендә булырга тиеш. Туктауларда күз күреме югары булган жилетны кулланырга.

Мөмкин булганда, ерак араларга сәфәрләрдән баш тартыгыз.

Җәяүлеләргә, урамны җәяүлеләр кичүе билгеләнгән урында гына кисеп чыгарга киңәш ителә. Йөрүче транспорт каршында трассаны йөгереп чыкмаска, чөнки машинаның тормоз юлы шомартылган юл белән каплануы аркасында автомобиль шактый арта. Транспорт агымына каршы гына хәрәкәт итәргә. Югары күренүчәнлек жилетыннан файдалану яисә яктылыкны кире кайтара торган элементларны киемгә беркетү

Җәяүлеләргә киңәш ителә:

1. Урамнар һәм юллар аркылы чыкканда игътибарлы булырга;

2. Урамны җәяүлеләр өчен билгеләнгән урында гына кисәргә;

3. Машиналар йөрү өлеше өчен, мөмкин булганча, җир өсте яки җир асты җәяүлеләр кичүләре генә файдаланырга кирәк;

4. Хәрәкәт итүче транспорт алдыннан трассаны узмаска;

5. Транспорт агымын каршы яклап кына хәрәкәт итәргә;

6. Югары күрүчәнлек жилетын кулланырга яки кием-салымга яктылыкны кире кайтаручы элементларны беркетергә.

Җәяүлеләргә урамны җәяүлеләр кичүе билгеләнгән урында гына кисеп чыгарга киңәш ителә. Йөрүче транспорт алдында юлны йөгереп чыкмаска, чөнки машинаның тормоз юлы шома юл аркасында шактый арта. Транспорт агымына каршы гына хәрәкәт итәргә. Киемнәрдә яктылык кайтаручы элементларны кулланырга.

Машина йөртүчеләргә:

1. Автомобильдә хәрәкәт иткәндә узып китүләрдән баш тарту.

2. Автомобильнең техник торышына, аеруча тормоз системасына, шиннарның торышына игътибар итәргә;

3. Кисәк тормозлардан качарга, кирәк булса, тизлекне салмак кына киметергә кирәк;

4. Сезнең арттан хәрәкәт итүче автомобиль йөртүчеләрне кисәтүче сигнал биреп, тормоз педаленә берничә тапкыр басарга кирәк;

5. Бөтен оптика эш хәлендә булырга тиеш;

6. Хәрәкәтле урыннарда, мәктәпләр янында, чатларда һәм күперләрдә, шулай ук борылышларда һәм төшүләрдә куркынычсызлыкны тәэмин итә торган тизлек белән хәрәкәт итәргә.

Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "Ышаныч телефоны" 8 (843) 288-46-96.

Россия Банкы тарафыннан финанс хезмәтләре куркынычсызлыгы буенча халыктан  сораштыру уздыру турында.

Татарстан Республикасы буенча Роспотребнадзор идарәсе тарафыннан 2021 елның 8 февраленнән 19 февраленә кадәр парфюмерия-косметика продукциясенең сыйфаты һәм куркынычсызлыгы мәсьәләләре буенча «Кайнар линия» үткәрелә. Чаллы территориаль бүлеге белгечләре гражданнарның сорауларына (8552) 32-06-02, 32-05-77, 46-41-52 телефоннары буенча җавап бирә.