ЯҢАЛЫКЛАР

"Туган тел" атнылыгы кысаларында бүген мәктәбебездә "Отканга - мәкаль, тапкырга - табышмак" исеме астында мәкальләр һәм табышмаклар конкурсы булып узды.  Барлык класс укучылары да зур активлык күрсәттеләр. Нәтиҗәләр түбәндәгечә: 1 урын - 8 класс, 2 урын - 9 класс, 3 урын - 5 класс. Җиңүләре белән укучыларны чын күңелдән котлыйбыз. Алдагы бәйгеләрдә дә сынатмассыз дип ышанып калабыз! Җитәкчесе: татар теле һәм әдәбияты укытучысы Галиева Ландыш Илгиз кызы.

Өлкәннәргә булышу изге эшләрнең берсе булып тора. 6 класс укучылары бу эштә дә сынатмыйлар. 21 нче апрель көнне, класс җитәкчесе Илнар абыйлары җитәкчелегендә  Муса Җәлил урамында яшәүче Әнүзә апага шефлыкка бардылар. Капка төбе,ишек алды һәм бакча аллары чүп-чардан чистартылды, тәртипләп куелды. 

Актаныш муниципаль районы башкарма комитеты МКУ “Мәгариф идәрәсе” приказы № 143-ОД “ Башлангыч мәктәпләрдә ФГОС тәләпләренә туры китереп белем дәрәҗәсен тикшерү”нигезендә, 22 апрель көнне 4 класс укучылары рус теленнән мониторинг үттеләр. /укытучылары Шамсиева М.Р/.