ЯҢАЛЫКЛАР
Татар теле һәм әдәбияты укытучылары тарафыннан республикада уздырылучы “Мин татарча сөйләшәм” акциясе кысаларында башкару өчен ункөнлек план төзелде. Ункөнлекнең төп максаты булып татар теленең дәрәҗәсен күтәрү, телебезнең фәнни нигезләре белән кызыксынуны арттыру, укучыларның татар телендә сөйләм культурасын, иҗади сәләтен тагын да үстерү, татар телен иң камил белүчеләрне ачыклау тора.
Татар теле һәм әдәбияты укытучысы Нуриева Әлфия Гавис кызы үзе укыта торган 9нчы класс укучыларын “ Татар теленнән бердәм республика тестлары тапшыру турындагы” мәгариф бүлеге башлыгы Нурлыева Ләйсән Фоат кызы тарафыннан чыгарылган 8нче апрель боерыгы белән таныштырды.
10 апрель көнне Иске Балтач башлангыч мәктәбендә “Дәрестә һәм дәрестән соңгы эшчәнлектә балаларның иҗади сәләтләрен үстерү” дигән тема астында башлангыч класс укытучыларының район семинары булды.
10 нчы апрель көнне "Иман" спорт сараенда баскетбол ярышы булды. Бу ярышта Киров урта мәктәбенең кызлар командасы катнашып 4 нче урынны яулап кайттылар. Афәрин, кызлар! (Җитәкчеләре Туктаров Б.Р.)
9 нчы апрель көнне Киров урта мәктәбендә химия һәм биология атналыгы кысаларында "Химия безнең тормышта" дип аталган кызыклы кичә үтте.