ЯҢАЛЫКЛАР

РФ Федерация Советы 31 мартта административ хокук бозулар турында РФ кодексына төзәтмәләрне хуплады. Инфекция таралу куркынычы шартларында үз-үзеңне изоляцияләү режимын бозган өчен коронавирус йоктырмаган гражданинга 15 меңнән 40 мең сумга кадәр штраф яный.

Вазифаи затлар өчен штраф суммасы 50дән 150 мең сумга кадәр, ә юридик затлар өчен — 200дән 500 мең сумга кадәр яки 30 тәүлеккә кадәр эшчәнлекне туктатып тору каралган.

Әгәр хокук бозулар кеше сәламәтлегенә зыян китергән яки үлеменә китергән очракта, ләкин җинаять билгеләре юк икән, гражданнардан — 150дән 300 мең сумга кадәр, вазифаи затлардан — 300дән 500 меңгә кадәр, ә юридик затлардан 500 меңнән 1 млн сумга кадәр штраф түләттереләчәк.

Граждан 2590 номерына SMS-хәбәр җибәрә. Анда түбәндәге текст булырга тиеш: теркәлү адресы#фамилия, исем, отчество#паспорт сериясе һәм номеры#адрес, фактик яшәү урыны (мәсәлән, РЕГИСТРАЦИЯ#Иванов Иван Иванович#92199632506#Казань Нигматуллина 5 квартира 9).

Начар метеорологик күренешләр:
2020 елның 1 апрелендә Татарстан Республикасы территориясендә һәм Казан шәһәрендә урыны белән көтелә:
- төнлә һәм иртән юлларның аерым участокларында бозлавык барлыкка килергә мөмкин;
көндез секундына 15-17 метрга кадәр көчле җил (Казанда секундына 15 метрга кадәр).

Көнчыгыш Кама аръягы һәм Кама аръягы буенча:
Аязучан болытлы һава.
Урыны белән яңгыр, юеш кар һәм кар рәвешендә явым-төшем көтелә.
Җил көньяк-көнбатыштан, көнбатыштан, төнлә 4-9, урыны белән көчәйгәндә 13 метрга кадәр, көндез 7-12 метрга кадәр, урыны белән 15-17 метрга кадәр.
Минималь һава температурасы төнлә +2..+4,
көндез максималь һава температурасы +4..+7.

Сезнең һәрберегезгә мөрәҗәгать итәм-өйдә калыгыз!

Режим 30 МАРТТАН  башлап гамәлдә. "2020 елның 30 мартыннан Татарстан Республикасында 65 яшьтән өлкәнрәк барлык гражданнар өчен үз-үзеңне изоляцияләү режимы кертелә. Кешенең гомере һәм сәламәтлегенә турыдан-туры куркыныч янаган очракта гына изоляция урынын калдырып китәргә мөмкин. Моннан тыш, әлеге режим Татарстан Республикасындагы барлык гражданнарга да кагыла», - диде ул.

Оператив мәгълүматлардан күренгәнчә, бүгенге көндә Россиядә коронавирус инфекциясе йоктыруның 1836 очрагы теркәлгән, шуларның 14е – Татарстанда.

Республика халкына бер тәүлек эчендә өйләренә изоляциягә кайтырга кушылды.

Аэропортларда очышларны чикләячәкләр, шулай ук тимер юл рейслары да кичектерелергә мөмкин.

31 мартта бөтен төр транспорт гадәти режимда эшләячәк. 1 апрельдән кайбер чикләүләр кертелә. Республикадан, районнан читтә булган кешеләргә өйгә кайтырга кирәк.

«Аграрийларның һәм фермерларның эше бер көнгә дә тукталып тормый. Алар барысы да хәзер республика кырларында, фермаларында һәм эшкәртү предприятиеләрендә эшлиләр һәм, игълан ителгән ял көннәренә дә карамастан, үз эшләрен дәвам итәчәкләр», – дип аңлатты вәзгыятьне Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров.

Актаныш муниципаль район сайтының “Актаныш-безнең ZAMAN” инстаграм челтәрендә Иске Сәфәр мәдәният йорты он-лайн экскурсия-сәяхәт башлап җибәрде.

Бүген район авыл хуҗалыгы берләшмәләренең язгы кыр эшләренә әзерлеген тикшерү буенча ТР Авыл хуҗалыгы һәм азык-төлек министрлыгы инженер-техник бүлеге белән берлектә хуҗалыкларда техник караулар узды.

Авылда һәр көн тормыш кайный. Чөнки  авыл кешесе җәйге челләдә дә, көзге пычракта да, кышкы буранда да, ел уңышына нигез салынучы язгы мәшәкатьләрдә дә таңнан кичкә кадәр басу-кырларда, фермаларда һәм шәхси хуҗалыгындагы мал тулы абзарында алны-ялны белми эшли. Карантин чорында да авыл хуҗалыгында хезмәт куючылар үз тармакларында хезмәттә. Актаныш терлекчелек тармагы март аена нәтиҗәдә ясый. Район авыл хуҗалыгы идарәсеннән алынган мәгълүматларга караганда, 30 мартка район буенча 184948 килограмм  сөт савылган. Ай башына караганда 10092 килограммга артык. Бер сыердан иң күп сөт савучы хуҗалыклар:  “Нигез” – 27,9; “Чишмә” а.ф. – 23,5; “Әнәк” а.ф. 21,9 килограмм. Март ае дәвамында терлекчелек тармагында алып барылган эшчәнлеккә, югалту-табышларга анализ чираттагы 24 форма-киңәшмәдә ясалачак. Безнең белән бергә калыгыз.

З0 мартка һава торышы.