ЯҢАЛЫКЛАР

2021 нче елның 14 нче апреленнән 23 енә кадәр Чаллы шәһәре гигиена һәм эпидемиология үзәгенең Актаныш бүлегендә һәм кулланучылар хокукларын яклау һәм кеше иминлеген саклау өлкәсендә күзәтчелек хезмәтенең район бүлегендә  3-00-26,  3-09-62 телефоннары аша профилактик прививкалар әһәмияте, кирәклеге хакында “кайнар линия” элемтәсе эшли. Профилактик прививкалар ясатуга кагылышлы сораулары булган гражданнар мөрәҗәгать итә алалар.

В Управлении Росреестра по Республике Татарстан рассказали, на что стоит обратить внимание при оформлении права собственности на совместное имущество.

Чикләрне билгеләү буенча әлеге масштаблы эшләр 2021 елда «җир һәм күчемсез милек турында Бердәм мәгълүмат ресурсы» федераль дәүләт мәгълүмат системасын булдыру буенча эксперимент кысаларында үткәрелергә тиеш. 

2019 елдан башлап, Россиядә этаплап товарларны мәҗбүри маркировкалау үтә. 2019 елда ул тәмәке продукциясенә, 2020 елда шиннарга, парфюмерияләнгән товарларга һәм хушбуйларга, фотоҗиһазларга, аяк киеменә кертелде. Агымдагы елда кием-салым, эчке кием, чиратта велосипедлар, су, сөт һәм башка товарлар бу системага керәчәк.

Агымдагы елның 11 апреленнән ана (гаилә) капиталы акчаларыннан файдалану кагыйдәләренә кертелгән үзгәрешләр (Хезмәт министрлыгының 2021 елның 26 февралендә кабул ителгән 93 санлы приказы) сертификат акчасын тулысынча яисә өлешчә булачак пенсиясенең тупланма өлешен формалаштыруга җибәреп, соңрак башка максатларда файдалану өчен кире алучыларга кагыла. Бухакта Россия Пенсия фондының Татарстан Бүлекчәсе хәбәр итә

Россия Пенсия фондының Татарстан бүлекчәсе Бөек Ватан сугышында җиңүнең 76 еллыгы уңаеннан акчалар түләүгә кереште

1991 елның 19 апрелендә “Россия Федерациясендә халыкны эш белән тәэмин итү турында”  Россия Федерациясе Законы кабул ителә. Дәүләт халыкны эш белән тәэмин итү хезмәте тарихы нәкъ менә шушы датадан башлап алып барыла. Актаныш районы халыкны эш белән тәэмин итү үзәге 30 ел эчендә, район халкы өчен үзенең әһәмиятен раслап, гади булмаган үзгәрешләр юлын узды.

Актаныш районы хуҗалыклары язгы кыр эшләренә кереште. Кояш чыгуын туган як басуларында каршы алган Җир уллары хезмәтне дә макталырлык итеп башкара, иҗатны да читкә куймый алар.

“Таң” хуҗалыгының алдынгы механизаторы Диларис Мөхәммәтшинның хезмәте дә җанына бик якын. Басу-кырларда эшләгән вакытта, райондашыбыз шигырьләр язу белән дә мавыга.  Әгәр син башкарган хезмәт күңелдә  шигырь юллары тудырырга сәләтле икән – димәк, ул дөрес сайланган!

Агач - куаклар тирә-як мохитебезне матурлаучы, саклаучы, һаваны чистартучы булып торалар. Безнең сәламәтлек тә яшеллек белән нык бәйләнгән. Бу җәһәттән яз-көз төрле акцияләр оештырыла. Шуларның берсе - агач утырту көне.

Хөрмәтле гражданнар!

Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча метеорологик күренешнең көчәюе турында консультация-кисәтү.

Татарстан Республикасы территориясендә 2021 елның 19 апрелендә иртән һәм көндез урыны белән төньяк-көнчыгыштан исүче җилнең тизлеге секундына 15-18 метрга кадәр җитәргә мөмкин.

Россия Гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә:

Җил көчәйгәндә:

1. Биналардан чыгуны чикләргә. Балаларны караучысыз калдырмау мөһим.

2. Әгәр көчле җил сезне урамда очратса, җир асты кичүләрендә яисә биналарның подъездларында яшеренергә киңәш итәбез. Көчле җилдән йортларның стеналары янында качып торырга кирәкми, чөнки түбәдән шиферның һәм башка түбә ябу материалларның төшүе мөмкин. Бу шулай ук җәмәгать транспорты тукталышларына, төзелеп бетмәгән биналарга да кагыла.

3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк.

4. Зур агачлар янында булырга, шулай ук алар янында автотранспорт куярга ярамый - җил өзгән ботаклар зур куркыныч тудыра.  

5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

6. Өске катларның тәрәзәләреннән төшкән ватык пыялалар, шулай ук түбә элементлары куркыныч тудыра. Төзелеп килүче яки ремонтлана торган биналар янында мондый куркыныч арта.

7. Йортларның барлык тәрәзәләрен дә тыгыз итеп ябарга, балконнардан тышка коелырга мөмкин булган предметларны алып куярга кирәк.

8. Торак яки эш урынында тәрәзәләрдән мөмкин кадәр ераграк торырга кирәк.

Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "ышаныч телефоны" 8 (843) 288-46-96.