ЯҢАЛЫКЛАР

21 октябрь көненә Татарстанда  COVID -19 белән авыруның яңа 131 очрагы теркәлде. 38 кеше хастаханәгә салынган, 93 кеше өйдә дәвалана. Иң күп авыручылар саны Казанда - 59 кеше. Яр Чаллыда - 25 авыру теркәлгән. Актанышта бүгенгә - 2 кеше. 

Авырлыклар алдында калганнарга яшәү яме өстәүче хәйриячеләр -  "Тормыш бүләк итүчеләр" инициатив төркеме бүген район башлыгы Энгель Фәттахов белән очрашып, Актанышның картлар йортына 400 мең сумлык ярдәм күрсәттеләр: кер юу, ашарга пешерү техникалары, ашханәгә кирәк-яраклар бүләк итте алар.

Хөрмәтле гражданнар!

Татарстан Республикасы Гидрометеорология һәм әйләнә-тирәмохитне күзәтү идарәсе мәгълүматлары буенча метеорологик күренешнең көчәюе турында консультация-кисәтү.

2021 елның 18-23 августында Татарстан Республикасы территориясендә аномаль-эссе температура көтелә: максималь һава температурасы +37 -..+39 градуска кадәр җитәргә мөмкин.

Татарстан Республикасы территориясендә 2021 елның 21 октябрендә иртән, көндез һәм кичен һава шартларының сизелерлек начарлануы көтелә. Төньяк-көнбатыш циклонының актив атмосфера фронты үткәндә республикада, көнбатыш районнардан башлап, көтелә:

- кар, юеш кар, яңгыр явачак;

 көньяк - көнбатыштан исүче җилнең тизлеге секундына 17-22 метрга кадәр;

Иртәнге сәгатьләрдә һава температурасы 0 тәшкил итәчәк..-1, көн дәвамында һава +2 кадәр җылыначак..+7˚.

Иртәнге сәгатьләрдә юлларның аерым участокларында бозлавык, кар боткасы барлыкка килергә мөмкин.

Россия Гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә:

Җил көчәйгәндә:

1. Биналардан чыгуны чикләргә. Балаларны караучысыз калдырмау мөһим.

2. Әгәр көчле җил сезне урамда очратса, җир асты кичүләрендә яисә биналарның подъездларында яшеренергә киңәш итәбез. Көчле җилдән йортларның стеналары янында качып торырга кирәкми, чөнки түбәдән шиферның һәм башка түбә ябу материалларның төшүе мөмкин. Бушулайукҗәмәгать транспорты тукталышларына, төзелепбетмәгәнбиналарга да кагыла.

3. Урамда реклама щитларыннан, вывескалардан, юлбилгеләреннән, электрлинияләреннәнерагракторыргакирәк.

4. Зурагачларянындабулырга, шулайукаларянында автотранспорт куяргаярамый-җилөзгәнботакларзуркуркынычтудыра.

5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

6. Өске катларның тәрәзәләреннән төшкән ватык пыялалар, шулай ук түбә элементлары куркыныч тудыра. Төзелепкилүче яки ремонтланаторганбиналарянындамондыйкуркыныч арта.

7. Йортларның барлык тәрәзәләрен дә тыгыз итеп ябарга, балконнардан тышка коелырга мөмкин булган предметларны алып куярга кирәк.

8. Торак яки эш урынында тәрәзәләрдән мөмкин кадәр ераграк торырга кирәк.

Бозлавыкта:

Сак булыгыз, ашыгмагыз, өслекнең тигезсезлеген истә тотып, бөтен табанга басыгыз. Өлкән кешеләргә ахсус таяк кулланырга киңәш ителә.

Бозлавык юл хәрәкәтендә катнашучыларның барысына да җитди куркыныч тудыра. Машина йөртүчеләргә тукталыш кирәк булганда тизлекне салмак кына киметергә кирәк. Бөтен оптика эш хәлендә булырга тиеш.

Ерак араларга барудан баш тартыгыз.

Җәяүлеләргә урамны җәяүлеләр өчен билгеләнгән урында гына кисәргә киңәш ителә. Хәрәкәт итүче транспорт алдында юл үтмәскә кирәк, чөнки юл катламы тайгак булу сәбәпле, автомобильнең тормоз юлы шактый арта. Бары тик транспорт агымын каршылап кына хәрәкәт итәргә. Киемдә яктылык кайтаргыч элементлар куллану.

Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "ышаныч телефоны" 8 (843) 288-46-96.

Бүген хакимияттә район башлыгының урынбасары Рәйхан Галимҗанова җитәкчелегендә, җирлек башлыклары катнашында үзарасалым мәсьәләләренә багышланган брифинг узды. Биредә район үзәгендә башкарылган эшләргә хисап ясалды. Иске Сәфәр һәм Яңа Әлем җирлекләрендәге уңай мисаллар искәртелде.

Дүшәмбе, 18 октябрьдә шәхси йортларны газ бүлү челтәрләренә тоташтыруның яңа кагыйдәләре үз көченә керде. Программаны эшләтеп җибәрү өчен кирәкле документларны Россия премьер-министры Михаил Мишустин раслады. Программа белән шәхси, гаилә һәм йорт ихтыяҗлары өчен газ кулланнган очракта гына файдаланырга булачак. Программа коммерция максатларында газдан файдаланырга ниятләүчеләргә кагылмый.

Бүген хакимияттә район терлекчелек тармагының эшчәнлегенә багышланган чираттагы киңәшмә узды. Дөньядагы һәм илдәге соңгы вазгыятьләрне исәпкә алып, хуҗалык җитәкчеләре, белгечләр һәм җирлек башлыклары катнашында видеоэлемтә форматында узды ул.
Сентябрь ае нәтиҗәләре буенча беренчелеккә янә "Әнәк" агрофирмасы лаек булды. 2 урында "Наратлы", 3 урында - "Чишмә" хуҗалыгы. Ярыш шартлары үтәлмәү сәбәпле, "Наратлы" хуҗалыгына акчалата кызыксындыру тәтемәде.

Бүген "Әнәк" агрофирмасы мисалында "21 гасыр хуҗалыгы нинди булырга тиеш?" дигән сорауга җавап табылды. Мал алдына азык салып аның сөт биргәнен көтеп утыра торган чор түгел хәзер. "Әнәк" агрофирмасында әлеге эш системага салынган. Бар эш цифрлаштырылган дисәк тә арттыру булмас. 

Укулар 27-29 октябрьдә «Идел» яшьләр үзәгендә узачак. Катнашу өчен, 22 октябрьгә кадәр түбәндәге сылтама буенча https://clck.ru/Y2oPr онлайн форма тутырырга кирәк. Чараны оештыручылар: «Татарстан Республикасы Аграр яшьләр берләшмәсе» РИО, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы.

2021 елның 20 октябрендә Кеше хокуклары буенча вәкаләтле вәкил Татарстан Республикасы Хәрби комиссариаты белән берлектә хәрби хезмәткә чакырылганда гражданнарның хокукларын үтәү мәсьәләләре буенча «кайнар линия» үткәрә.

Татарстан Республикасы буенча Роспотребнадзор идарәсе 2021 елның 20 октябрендә 14.00 сәгатьтән 16.00 сәгатькә кадәр эшкуарлар өчен бердәм «Ачык ишекләр» көне үткәрә. Яр Чаллы территориаль бүлеге белгечләре идарә компетенциясе кысаларында Яр Чаллы шәһәре, Низаметдинов урамы, 14 нче йорт, 3 нче кат адресы буенча эшкуарларга консультация бирәчәкләр. Кабул итү алдан язылу (8552) 32-05-99, 32-06-00 телефоннары буенча башкарылачак.