ЯҢАЛЫКЛАР
Бүген Әлфия Авзалова исемендәге район мәдәният сараенда Татарстанның атказанган артисты, Актаныш муниципаль районы театрының режиссеры Хөсәенов Нур Мәкәрим улының иҗат кичәсе үтте. 3 сәгатьтән артык барган күңелле бәйрәм бер сулышта узды, ә зал тутырып килгән тамашачылар басып ихластан алкышлады.
Безнең һәрберебез ял иткәндә яки командировкада булганда, кунакханәдә кунып калырга яки берничә көнгә тукталырга мөмкинбез. Әмма мондый хезмәтләрдән файдаланучы һәркем дә бу өлкәдә үз хокукларын һәм бурычларын белеп бетрми. Иң мөһиме, хәзерге заман кунакханәләре һәм отельләренең горурлыгы - аларның «йолдызлыгы». Янәсе, йолдызлар күбрәк булган саен, аның статусы арта, димәк, күрсәтелә торган хезмәтләр бәясе дә артыграк була. Тик күп кенә башкаручылар кунакханәгә чираттагы йолдыз бирелгәч, кулланучының уңайлылыгы һәм башкаручының үз җаваплылыгы арта баруын оныта.
Актанышта театрлар айлыгы дәвам итә. Бүген Әлфия Авзалова исемендәге район мәдәният сараенда Иске Богады халык театры Мостай Кәримнең "Кыз урлау" музыкаль комедиясен тәкъдим итте. Район тамашачысы өчен таныш әсәр ул, әмма богадылылар аны, авылдашлары, режиссер Илиза Мөхәммәтова ярдәме белән үзләренчә, яңача сәхнәләштерде. Тамашаны караган район башлыгы Энгель Фәттахов сәхнәгә менеп авыл үзешчәннәренә ихластан рәхмәтләрен җиткерде.
Консультация - Татарстан Республикасы территориясендә метеорология күренешләренең интенсивлыгы турында кисәтү
Хөрмәтле гражданнар!Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча түбәндәгеләр керде:
Куркыныч метеорологик күренеш турында шторм кисәтүе
Татарстан Республикасы территориясендә
18 сәгатьтән. 2 март 18 сәгатькә кадәр. 3 март 2022 ел.
Төнлә һәм иртән 3 март 2022 Татарстан территориясендә урыны белән томан көтелә.
Россия Гадәттән тыш хәлләр министрлыгының Татарстан Республикасы буенча Баш идарәсе кисәтә:
Томан вакытында:
Табигатьтә актив ял итәргә яратучыларга үзләре белән төзек элемтә чаралары, навигация приборлары булырга киңәш ителә.
Томан юл хәрәкәтендә катнашучыларның барысына да җитди куркыныч тудыра.
Машина йөртүчеләргә машиналар арасындагы дистанцияне арттырырга киңәш ителә. Тукталыш кирәк булганда тизлекне салмак кына киметергә кирәк. Туктаган вакытта берничә тапкыр тормоз педаленә басып алырга, шуның белән арттан барган машинага сезнең туквавыгыз турында сигнал бирергэ. Автомобильнең техник торышына, бигрәк тә тормоз системасына игътибар итәргә кирәк. Бөтен оптик жихазлар эш хәлендә булырга тиеш. Тукталышларда югары күренешле жилет киергә киңәш ителә.
Ерак араларга барудан баш тартыгыз.
Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.
ТР буенча Россия ГТХМ Баш идарәсенең "Ышаныч телефоны" 8 (843) 288-46-96.
Сәләтле балалар өчен гуманитар гимназия-интернатта, ике көн дәвамында барган "Ел укытучысы 2022" регионара бәйгенең зона этабы ниһаять ахырына якынлашты. Бүген Актанышта Сарман һәм Түбән Кама районнарыннан килгән мөгаллимнәр көч сынаган иде.
Бүген Актаныш технология техникумында 8-9 сыйныф укучылары үзләренең һөнәри осталыкларын сыный. Район башлыгы Энгель Фәттаховның хәер-фатихасы белән узган ел тәүге тапкыр гамәлгә ашырылган проект уңышлы булды һәм үз эшчәнлеген дәвам итә. Бүген укучылар авыл хуҗалыгы машиналары, эретеп ябыштыру, поварлык эше һәм ташчы компетенцияләре буенча ярышалар. Бәйге барышы белән район башлыгы Энгель Фәттахов та танышты.
Дәүләт Думасы депутаты, Дәүләт Думасының кече һәм урта эшмәкәрлек комитеты рәисенең беренче урынбасары Әлфия Когогина рәислегендә Татарстан Республикасында социаль газлаштыру программасын гамәлгә ашыру мәсьәләсе буенча эшлекле киңәшмә узды.
Бүген Минзәлә шәһәрендә Бөтенроссия ГТО фестиваленең 2 нче этабы узды. Фестивальдә Актаныш, Минзәлә, Тукай, Мөслим районнары командалары катнашты.
Актаныш районы җыелма командасы составында: Сарваров Наил, Хөсәенов Айгиз, Ибраһимов Искәндәр, Гарипов Булат, Рәшитов Илгиз, Хаҗиев Равил, Мөхәммәтов Ирек, Габдуллин Нарис уңышлы чыгыш ясап 1 нче урынны яуладылар. Ихластан котлыйбыз! Афәрин!
Бүген Актанышта “Ел укытучысы-2022” бәйгесенең зона этабы уза. Төрле районнардан килгән мөгаллимнәр үз осталыкларын күрсәтеп, тәҗрибә уртаклашалар.
Тантаналы рәвештә ачылып киткән бәйгедә мөгаллимнәрне район башлыгы Энгель Нәвап улы сәламләде:
"Укытучы өчен иң әһәмиятле бәйгеләрнең берсе ул. Анда катнашу, үзе бер зур дәрәҗә һәм тәҗрибә. Әлеге һөнәрне сайлавыгыз өчен рәхмәт. Катнашучыларга уңышлар телим" дип искәртте ул.