ЯҢАЛЫКЛАР

“Бердәм Россия” партиясенең “Ныклы гаилә” проекты нигезендә “Актаныш таңнары” газетасында махсус рубрика – 2018 елгы эшчәнлеккә нәтиҗә.

25 февраль  көнне “Яшьлек” мәдәни үзәгендә  2019 елның гыйнвар ае нәтиҗәләренә багышлап үткәрелгән 25 форма киңәшмәдә  райондагы демографик ситуация, авыр, эчүче гаиләләр белән эшчәнлеккә анализ ясалды.  Аны муниципаль район башлыгы Энгель Фәттахов алып барды.

Әлеге киңәшмә, быелга чыккач, арабыздан киткән Иске Айман һәм Такталачык авыл җирлеге башлыклары Мулланур Кашапов һәм Рәдис Мирзануровны бер минутлык тынлык белән искә алудан башланып китте.

Тормышлар алга бара дисәк тә, көн тудымы, кайдадыр фаҗига булуы хакында ишетеп кенә торабыз. Күптән түгел Апас һәм Кукмара районнарында

чыккан янгыннар нәтиҗәсендә сабыйлар гомере өзелү дә барлык республиканы тетрәндерде. Тагын бер кат саклык чараларын ныклап күрергә кирәклеген искәртте. 103 нче янгын сакчылыгы бүлеге җитәкчесе Илназ  Шәрипҗанов болар хакында залда утыручыларга тагын бер кат ассызыклады. Энгель Фәттахов авыл җирлеге башлыкларына җирлекләрдәге һәр өйдә булып, тузган газ казаннарын, электр чыбыкларын барларга һәм аларны алыштыруны оештырырга кушты. Бу нисбәттән, районның социаль яклау бүлеге үзләренең алыштыру мөмкинлеге булмаган, авыр тормыш шартларында калган гаиләләргә, социаль килешү нигезендә, ярдәм күрсәтә. Бары тик аларны барлап, вакытында мөрәҗәгать итүләре генә сорала.

“Бердәм Россия” партиясенең “Ныклы гаилә” проекты нигезендә “Актаныш таңнары” газетасында махсус рубрика ачылды.

Гаилә дәресләре

Гаилә мәктәбендә тәрбия-әхлак дәресләре ай саен уздырыла. Чираттагысы 23 февраль – Ватанны саклаучылар көненә багышланды. Егет белән кызның яшерен хисләре – мәхәббәт, киләчәктә дөрес итеп гаилә кору серләре турында да сөйләштеләр. Яшүсмер малайларга армиягә бару, илне саклау, киләчәктә үз динеңдә, үз милләтеңдә булган, әдәпле-әхлаклы кызга өйләнү турында да аңлаттылар.

Сәләтле балалар өчен гуманитар гимназия-интернатның һәм кадет-интернат мәктәбенең өлкән сыйныф укучылары чакырылган иде. Алар район мөхтәсибе Руслан хәзрәт Мортазинның вәгазен, район мөслимәләр берлеге җитәкчесе Зөһрә Закированың һәм өлкән психолог Фәймә Шәйгәрдәнованың үгет-нәсыйхәтләрен сулыш та алмый тыңладылар.

Казан буенча:

Болытлы. Төнлә урыны белән бераз кар. Көндез явым-төшем -  юеш кар һәм яңгыр; урыны белән буран, бозлавык. Җил көньяктан төнлә 4-9; көндез 8-13, урыны белән көчәйгәндә 15-20 метрга кадәр.

Төнлә минималь һава температурасы -9..- 11 º, көндез максималь һава температурасы -1 ..+1 º.

Юлларда бозлавык.

Татарстан Республикасы буенча:

Болытлы, төнлә аязучан. Төнлә урыны белән бераз кар. Көндез явым-төшем -  юеш кар һәм яңгыр; урыны белән буран, бозлавык. Җил көньяктан төнлә 4-9; көндез 8-13, урыны белән көчәйгәндә 15-20 метрга кадәр.

Төнлә һаваның минималь температурасы -8..- 13 º, аязган вакытта-16 º, көндез максималь һава температурасы -3 ..+2 .º

Юлларда бозлавык.

Казан буенча:

Болытлы, көндез аязучан.  

Кар, көндез урыны белән бераз кар. Төнлә урыны белән буран.

Җил көньяк-көнбатыштан секундына 5-10 м, төнлә урыны белән көчәйгәндә 13 метрга кадәр.

Төнлә һаваның минималь температурасы -8..- 10 ˚.    

Көндез максималь һава температурасы -3..5 ˚.          

Юлларда бозлавык.                                             

Татарстан республикасы буенча:

Болытлы, көндез аязучан.  

Кар аз һәм уртача. Урыны белән буран.

Җил  көньяк-көнбатыштан секундына 5-10 м, урыны белән көчәйгәндә 13 метрга кадәр.

Төнлә һаваның минималь температурасы -8..-13 ˚, көнчыгыш районнарда -18 ˚.    

Көндез максималь һава температурасы -2..7 ˚.        

Юлларда бозлавык.

Бүген – 2 март көнне район Советының утырышлар залында Актаныш муниципаль районының җирле үзидарә,  оешма, хуҗалыклар җитәкчеләре катнашында киңәшмә узды.

Районда оператив хәлнең торышы турында Нуриев Фәһим Зәкәрия улы - Татарстан Республикасы эчке эшләр   министрлыгының Актаныш районы буенча бүлеге   җитәкчесе урынбасары, Шәрифьянов Илназ Илдус улы - 103 санлы янгын сакчыллыгы бүлеге җитәкчесе, Хафизова  Луиза Махиян кызы - Яр Чаллы шәһәре буенча баш дәүләт санитар табибының Актаныш районындагы   урынбасары чыгыш ясады.

Авыл хуҗалыгы тармагында  техника ремонты барышы турында – район авыл хуҗалыгы һәм азык-төлек идарәсенең җитештерү-маркетинг бүлеге консультанты Сәлимгәрәев Нәфис Әзһәм улы, хуҗалыкларны ашлама белән тәэмин итү торышы турында район авыл хуҗалыгы һәм азык-төлек идарәсенең финанс-икътисад бүлеге җитәкчесе Мөхәмәтдинов Дилүс Зөлфәт улы таныштырды.

 Үзара салым җыюның торышы, шәхси хуҗалыкларда мунчаларның төзеклеген карап чыгу нәтиҗәләре, 23  февраль көнне булып узган җитәкчеләр спартакиадасы нәтиҗәләре турында район Советы рәисе урныбасары Галимҗанова Рәйхан Филүс кызы бәян итте.

Халыкара хатын-кызлар көнен һәм  районкүләм спартакиада уздыру турында район башкарма комитет җитәкчесенең социаль мәсьәләләр буенча урынбасары Нурлыева Ләйсән Фоат кызы таныштырды.

Казан буенча:

Болытлы. Кар, юеш кар.  Көндез урыны белән буран. Көньяк-көнчыгыштан төньяк-көнчыгышка күчүче җилнең тизлеге секундына 5-10, көндез урыны белән көчәйгәндә 14 метрга кадәр. 

Һаваның минималь температурасы төнлә һәм максималь температурасы көндез -3..-5 .º

Юлларда бозлавык, кар боткасы.

Татарстан республикасы буенча:

Болытлы.     Кар, юеш кар. Урыны белән буран, томан, бозлавык. Җил көньяк-көнчыгыштан төньяк-көнчыгышка күчүче секундына 5-10 метрга кадәр, урыны белән көчәйгәндә 15 метрга кадәр. 

Һаваның минималь температурасы төнлә һәм максималь температурасы көндез 0..-5 .º

Юлларда бозлавык, кар боткасы.

Әнәк авылындагы буалар каскады нинди булачак? Пучы мәктәбендә төзекләндерү концепциясе буенча район башлыгы Энгель Нәвап улы Фәттахов җитәкчелегендә 28 февраль көнне иҗтимагый фикер алышу узды.

Пучы, Әнәк авыллары халкы, җирлекнең оешма-предприятие хезмәткәрләре, мәктәп укучылары, районнан килгән вәкилләр, җирле җәмәгатьчелек оешмалары – гомумән, җирлекнең киләчәге һәм буалар каскадының төзек һәм уңайлы булуы өчен битараф булмаган барлык кешеләр фикер алышуга килде. Алар төркемнәргә бүленеп, буалар каскады проектының төзекләндерү концепциясе белән таныштылар, уңай якларын билгеләп үттеләр, үзләре уңайлы һәм отышлы санаган фикер-тәкъдимнәрен проект буларак тәкъдим итеп якладылар, җәмәгатьчелек белән фикер алыштылар.

Фикер алышу нәтиҗәләре буенча төзекләндерү концепциясе очрашуда катнашучыларның фикерләрен исәпкә алып эшләнеп бетәчәк.

Проект белән   park.tatar сайтында танышырга мөмкин.

Ел саен 1 мартта Бөтендөнья гражданнар оборонасы көне билгеләп үтелә, ул 1972 елдан Халыкара гражданнар оборонасы оешмасы Генераль Ассамблеясы карары буенча үткәрелә.

Халыкара гражданнар оборонасы оешмасы Гражданнар оборонасы өлкәсендә халыкара аренада махсуслашкан бердәнбер хөкүмәтара оешма булып тора. Хәзерге вакытта оешма әгъзалары булып 70тән артык дәүләт тора.

Халыкара гражданнар оборонасы оешмасы-халыкның иминлеген тәэмин итү, аңа ярдәм күрсәтү өчен җаваплы структураларны үстерүдә, шулай ук табигый бәла-казалар һәм техноген һәлакәтләр очрагында матди кыйммәтләр һәм әйләнә-тирә мохитнең сакланышын тәэмин итү максаты булган хөкүмәтара оешма.

28 февраль көнне Актаныш үзәк хастаханәсенең медицина советы утырышы узды.  Анда 2018 елгы эшчәнлеккә йомгак ясадылар һәм агымдагы елга бурычлар билгеләделәр.

Чарада Актаныш муниципаль районы башлыгы Фәттахов Энгель Нәвап улы, Татарстан Республикасы Республика клиник хастаханәсенең баш табибы Шәвәлиев Рафаэль Фирнаял улы, Актаныш хастаханәсе хезмәткәрләре, чакырылганнар вәкилләр, массакүләм мәгълүмат чаралары хезмәткәрләре катнашты.

Сәламәтлек саклау учреждениеләренең гомуми рейтингында Актаныш үзәк хастаханәсе 45 муниципаль район арасында 15 нче урында тора. 2017 елда-25 урын.

2018 елда гомер озынлыгы - 74,6 яшь, ир – атлар – 68,0 яшь, хатын-кызлар-79,8 яшь тәшкил итте. 2017 елда гомер озынлыгы 74,0 яшь иде, ир – атлар - 67,0, хатын-кызлар-78,5. Актаныш районы халкының соңгы 5 елда гомер озынлыгы арту тенденциясе күзәтелә.

Район буенча гомуми үлүчеләр 411 кеше. 2018 елда 2017 елга караганда вафат булучылар 63 кешегә кимрәк. Кан әйләнеше системасы авыруларыннан гомуми үлем-китем -90%, эшкә яраклы яшьтәге үлем-китем -18%, кан әйләнеше системасы авыруларыннан эшкә яраклы яшьтәге үлем-китем 8,8% ка кимегән.

Актаныш үзәк хастаханәсе администрациясе үлем санын киметүгә юнәлдерелгән «юл картасы» максатчан күрсәткечләренә ирешү буенча планлы эш алып бара.

2018 елда туган балалар саны-278, 2017 елга караганда 8гә күбрәк.

Туучылар саны 1000 кешегә 9,2 % тәшкил иткән, 2017 ел белән чагыштырганда 0,3% ка күбрәк.

Татарстан Республикасы Министрлар Кабинетының 2017 елның 9 декабрендәге 3219-р санлы күрсәтмәсе нигезендә, 2018 елда поликлиникада һәм хатын-кызлар консультациясендә җиһазлар, шул исәптән медицина җиһазлары һәм инвентарь сатып алынды, 51 миллион сумлык төзекләндерү эшләре башкарылды.  Әҗәкүл авылында модульле фельдшер-акушерлык пункты төзелде. Яңа фельдшер-акушерлык пункты тулысынча медицина җиһазлары һәм мебель белән җиһазландырылган.

Актаныш район үзәк хастаханәсе баш табибы Хәев Айдар Рәфгать улы Татарстан Республикасы Сәламәтлек саклау министрлыгына, ТР сы Республика клиник хастаханәсе баш табибы Шәвәлиев Рафаэль Фирнаял улына, Актаныш районы башлыгы Фәттахов Энгель Нәвап улына ихлас рәхмәт сүзләрен җиткерде.

Чара ахырында үзәк район хастаханәсенең иң яхшы хезмәткәрләрен РФ һәм ТР сәламәтлек саклау министрлыгының, Актаныш муниципаль районы башлыгы һәм Актаныш район үзәк хастаханәсе администрациясенең Рәхмәт хатлары һәм Мактау кәгазьләре белән бүләкләделәр.

Республикада "Муниципаль идарә өлкәсендә иң яхшы хезмәткәр" республика конкурсында, шулай ук 2018 ел нәтиҗәләре буенча массакүләм мәгълүмат чараларында җирле үзидарә темасын иң яхшы яктырту буенча ел саен уздырыла торган республика журналистлары бәйгесендә катнашуга гаризалар кабул ителә башлады.

"Муниципаль идарә өлкәсендә иң яхшы хезмәткәр" бәйгесе "Икътисад, финанслар һәм муниципаль милек", "Муниципаль хуҗалык һәм тормыш тәэмин итү системасы", "Җирле үзидарә органнары эшчәнлеген хокукый тәэмин итү", "Социаль үсеш", "Авыл, шәһәр җирлегенең иң яхшы җитәкчесе", "Кече һәм урта эшмәкәрлек субъектларына ярдәм итү, инвестиция эшчәнлеге" һ.б. номинацияләр буенча уза.

Бәйгедә катнашырга җирле үзидарә һәм муниципаль хуҗалык практикасына зур өлеш керткән, муниципаль идарә өлкәсендә кимендә өч ел эш стажы булган фәнни белемнәрне үстерүгә ярдәм итүче хезмәткәрләрне чакыралар. Алар арасына муниципаль берәмлекләр башлыклары, җирле үзидарә органнарының башка вазыйфаи затлары һәм муниципаль хезмәткәрләр керә ала.

Бәйгедә катнашу өчен 10 мартка кадәр гариза бирергә мөмкин, оештыру комитетына хезмәткәр анкетасын, аның презентациясен һәм мәгълүмати картасын юллап була.

Массакүләм мәгълүмат чараларында җирле үзидарә темасын иң яхшы яктыртуны түбәндәге номинацияләрдә билгелиләр: "Республика басмаларында иң яхшы язмалар", "Район массакүләм мәгълүмат чараларында иң яхшы басмалар", "Иң яхшы телевизион сюжет", "Иң яхшы радио сюжет", "ТР муниципаль берәмлегенең иң яхшы сайты".

Конкурста юридик һәм физик затлар, шулай ук муниципаль берәмлекләр катнаша ала. Бәйгегә тәкъдим ителгән материаллар 2018 елның 1 гыйнварыннан 31 декабренә кадәр басылып чыгарга тиеш, дип хәбәр итә "Татарстан Республикасы Муниципаль берәмлекләре советы" ассоциациясе.

Конкурсларда катнашу өчен кирәкле документлар пакеты турында тулырак мәгълүматны биредә алырга була. Документлар түбәндәге электрон почтага гына кабул ителә: Anna.Lobastova@tatar.ru .