ЯҢАЛЫКЛАР
Актаныш муниципаль районы башкарма комитеты МКУ “Мәгариф идәрәсе” приказы № 143-ОД “ Башлангыч мәктәпләрдә ФГОС тәләпләренә туры китереп белем дәрәҗәсен тикшерү”нигезендә, 22 апрель көнне 4 класс укучылары рус теленнән мониторинг үттеләр. /укытучылары Шамсиева М.Р/.
Сәфәр урта мәктәбенең башлангыч сыйныф укучылары белән “Тел иленә сәяхәт” уен-кичә үткәрелде. 10 нчы сыйныф укучылары Г.Тукайның тормыш юлы һәм иҗаты буенча сораулар, кроссворд җаваплары чиштерделәр. Кичәне үткәргән укучыларга зур рәхмәт.
Урманнарны янгыннардан саклау максатыннан 21 нче апрель көнне 6 класс укучыларына “ Уттан сак булыйк !”-дип исемләнгән тәрбия сәгате үткәрелде. Класс җитәкчеләре Илнар Шәйхенурович балаларга янгын куркынычсызлыгы кагыйдәләре, ут белән сак эш итү, урманда учак якмау турында аңлатып чыкты.
20-25 нче апрельгә кадәр мәктәптә татар теле һәм әдәбияты атналыгы дип игълан ителде. Атналык чаралар планы төзелде. “Без -Тукайлы халык” баш астында стена газетасы чыгарылды. 21 нче апрель көнне, 5-6 сыйныф укучылары арасында “Син Тукайны беләсеңме?” дип исемләнгән уен-ярыш үткәрелде. “Апуш” (5 класс укучылары) һәм “Тукай оныклары” ( 6 класс укучылары) көч сынашты. Нәтиҗәдә 5 нче сыйныф укучылары 26 очко белән җиңү яулады.