ЯҢАЛЫКЛАР

Бүген, 3 июль көнне югары уку йортында укуларын дәвам итәргә теләгән чыгарылыш сыйныфы укучылары беренче бердәм дәүләт имтиханнарын тапшырды. География, рус әдәбияты, информатика фәннәрен сайлаган 16 укучы биредә белемнәрен сынады. Бердәм дәүләт имтиханы тапшыру пункты беренче санлы Актаныш мәктәбендә урнашкан. Район мәгариф идарәсе җитәкчесенең укыту-методик эшләр буенча урынбасары Гөлназа Имамразыева имтиханга кергәндә һәм имтихан тапшырганда барлык саклык чараларының үтәлүен әйтте. Пунктка килү белән балаларның һәм оештыручыларның температуралары үлчәнә- термометрия үтәләр. Бер бүлмәгә сигездән артык укучы кертелми, балалар арасында 1,5 метр ара калдырыла. Имтихан вакытында укучылар битлек һәм бармакчаларын салып куя алалар. Ә оештыручылар саклык чараларын салырга тиеш түгелләр.

п

Быел Татарстанда Сабан туе 4 июльдә онлайн форматта узачак. Татарстан Президенты Рөстәм Миңнеханов шул хакта Карар имзалады. Татарстан Республикасының 1992 елның 19 февралендә чыккан «Татарстан Республикасының бәйрәм һәм истәлекле көннәре турындагы» № 1448-XII номерлы Законының 2нче маддәсе буенча, 2020 елның 4 июлен Сабан туе татар милли бәйрәме көне итеп билгеләргә, диелә бу карарда. Сабан туен онлайн уздыру карары коронавирус пандемиясе белән бәйле. 

Китапны тапшыру тантанасында Татарстан Республикасы Дәүләт архивы директоры Илдар Шәфиков катнашты, ул әлеге китап һәм аның әһәмияте турында сөйләде.

- Бу китап киштәләрдә ятмасын, аны укысыннар, таушалып бетсен иде. Аны балалар укысалар, бай тарихи материаллар белән танышсалар, республика халкының Бөек Җиңүгә керткән зур өлеше турында белемнәрен ныгытсалар, аеруча яхшы булыр иде. Бу китап уку-укыту программаларын, факультатив дәресләр планнарын төзү, мәктәпләрдә һәм уку йортларында семинарлар һәм конференцияләр үткәрү өчен нигез булып торсын иде, - диде ул.

Актаныш район башлыгы Энгель Фәттахов Чөгәнә авылында бакча-мәктәп төзелеше, аскы Актанышта 5 нче һәм Яңа Әлем авылы балалар бакчаларында төзекләндерү барышы, Иске Богады авылында мәдәният йортының илкүләм проект кысаларында үзгәртеп төзекләнүе эшләре белән танышып, төзүчеләргә үзенең күрсәтмәләрен бирде.

Метеорологик күренешнең көчәюе турында консультация-кисәтү

00 сәгатьтән. 18 сәгатькә кадәр. 3 июль 2020 ел.

              Татарстан Республикасы территориясендә 2020 елның 03 июлендә урыны белән көтелә:

- төнлә һәм иртән томан;

- көндез көньяк-көнбатыштан җиленең кыска вакытлы көчәюе 15-20 м/с ка кадәр булган яшенле яңгырлар.

Россия Гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә:

Томан вакытында:

Табигатьтә актив ял итәргә яратучыларга үзләре белән төзек элемтә чаралары, навигация приборлары булырга киңәш ителә.

Томан юл хәрәкәтендә катнашучыларның барысына да җитди куркыныч тудыра.

Машина йөртүчеләргә машиналар арасындагы дистанцияне арттырырга киңәш ителә. Тукталыш кирәк булганда тизлекне салмак кына киметергә кирәк. Туктаган вакытта берничә тапкыр  тормоз педаленә басып алырга, шуның белән арттан барган машинага сезнең туквавыгыз турында сигнал бирергэ. Автомобильнең техник торышына, бигрәк тә тормоз системасына игътибар итәргә кирәк. Бөтен оптик жихазлар эш хәлендә булырга тиеш. Тукталышларда югары күренешле жилет киергә киңәш ителә.

Ерак араларга барудан баш тартыгыз.

Җәяүлеләргә киңәш ителә:

1. Урамнар һәм юллар аркылы чыкканда игътибарлы булырга;

2. Урамны җәяүлеләр өчен билгеләнгән урында гына кисәргә;

3. Машиналар йөрү өлеше өчен, мөмкин булганча, җир өсте яки җир асты җәяүлеләр кичүләре генә файдаланырга кирәк;

4. Хәрәкәт итүче транспорт алдыннан трассаны узмаска;

5. Транспорт агымын каршы яклап кына хәрәкәт итәргә;

6. Югары күрүчәнлек жилетын кулланырга яки кием-салымга яктылыкны кире кайтаручы элементларны беркетергә.

Яшен вакытында:

Әгәр дә сез, велосипедта яки мотоциклда икән, яшен яшенләгәндә, хәрәкәт итүдән туктагыз һәм үз транспорт чарасыннан якынча 30 метр ераклыкта яшен туктаганын көтегез. Автомобильдә йөрүне дә дәвам итәргә кирәкми, чөнки электроника да эштән чыгарга мөмкин. Туктарга, машина тәрәзәләрен ябарга һәм яшен киткәнен көтәргә кирәк.

Яшенле яңгыр вакытында сез ачык урында булсагыз, мөмкин булганча түбәнлектә җиргә (комлы яки ташлы грунтта) ятып торырга киңәш ителә. Сезнең янда елгалар, күлләр яки буалар булмасын иде, чөнки су - яхшы үткәргеч, ә яшен сугуы сулыктан 100 метр радиуста тарала.

Машина йөртүчеләргә юл хәрәкәте вакытында игътибарлы булырга.

Җәяүлеләргә автотрассалар аша чыкканда һәм алар янында булганда аеруча сак булырга кирәк.

Ерак араларга барудан баш тартыгыз.

Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "ышаныч телефоны" 8 (843) 288-46-96.

Быел

да сугыш хәрәкәтләрендә катнашкан райондашларыбыз Актанышның җиңү паркында очрашты, Җиңү паркында чик сакчыларына һәйкәл ачылды.

Чөгәнә авылында гомер итүче тыл ветераны  Гөлҗамал Солтан кызы  Солтанова 1 июль көнне үзенең олуг юбилеен  - 95 яшен каршылады.

Аны юбилее белән   район Советы Аппараты җитәкчесе Альберт Тимиров тәбрикләде. Юбилярга Россия  Президенты Владимир Путинның, Актаныш район башлыгы Энгель Фәттаховның    котлау хатларын һәм истәлекле бүләкләрен тапшырды.

Көндезге 12 сәгатькә Актаныш районында яшәүче барлык сайлаучыларның 92,2 проценты, ягъни 20494 сайлаучы РФ Конституциясен үзгәртүгә карата үз фикерен белдерде.

Алтынчы чакырылыш ТР Дәүләт Советы депутаты, парламентның дәүләт төзелеше һәм җирле үзидарә буенча комитет рәисе Альберт Хәбибуллин 30 июнь көнне Актанышта эшлекле сәфәрдә булды, сайлау участокларында эш барышы белән танышты.

– Гомумроссия тавыш бирү 25 июньнән башланып китте. Әлеге кампаниядә 30 июньгә 16 мең 638 сайлаучы катнашты. Бу – райондагы 22 мең 256 сайлаучының 74 проценты, – дип таныштырды район Советы рәисе урынбасары Рәйхан Галимҗанова.

Сәләтле балалар өчен гуманитар гимназия-интернатта урнашкан 2831 нче сайлау комиссиясендә дә 1087 сайлаучыдан 810 сайлаучы участокта тавыш бирергә өлгергән инде.