ЯҢАЛЫКЛАР

Авыл читендәге алачыклар юкка чыкканга да күпме гомер узды, соңрак инде тимер чүкегән тавышлар машина-техника паркында гына ишетелә иде. Ә хәзер Актанышта тимерне рәхәтләндереп бөгеп, бизәкләп-матурлап эшли торган заводка тиң оешмалар барлыкка килде. “Газстройсервис” җаваплылыгы чикләнгән җәмгыятенең тимер эшкәртү цехын күздә тотып әйтүем. Гөрләп торган РТСның таралуы, биналарының бушап, тик торуы күпләрнең, аеруча биредә хезмәт куйган өлкәннәрнең күңелен нык әрнетте. Төзелеш һәм эшмәкәрлекне бергә бәйләп ныклы адымнар белән алга баручы Равил Ярмиевне дә борчый бу мәсьәлә. Өч ел элек РТСтагы ташландык бинаны ихатасы белән сатып алып, капиталь төзекләндерү эшен башлап җибәрә. Бинаны яхшылап тышлыйлар, тәрәзәләре алыштырыла. Эшчеләр өчен киенү, юыну, ял итү бүлмәләре, ясала, җиһазландырыла. Интернет челтәре, су, газ, электр,канализация үткәрелә. Районда яңалык буларак, бина Словениядән кайтарылган сигез инфракызыл газ казаны аша җылытыла. Бүген 2200 кв.метр мәйданны биләүче корылма тулы бер металл эшкәртү цехына әверелгән.

погода

Хөрмәтле гражданнар!

Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча метеорологик күренешнең көчәюе турында консультация-кисәтү.

Татарстан Республикасы территориясендә 2020 елның 25 октябрендә төнлә һәм иртән урыны белән томан көтелә.

Россия Гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә:

Томан вакытында:

1. Табигатьтә актив ял итәргә яратучыларга үзләре белән төзек элемтә чаралары, навигация приборлары булырга киңәш ителә.
2. Томан юл хәрәкәтендә катнашучыларның барысына да җитди куркыныч тудыра.
3. Машина йөртүчеләргә машиналар арасындагы дистанцияне арттырырга киңәш ителә.
4. Тукталыш кирәк булганда тизлекне салмак кына киметергә кирәк. Туктаган вакытта берничә тапкыр  тормоз педаленә басып алырга, шуның белән арттан барган машинага сезнең туквавыгыз турында сигнал бирергэ.
5. Автомобильнең техник торышына, бигрәк тә тормоз системасына игътибар итәргә кирәк. Бөтен оптик жихазлар эш хәлендә булырга тиеш. Тукталышларда югары күренешле жилет киергә киңәш ителә.
6. Ерак араларга барудан баш тартыгыз.

Җәяүлеләргә киңәш ителә:

1.            Урамнар һәм юллар аркылы чыкканда игътибарлы булырга;

2.            Урамны җәяүлеләр өчен билгеләнгән урында гына кисәргә;

3.            Юллар аркылы чыкканда, мөмкин булганча, җир өсте яки җир асты җәяүлеләр кичүләре генә файдаланырга кирәк;

4.            Хәрәкәт итүче транспорт алдыннан трассаны узмаска;

5.            Транспорт агымына каршы гына хәрәкәт итәргә;

6.            Югары күрүчәнлек жилетын кулланырга яки кием-салымга яктылыкны кире кайтаручы элементларны беркетергә.

Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "ышаныч телефоны" 8 (843) 288-46-96.

Район башкарма комитеты җитәкчесенең социаль мәсьәләләр буенча урынбасары, район балигъ булмаган балалар эшләре һәм аларның хокукларын яклау комиссиясе рәисе Ләйсән Нурлыева комиссия эшчәнлеге белән таныштырды.

Район башкарма комитеты җитәкчесенең социаль мәсьәләләр буенча урынбасары Ләйсән Нурлыева мәктәп директорлары белән киңәшмә уздырды. Киңәшмәнең беренче көн тәртибендә мәктәп укучыларының яңа уку елындагы өлгереш дәрәҗәсен бәяләү куелган иде. Район мәгариф идарәсе башлыгы урынбасары Гөлназа Имамразыева чыгарылыш, ягъни унберенче һәм тугызынчы сыйныфларда үткәрелгән кисем нәтиҗәләре белән таныштырды. Рус теле һәм математика фәннәреннән контроль эш билгеләре әле канәгатьләнерлек дип булмый. Районның мәгариф җитәкчелеге һәр мәктәп буенча эш нәтиҗәләрен анализлады, уку йортлары директорларына методик киңәшләр бирелде.

Ләйсән Фоат кызы “Үз-үзеңне алдау белән шөгыльләнү бүген кирәк түгел, укучыларга укытучылар тарафыннан билгеләр объектив куелсын!”- дигән таләпне җиткерде.

погода

Казан дәүләт аграр университеты профессоры Харис Мусин үзенең студентлары белән ике көн дәвамында авыл җирлеге башлыкларын яшелләндерү буенча укытты.

 Хакимият бинасында оештырылып килүче чираттагы брифинг бүген көн кадагына куелган мөһим мәсьәләләрнең берсе – Актаныш районында физик һәм юридик затлардан салым җыюның барышы, салым түләү тәртипләренә багышланды.

22  октябрь көнне Актаныш районына Татарстан мөфтиенең мөхтәсибәтләр белән эшләү буенча киңәшчесе, казый, Аксубай районы имам-мөхтәсибе Равил хәзрәт Зөфәров  килде.  Ул “Яшьлек” мәдәни үзәгендә авыл имамнары белән очрашты. Очрашуны районның имам-мөхтәсибе Руслан  хәзрәт Мортазин ачты.  Чарада район башлыгы урынбасары Рәйхан Галимҗанова катнашты.

      Башкарма комитет җитәкчесенең икътисад буенча урынбасары Лиана Рамил кызы Сираева җитәкчелегендә район Советының утырышлар залында эшмәкәрләр белән киңәшмә узды.
     Россия Федераль салым хезмәтенең Татарстан Республикасы буенча 9 нчы номерлы районара инспекциясенең исәпкә алу һәм салым түләүчеләр белән эшләү бүлегенең баш дәүләт салым инспекторы Дилбәр Курмакаева Бердәм керемгә салымны гамәлдән чыгару һәм башка салым салу системаларына күчү турында аңлатты, шулай ук касса аппаратларын куллану кагыйдәләре белән таныштырды. Эшмәкәрләр бу юнәлештәге сорауларын белгечкә юллап, төгәл җавап алдылар.
       Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең Чаллы шәһәре идарәсе җитәкчесенең Актаныш районындагы урынбасары Луиза Мәхиян кызы Хафизова коронавирус белән авыручыларның кискен артуын, эшмәкәрләрнең саклану чараларын көчәйтүләрен сорады.
       Эшмәкәрләр фонды җитәкчесе Алмаз Нурлыев Россия, Татарстан хөкүмәте тарафыннан эшмәкәрләргә күрсәтелгән ярдәм турында аңлатты.