ЯҢАЛЫКЛАР
30 нче апрель көнне дәресләрдән соң Киров урта мәктәбе укучылары көче белән Киров авыл җирлегенә караган юл читләре чүп-чардан, агач ботакларыннан арындырылды. Юл буйларындагы агач кәүсәләре агартылды. Укучылар һәм укытучылар бик тырышып эшләделәр.
30 нчы апрель көнне ОБЖ фәненнән ачык дәрес үтте. 1-4 класс укучылары янгын сүндерү чаралары белән таныштылар, видеоролик карадылар.
29 апрель көнне район мәдәният йортында сәләтле концерт номерларын, бәйрәм-тамашаларны, кичәләрне алып баручы талантларны ачыклау һәм аларга иҗади эшләрендә ярдәм итү, конкурста катнашучыларның иҗади фикерләвен, үзара аңлаша белү һәм үз фикерен башкаларга җиткерә белү сәләтен үстерү максатыннан Актаныш муниципаль районы Башкарма комитетының социаль һәм агартү бүлеге, “Актаныш авыл җирлегеара үзәк китапханә” муниципаль бюджет учреждениясе “Сүзем белән җиңдем дошманны” исеме астында район буенча иң яхшы конферанска бәйге узды.