ЯҢАЛЫКЛАР

Язгы каникулга таралганда укучыларга мәктәптә “Нәсел җебе – шәҗәрә” конкурсы уздырылачагы хакында әйтелеп, һәр балага үз гаиләсенең шәҗәрәсен ясап алып килү максат итеп куелган иде. 6 нчы апрель көнне мәктәптә укучыларның эшләреннән күргәзмә оештырылды. Чыннан да, балалар әти – әниләре белән бергәләп эзләнгәннәр, тапканнар, тырышканнар, үз нәселләрен, тарихны барлаганнар. Конкурста Теләкәй мәктәбеннән Исмәгыйловлар, Вәгыйзовлар, Галимҗановлар, Миңнеголовлар, Миргалимовлар, Мусиннар, Гилмеразиевлар гаиләләре, Иске Җияш башлангыч мәктәбеннән Гарифуллиннар, Ахметовлар, Галиевлар гаиләләре җиңүче дип табылды һәм әти – әниләргә ата – аналар җыелышында Рәхмәт хатлары тапшырылды.

7 нче апрель көнне Теләкәй төп гомуми белем бирү мәктәбендә Иске Айман, Иске Кормаш, Качкын, Теләкәй мәктәбе кызлары һәм егетләре арасында зона баскетбол ярышлары узды. Нәтиҗәләр түбәндәгечә булды: кызлар арасында 1 урын – Теләкәй, 2 урын – Иске Айман, 3 урын – Иске Кормаш, 4 урын – Качкын мәктәпләре; егетләр арасында 1 урын – Теләкәй, 2 урын – Качкын, 3 урын – Иске Айман, 4 урын – Богады мәктәпләре.

7-апрель  көнне    җәмәгать  бинасына   урнашкан   оешма  хезмәткәрләре   тирә-якны   чистарту  эшләре  белән   шөгыльлләнделәр.

     2016 нчы елның 17 март көнне Татарстан Республикасы кеше хокуклары буенча вәкәләтле вәкил боерыгы буенча һәрбер районда кеше хокуларының яклау идарәсенең  бер вәкиле янәдән билгеләнде. Актаныш муниципаль районында  вәкилнең  ярдәмчесе -Закирҗанова Рәмилә Илгиз кызы .  Гражданнарны кабул итү графигы  һәм урыны : һәр сишәмбе көнне сәг. 9.00-16.00 кадәр Актаныш авылы, Юбилей урамы, 45 йорт, “Игелек үзәге” бинасының 2 бүлмәсендә, телефон  3-14-11.  

Кадет интернат-мәктәбе көрәшчеләре Татарстан Республикасының беренче Президенты Кубогына уздырылган татарча көрәш ярышларына әзерләнәләр.

14 апрель көнне 12 сәг. кадет интернат-мәктәбендә 9че һәм 11че классларның математика һәм русс теле фәннәреннән ТДИ һәм БДИ имтиханнарын биреп карау нәтиҗәләре буенча ата-аналар җыелышы булачак.

6че апрель көнне Актанышның беренче мәктәбе базасында егетләр арасында баскетбол буенча зона ярышлары узды.

Мәктәптә "Иң яхшы кош оясы" буенча конкурс үткәрелде. Әлеге конкурста сыерчык ояларын әтиләре ярдәме белән ясаган башлангыч класс укучылары да, үз куллары белән ясаган югары класс укучылары да катнашты. Сыерчык оялары урманчылык хуҗалыгына тапшырылды. Ә "Кошлар көне" исеме астында үткән класстан тыш чарада укучылар кошларның урманны саклаудагы ярдәме белән таныштылар. 

7 апрель көнне мәктәптә "Ихлас" психологик үзәге педагог - психологы Гимадиева Ф.Ф. белән очрашу үткәрелде.

6 нчы апрель көнне мәктәптә 9 класс укучыларының ата-аналар  җыелышы булды. Һәр фән иясе укучыларны ОГЭга әзерләүләре турында ата-аналарга аңлаттылар, фикерләре белән уртаклаштылар.