ЯҢАЛЫКЛАР

17 апрель көнне Мәсәде авылында “Әти , әни һәм мин-спорт гаиләсе” дип исемләнгән гаилә бәйрәме үтте. Бәйрәмдә гаиләләр арасында спорт ярышлары оештырылды. Әтиләребез балык пешерде, чәй кайнатты. Балалар һәм әти-әниләр оештырылган чарадан бик канәгать булып күтәренке күңел белән таралышты.

Югары Яхшый мәктәбендә  рус теле  атналыгы бара.

19 апрель көнне Уразай авыл китапханәсендә "Тукай безнең күңелләрдә" исеме астында балалар иртәсе булып үтте. Татар халкының бөек шагыйре Г Тукайның тормышына һәм иҗатына багышлап китап күргәзмәсе дә төзеп куелган иде. Балалар шагыйрьнең шигырьләрен сөйләделәр, җырларын җырладылар, әкиятләрен тыңладылар.

18 апрельдән "Язгы мәрхәмәтлелек атнасы" - "Мәрхәмәтле Татарстан" ирекле акциясе башланды.

19 апрель мәктәптә "Спорт һәм уку көне".

ТР Мәгариф һәм Фән Министрлыгы,ТР Язучылар Берлеге,Казан (Идел буе) Федераль Университеты үткәргән”Илһам”бөтенроссия яшь язучылар бәйгесенә йомгак ясалды. Әлеге чара 12 апрельдә Казан шәһәренең Пирамида мәдәни-күңел ачу комплексында үтте. Йомгаклау тантанасында безнең мәктәптән 9 сыйныф укучысы Алия Магданурова да катнашты.Яшь иҗатчыларның әсәрләре тупланган җыентыкта Алиянең дә иҗат эшләре басылды.Югары дәрәҗәдә оештырылган, бик күңелле чарадан Алия яңа иҗат үрләренә илһам алып кайтты.Без аңа киләчәктә тагы да югары иҗат уңышлары телибез.

18 апрель көнне Чуракай  авыл  китапханәсендә "Тукай - мәңгелек яз" исемле әдәби кичә үткәрелде.

18 апрель көнне акция кысаларында укучылар ГТО нормаларын тапшыра башладылар.

16 апрельдән "Спортивный Татарстан" республика акциясе старт алды.

Санитар-экологик икеайлык кысаларында 16 нчы апрель көнне гимназия-интернатның 8 нче класс укучылары гимназия-интернат территориясе янәшәсендәге урамнарны чүп-чардан чистарттылар.