ЯҢАЛЫКЛАР

Иртәгә, 29 декабрь көнне сәгать 9:00 дә Актаныш районында кышкы ярминкә оештырылачак.

 26 нче декабрь көнне СХТ китапханәсендә "Оригами" интереслар клубының чираттагы утырышы үтте.

25 нче декабрь көнне мәктәбебезнең иң тырыш укучыларыннан берсе булган  10 нчы класс укучысы Әюпов Шамил республика балалар чыршы бәйрәмендә катнашты. Бәйрәм тамашасын ошатып, яңа дуслар табып, яңа уңышларга ирешерлек көч җыеп кайтты ул.

24 нче декабрь көнне мәктәптә Яңа ел бәйрәме булды.

26 декабрь көнне үзәк китапханәнең "Туган тел" клубы Актаныш технологик техникумы укучылары белән шәмаил эшләү техникасы буенча дәрес үткәрде.

Зур өметләр белән каршылыйбыз

2017 нең ел башын.

Игелек һәм миһербанлык кына

Булсын иде синең юлдашың!

Узган атнаның шимбә көнендә мәктәбебез гөрләп торды. Зур әзерлек белән оештырылган Яңа 2017 нче Әтәч елын каршы алу бәйрәмендә иң матур җырлар җырланды, иң кызыклы скетчлар күрсәтелде, иң изге теләкләр әйтелде. Иртәнге якта башлангыч һәм 5 нче класслар бәйрәм итсә, кичке якта 6 нчы - 10 нчы класслар үзара көч сынашты. Иң азактан лотерея уеннары уйнатылды. Кыш бабай барыбызга да сәламәтлек, уңышлар алып килсен! Илләр тыныч, күкләр аяз булсын! Кызыл Әтәч елы мөбарәк булсын! 

   26 нчы декабрь көнне Иске Сәфәр авыл китапханәсендә "Уйныйбыз да, җырлыйбыз да" дигән җырлы-биюле кичә үткәрелде.

Яңа ел җитәргә дә санаулы көннәр калып бара. Шул сәбәпле, якыннарыбызга, хезмәттәшләребезгә, балаларыбызга карата тәбрикләүләргә дә сорау арта бара. Шул уңайдан, без дә сезнең эшне җиңеләйтеп, татарча Яңа ел котлауларын сайтыбызда урнаштырырга булдык.

 
1. Әкрен генә йомшак карлар ява,
Күңелләргә шатлык моң салып.
Яңа елда бәхет, шатлык килсен
Кышкы бураннарга уралып!
Күңелләрдә шатлык ташып торсын,
Сагышларга урын калмасын!
Алда туар көннәр якты булсын!
Ходай кайгылардан сакласын!

2. Язмышлардан узмыш булмаса да,
Тотып бәхет дигән ачкычны
Яңа елның яңа капкаларын
Төпкә кадәр каерып ач, дустым.

Ач син, шыгырдатып бу капканы
Яшик әле җырлы көннәрдә
Уй-фикерләр эшкә ашсын быел,
Хыял-төшләр күчсен өннәргә.

Күкләр аяз, дөнья имин булсын,
Хәерчелек ишек какмасын.
Шәфкатьле бул, беркем бу тормышта
Шатлык чәчеп, кайгы тапмасын.

Иске Кормаш төп гомуми белем бирү мәктәбе коллективы

21-22 нче декабрь көннәрендә укучылар математика һәм рус теле фәннәреннән район мәгариф бүлеге тарафыннан җибәрелгән алдан биреп карау имтихан эшләрен яздылыр.