Муниципаль районнар Актаныш муниципаль районы

ЯҢАЛЫКЛАР

апрель, 2015 ел

җомга

Бурсык төп гомуми белем бирү мәктәбе яңалыклары

ТР Мәгариф һәм Фән Министрлыгы тарафыннан үткәрелә торган мониторинг

Кичә Казанның М.Җәлил исемендәге Татар дәүләт опера һәм балет академия театрында татар теле һәм әдәбияты буенча III Халыкара олимпиада җиңүчеләрен бүләкләү тантанасы булды. Анда ТР Президенты вазифаларын вакытлыча башкаручы Рөстәм Миңнеханов, ТР Премьер-министры урынбасары – мәгариф һәм фән министры Энгель Фәттахов, ТР мәдәният министры Айрат Сибагатуллин, ТР Дәүләт Советы Рәисе урынбасары Римма Ратника, Бөтендөнья татар конгрессы Башкарма комитеты рәисе Ринат Закиров һ.б. катнашты.
Тантанада иң элек олимпиаданың Гран-при ияләре игълан ителде. Бу дәрәҗәгә Канаданың Монреаль шәһәре Джон Аббот көллияте студенты Камилә Хәмәдъярова һәм Актаныш районы сәләтле балалар өчен гуманитар гимназия-интернатының 11нче сыйныф укучысы Айдар Шәйхин (укытучысы Әминова Л.Г.) лаек булды. Җиңүчеләрне Рөстәм Миңнеханов үзе тәбрикләде. Афәрин, Айдар!

Регионара семинар үтте

Гимназия-интернатта "Хәзерге заманда чит телләр: тел өйрәнүдә инфокоммуникацион технологияләр" исеме астында чит тел укытучыларының регионара фәнни-практик семинары үтте.

Космос буяулары

Космонавтика декадасы кысаларында башлангыч класс укучылары «Космос буяулары» рәсем конкурсында катнаштылар.

Гимназия-интернатта коучинг

Гимназия-интернатта Educare International Consultancy компаниясе консультанты Джеффри Чуа Це Ки булып китте. Коучинг вакытында Нурыева И.А., Фәрдиева Р.Р., Гарипова Р.И. дәресләре каралды, дәресләргә анализ ясалды. Шулай ук кунак мәктәп тормышы белән танышты.

Тыл ветеранында кунакта

Башлангыч сыйныф укучылары тыл ветераны Фаттахов Сәетҗан бабайда кунакта булдылар. Аның тормыш юлы, авыр балачагы белән таныштылар. Үзләрен кызыксындырган сорауларын бирделәр. Истәлеккә фотога төштеләр.

Бездә кунакта "Ялкын" журналы

21 нче апрель көнне бездә "Ялкын" журналы вәкилләре кунакта булды. Журналистлар барыбызның да яратып укый торган журналның яңа саны өчен материаллар тупладылар, балалар белән әңгәмәләр кордылар.

Зөбәер төп гомуми белем бирү мәктәбе яңалыклары

"Язгы изгелек атнасы" акция-эстафета кысаларында "Җир нигә елый?" темасына тематик КВН үткәрелде.

Бөек Җиңүнең 70 еллыгына багышланган Космонавтика декадасы

Космонавтика декадасы Бөек Җиңүнең 70 еллыгы уңаеннан уздырыла. Әлеге декада кысаларында рәсем конкурслары да планлаштырылган. Безнең мәктәптән 4 эш мәктәп турында җиңеп, районга җибәрелде. менә алар: 1 класс - Ганиева А., Саетова И. (укытуч: Гапданова З.М.); 2 класс - Хисамов Б. (укытучы: Ганиева Г.М.); 3 класс - Муллаянов И. (укытучы:Гарданова З.М.); 4 класс - Зиннурова Э. (укытучы: Мирзаянова Р.М.). Алдагы конкурсларда да зур уңышлар теләп калабыз!

Матур сүзләр көне

23 апрель көнне Киров урта мәктәбендә Матур сүзләр көне үткәрелде. Бу көнне барлык укытучылар, укучылар, техник хезмәткәрләр, поварлар бер-берсенә мөмкин кадәр күбрәк матур сүзләр, комплимент лар әйтергә тырыштылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ