ЯҢАЛЫКЛАР

29 нчы май көнне бишкөнлек хәрби-кыр җыены тәмамланды. Егетләр бу көнне ОЗК кию, противогаз кию, РХБЗ буенча, стройга тезелү,  хәрәкәкттә коралсыз сәламләү бәйгеләрендә көч сынаштылар.

Егетләрнең хәрби әзерлекләре белән таныштыру өчен Актаныш районының хәрби комиссары Ахметзянов Л.С. килгән иде.

Егетләребез киләчәктә илебезнең чын сакчылары булырлар дип ышанып калабыз.

“Беренче класс укучысының мәдәни көндәлеге” бәйгесендә җиңүче укучылар 26 нчы май көнне Казан шәһәренә бүләкләү тантанасына бардылар. Анда Киров урта мәктәбеннән Рәшитова Айзилә Ринас кызы да катнашты.

Ул Галиәскәр Камал исемндәге Татар дәүләт акадеамия театрында Туфан Миңнуллинның “Авыл эте Акбай” музыкаль әкиятен карап, истәлеккә китаплар алып кайтты.

 30 нчы май көнне Киров урта мәктәбендә “Ел укучысы – 2015” бәйгесе булып узды. Анда 1-10 нчы класслардан 10 укучы катнашты. Алар “Сәламләү”, “Без сәләтле”, “Интелекттуаллар” бәйгеләрендә көч сынаштылар. “Ел укучысы – 2015” бәйгесе җиңүчесе -  7 класс укучысы Карамуллина Юлия.