ЯҢАЛЫКЛАР
“Лачын” боз сараенда 27 февраль көнне авыл командалары арасында хоккей ярышы үтте.
Узган атнада Казан каласында 2 фән олимпиадасы булып узды: 26 февраль көнне рус теле һәм 28 февральдә - рус әдәбияты буенча республика олимпиадасы. Икенче санлы Актаныш урта мәктәбеннән 11 укучы катнашты.
1 март көнне үзәк китапханә хезмәткәрләре китап укучыларны китапханәгә тарту максатыннан "Хатын-кыз иҗаты ачылган чәчәк кебек" акциясе белән "Ак БАРС -Мед" оешмасында булдылар.
Район хезмәт ияләренең кышкы спартакиадасы 6 мартта Актанышта үткәрелә. Катнашучыларны теркәү 9 сәгатьтә, ә ярышлар 10 сәгатьтә башлана
Март аеннан Россиядә яңа кагыйдә-законнар гамәлгә керә. Аларның күбесе финанслар өлкәсенә карый.
25 март көнне узачак "Аҗаган" хәрби-спорт уеннарының район этабына әзерлек дәвам итә. Иске Кормаш укучылары бик теләп ярышка әзерләнәләр. Ярыш төрләренә килгәндә: автомат сүтеп җыю, турникта тартылу, строевая подготовка, винтовкадан ату, отжимание, тарихи викторина. Ярышка әзерләүче хәрби җитәкче - ТИН укытучысы Газизов Гадел Фирдәвис улы.
Бүген мәктәптә язның беренче көне уңаеннан бәйрәм уздырылды.5-9 класс кызлары үзләренең кул эшләреннән күргәзмә һәм татлы ризыклардан ярминкә оештырдылар.Бәйрәм белән сезне !
17 мартта уздырылачак халыкара "Көнгерә" математик мәсьәләләр чишү уенында безнең мәктәп укучылары бик теләп катнашалар. Уңышлар телибез аларга!
1 нче март көнне "Салют Победы" 9 сыйныф егетләренең хәрби ярышы була. Аларга уңышлар телибез!
Такталачык мәктәбендә Ватан сакчылары һәм халыкара Хатын кызлар көне уңаеннан "Ягез әле, кызлар, егетләр!" дигән темага интеллектуаль уен оештырылды. 8 нче, 9 нчы класс укучылары әхлак кагыйдәләрен белү , физик әзерлек, тапкырлык, тәвәккәллек, рәсем ясау осталыгы, татар һәм рус телләрен белү, галстук бәйләү, прическалар ясау кебек уеннарда үзләрен сынап карадылар. Җитәкчесе педагог- организатор Низамов Равил Тимергади улы.