ЯҢАЛЫКЛАР


20
март, 2015 ел
җомга
Кәзкәй авыл җирлегендә Бөек Җиңүнең 70 еллыгына багышланган Актаныш районы ветераннарының җирле җәмәгать оешмасы Пленумы булып үзды. Мәдәният йортында үткәрелгән бу чарада җирлекнең сугыш, тыл ветераннарына һәм сугыш чоры балаларына багышланган күргәзмә оештырылган иде. Пленум эшендә район җитәкчеләре, авыл җирлекләренең ветераннар советы рәисләре, авыл башлыклары һәм мәдәният йортлары директорлары, чакырылган кунаклар катнашты.
Тыл ветераннарына медальлэр тапшыру.
Кәзкәй мәдәният йортында Бөек Җиңүнең 70 еллыгына багышлап  Кәзкәй авыл җирлеге үзешчәннәренең смотр концерты булып үтте. Концертта катнашучылар барлык төр җанрлар буенча чыгыш ясадылар. Хор, уен кораллары ансамбле, катнаш вокал ансамбль,күмәк бию, нәфис сүз, ялгыз җырлар башкарылды, "Солдат хатлары" исемле композиция күрсәтелде.

19 нче март көнне башлангыч сыйныф укучылары арасында Габулла Тукай иҗатына багышланган район шигырь бәйгесе үткәрелде. Жюри бөек шагыйребез шигырьләрен иң сәнгатьле сөйләүчеләрне сайлап алды. Чалманарат төп гомуми белем бирү мәктәбенең 2 нче класс укучысы Фәрхетдинова Ләйлә зона буенча 2 урын, 3 нче класс укучысы Манихова Адилә 1 урын, 4нче класс укучысы Яхин Имил 1 урын алган иделәр. Манихова Адилә (укытучысы Гаязова Дилүсә), Яхин Имил (укытучысы Шәвәлиева Чулпан)  районда да уңышлы чыгыш ясадылар.

Чалманарат мәктәбендә "Сыерчык оясы" акциясе уздырылды. Оялар бик матур итеп, зур тырышлык куеп эшләнгән. Бигрәк тә Имамов Сирин, Фархетдинова Ләйләнең сыерчык оялары иң яхшы дип табылды. Бүген сыерчык ояларын укучылар технология укытучысы Марданов Әфка Муллаянович белән мәктәп бакчасына элеп тә куйдылар

19 нчы март көнне "Лучший чтец" конкурсының район этабы булып үтте.
Г.Тукай исемендәге шигырь укучыларның республикакүләм конкурсының район туры нәтиҗәләре буенча Гран-прины гимназия-интернатның 7 сыйныф укучысы Газизова Сөмбел яулады.
20 март көнне Татар Суыксуы урта гомуми белем бирү мәктәбендә "Современный урок - урок развития личности" дигән темага  район мәктәп директорларының семинар- киңәшмәсе булып узды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International