ЯҢАЛЫКЛАР

5 нче февраль көнне Аеш мәдәният йортында Н. Гаетбайның ике пәрдәлек "Әстәгъфирулла" комедиясе сәхнәгә куелды. Авыл үзешчәннәренең уйнавын тамашачылар бик җылы кабул иттеләр. 

Татарстан мәгариф хезмәткәрләренең  кышкы  Спартакиадасы кысаларында  бүген Актаныш районында  волейбол һәм хоккей буенча  зона ярышлары старт алды. Чараны ачу тантанасында  кунакларны Актаныш муниципаль районы башкарма комитеты җитәкчесе Рөстәм Ильясов сәламләде.

Ленинград блокадасы Россия тарихында озакка сузылган һәм иң фаҗигале вакыйгалардан санала. Төп-төгәл 871 көн (1941 елның 8 сентябреннән 1944 елның 27 гыйнварынача) дәвам иткән әлеге мәхшәрнең кайтавазы әле бүген дә үзен сиздереп тора. Мәктәбебездә әлеге темага класс сәгатьләре үткәрелде, презентацияләр карау оештырылды.

4 февраль көнне,Уразай авылы  мәдәният йортында ,Нефтекама шәһәре  артислары уразайлыларга  үзләренең матур чыгышларын күрсәттеләр.Артисларга шундый матур,чын чыгышлары  өчен зур рәхмәтле булып,күтәренке кәеф белән тамашачыларыбыз өйләренә таралышты.

3 февраль  көнне, Уразай авылы студентлары,район үзәгендә узган "Студентлар очрашуы" мероприятиясендә катнаштылар.

2017 елның 7 февралендә “Ата-аналарның бердәм дәүләт имтиханын тапшыру көне” дип исемләнгән Бөтенроссия акциясе уздырыла. Әлеге илкүләм чарага Актаныш районы да кушыла. 

2 нче февраль көнне Чуракай мәдәният йортында авыл советының еллык эшләре буенча отчет җыелышы булып узды.

4 февраль Кәзкәй мәдәният йортында Кәзкәй, Тыңламас авылы студентларының очрашуы булды. Алар үзләре һәм уку йортлары белән таныштырдылар, узара ике командага бүленеп "Бөркетләр" һәм "Лачыннар" - төрле ярышларда көч сынаштылар. Очрашу азагында аларга истәлек бүләкләре тапшырылды.

4 февраль Кәзкәй авылы китапханәсендә җирлекнең студентлары белән 2017 ел - Экология елына карата "Табигатьне өйрән һәм сакла!" дип исемләнгән викторина үткәрелде. Шулай ук "Туган ягым- яшел бишек" китап күргәзмәсенә күзәтү ясалды.

Шахмат мәктәбендә шөгыльләнүче кыз-малайлар, остазлары кул астында белгәннәрен чарлап, кайчандыр шул бүлмәләрдә үзләре дә сәгатьләр буе шахмат серләренә төшенгән, бәйгеләрдә район данын яклаган, бүген инде югары уку йортлары җыелма командаларында чыгыш ясаучы студентлар белән очраштылар.