ЯҢАЛЫКЛАР

Актаныш районында 1 сентябрьгә 2848 ташлама алучы исәпләнә. Шулардан 1876 кеше (65,9%) дару белән тәэмин ителүдән баш тарткан. Баш тартучыларның проценты ел саен кими. Соңгы 3 елда дарулар белән тәэмин итү программасына якынча 300 кеше (якынча 10%) киредән әйләнеп кайтты.

Россия Пенсия фондының Татарстан Республикасы буенча бүлекчәсе искә төшерә: 1 октябрьгә кадәр социаль хезмәтләр алу хокукына ия булган, әмма аның акчалата эквивалентын алучы федераль ташлама алучылар тиешле гаризаны пенсия фондының территориаль органнарына яки Россия Пенсия фонды сайтындагы гражданның шәхси кабинеты аша тапшыра һәм социаль пакет алу хокукын үзенә кире кайтара алалар. Бирелгән гариза киләсе елның 1 гыйнварыннан гамәлдә булачак.

Нинди дә булса сатып алуны тормышка ашырып, без аның сәламәтлек өчен куркынычсыз, сыйфатлы булуын һәм кирәкле куллану үзенчәлекләренә ия булуын телибез.

Кызганычка каршы, кибет киштәләрендә еш кына сыйфатсыз товарлар очрый.

Сыйфатлы  товарны ничек сайларга һәм аны түбән сыйфатлы контрафакттан ничек аерырга?

Актаныш  районында 7 сентябрь көнне  кичке биштән - каурыйлы кошларга, 15 сентябрьдә төлкеләргә  ау сезоны ачыла.

Кыр кәҗәләрен (косулялар), махсус рөхсәт алып, 1 октябрьдән ауларга була. Шулай ук пошига һәм кабан дуңгызына, су җәнлеге – кондызга да ау шул көннән башлана.

2019 елның 5 сентябреннән һәркемгә керергә рөхсәт ителгән аучылык җир-суларында кыйммәтле мехлы хайваннарны табуга рөхсәтнамә алу өчен гаризаларны кабул итү башланды.

Рөхсәтнамәне алу өчен, нинди районда аулауга карамастан, Татарстан Республикасы территориясендәге КФҮнең теләсә кайсы филиалына мөрәҗәгать итәргә мөмкин . Шулай ук Татарстан Республикасының Дәүләт хезмәтләре порталы аша яисә КФҮнең Call-үзәге операторлары ярдәме белән (843) 222-06-20 телефоны буенча, КФҮ филиалларына кабул итүгә алдан ук язылырга мөмкин.

Россия Федерациясенең Дәүләт Думасы депутаты, Икътисадый сәясәт, сәнәгать, инновацияле үсеш һәм эшмәкәрлек буенча комитет рәисе урынбасары Әлфия Когогина төбәк атнасы кысаларында Татарстан Республикасының "Саулык" сәламәтлек саклау комплексында булып, балаларны сәламәтләндерү һәм ялны оештыру шартлары белән танышты.

Эшлекле сәфәр барышында парламентарий корпусларны, сәламәтлек пунктларын, ашханәләрне, уен мәйданчыкларын һәм башка объектларны карап чыкты, балаларны сәламәтләндерү  комплексы коллективы белән очрашты.

14 сентябрьдә Татарстанның  Арча  районы  Яңа  Кырлай  авылында   Татарстан  Республикасы Авыл хуҗалыгы  һәм азык-төлек  министрлыгы  булышлыгы  белән  “Ат көне”нә багышланган  ат  спорты  ярышлары  узачак. Чараны  тантаналы  ачу   11.00 сәгатьтә була.  

Ат чабышлары   40, 80 һәм 120 километр  дистанцияләрдә була,    приз фонды - 200 мең  сумнан 300 мең  сумга  кадәр.   Чара  кысаларында  зурлар  һәм яшүсмерләр  өчен төбәк  һәм халыкара  ярышлар,  җирле  токымнан  булган  “Авыл егетләре” атлары  өчен  чабышлар, “Аударыш” атларында  көрәш  буенча  конкурс, атларны  җигү тизлегенә, иң матур бизәлгән  йөк арбасына   конкурслар   һәм башкалар планлаштырыла. Бәйрәмнең  төп  бизәге,  гадәттәгечә,  татар атларының  чабышы  булачак. 

Моннан  тыш, мәдәни-күңел  ачу  программасы эшләячәк, Казан  шәһәренең  балалар ат  спорты  мәктәбенә йөрүчеләрнең  чыгышлары була,  тимер чүкү буенча  мастер-класс оештырыла, авыл  хуҗалыгы продукциясе  ярминкәсе эшләячәк, кайнар  ризыклар һәм  күңелле  җыр-биюләр булачак.

Барлык  ат  яратучыларны яисә  ат  спорты  белән  шөгыльләнүчеләрне,   ярышларда  катнашып,  үзләрен  таныту өчен чакырабыз.   Заявкалар            13 сентябрьгә  кадәр   (843)279-29-20, 279-29-77 (88), 279-76-43 телефоннары  аша  яисә   fkksrt@bk.ru   электрон  адрес буенча  кабул  ителә.

Телевидение спутниклар сигналын кабул итү өчен җиһазлар сатып алу һәм урнаштыруга чыгымнарны компенсацияләүне билгеләү, цифрлы приставка һәм (яки) телевизион антенна сатып алуга киткән чыгымнарны компенсацияләү өчен мөрәҗәгать иткән гражданнар турында мәгълүмат.                                                                              

4 сентябрьгә  Актаныш районы социаль яклау бүлегендә урнашкан республика матди ярдәм үзәгенең 5 нче бүлекчәсенә компенсация билгеләүне сорап 98 кеше мөрәҗәгать иткән. 71 кешегә консультация бирелгән. 27 кешегә компенсация түләнгән.

3-5 сентябрь көннәрендә Казан шәһәрендә кече шәһәрләр һәм районнар яшүсмерләр командалары арасында футбол буенча республика беренчелеге узды. Республика беренчелегендә катнашып, Актанышның "Иман" командасы өченче урын яулады. Тренерлары  Рамил Гыйльфанов. Әфәрин, егетләр! Киләчәктә тагын да зуррак уңышларга ирешүегезне телибез.

Бүген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов Татарстанның  урып-җыюның  барышы  белән  танышу  максатында  Минзәлә һәм Актаныш  районнарында  булды.  

Кырларны  карап чыканнан  соң, Марат  Әхмәтов  һәр районның җитәкчесе, хуҗалыклар   җитәкчеләре,  фермерлар  һәм авыл  җирлекләре  башлыклары  белән  очрашты,  авыл  хуҗалыгы  оешмалары белгечләренең  сорауларына  җаваплар  бирде. 

Районнар  башлыклары  кыр  эшләренең  барышы  турында  сөйләделәр.    Минзәлә районында урып-җыю мәйданы   45,7 мең  га тәшкил  итә. Бүгенге  көнгә    33,4 мең мәйданда  урып-җыю  эшләре  төгәлләнгән,  бу  барлык  мәйданның    73% ын  тәшкил  итә, 127,4 мең  тонна  ашлык  җыелган,  бер гектардан  уртача уңыш  -  38,2 ц/га. «Урып-җыю     эшләре  белән  бергә   2020  ел  уңышы  өчен  көзге  бодай  чәчелә.    Районда  көзге  культуралар  чәчү мәйданы   14,8 мең га тәшкил итә, аның  күп  өлешен  чәчтек  инде», - дип сөйләде  район  башлыгы    Айдар Сәлахов.

Марат  Әхмәтов  билгеләп  үтүенчә,  республикада  4,5 млн тонна  ашлык  җыелыр  дип  планлаштырыла, һәм бу  саннарга   минзәләлеләрнең  керткән  өлеше  дә  бик  зур.

Урып-җыю эшләренең  барышы  белән  танышуны  Марат  Әхмәтов  Актаныш  районында  дәвам  итте.    Районда  уртача  уңыш    39 ц/га  тәшкил  итә. Урып-җыю мәйданы  – 42,6 мең га. Бүгенге  көнгә    35,6 мең га мәйданда  ашлык  җыелып  беткән, бу  барлык  мәйданның    84% ын  тәшкил  ит,  138,9 мең  тонна  ашлык  җыелган. «Игенчеләр өчен  ел  бик  уңай  булмады.  Июнь  аенда  районда яңгырлар  бөтенләй  диярлек булмады.  Июль  азагында гына  яңгырлар  ява  башлады.    Шуңа  карамастан,    174 мең  тонна  ашлык  җыю  планлаштырыла», - дип  сөйләде  Актаныш  районы башлыгы  Энгель Фәттахов.

«Игенчелек  культурасы  республиканың  йөзен  билгели.   Кама аръягы  районнарының  бүгенге  һәм киләчәк  эшчәнлеген  Актаныш  районыннан башка  күз алдынада   китереп  булмый.   Биредә  игенчелек  культурасы  гаҗәеп  югары  дәрәҗәдә, - дип  билгеләп  үтте  Марат  Әхмәтов.  – Сез үзегезнең  үрнәгегез  белән  башка районнарга  да  омтылыш  бирәсез». 

Бүген – 5 сентябрь көнне  Татарстан Республикасы  Премьер-министры урынбасары, авыл хуҗалыгы һәм азык-төлек министры Марат Әхмәтов Актаныш районында эшлекле сәфәрдә булып, Актаныш район башлыгы Энгель Фәттахов белән урып-җыю эшләренең, көзге чәчүнең барышы белән танышты. “Таң”, “Нигез”, “Башак”, “Нур Баян”  хуҗалыкларының, “Әнәк”, “Актаныш” агрофирмаларының кырларын карап чыкканнан соң, “Нигез” хуҗалыгының басуында хуҗалык җитәкчеләре, авыл җирлеге башлылары белән очрашты алар. Җәй килүендә кырларда күкрәп үскән икмәкне күреп, актаныш игенчеләренең эшчәнлегенә зур бәя биргән министр, иң элек, һәр хуҗалык җитәкчесеннән гектар биреме югары булган басулардан җыеп алынган уңыш күләме  белән кызыксынды. Сөенеп тә, горурланып та, актанышлылар эшчәнлегенә  бәя биреп тә, Актанышта гектарыннан 50-80 шәр центнер уңыш чыккан басулар күп, диде Марат Әхмәтов.

-Актаныштагы кебек игенчелек культурасы республиканың да йөзен билгели. Кама аръягы районнарының бүгенгесен һәм киләчәк эшчәнлеген Актаныш районыннан башка күз алдына да китереп булмас иде. Искеткеч югары игенчелек культурасы!  Район, хуҗалык җитәкчеләре, белгечләр бер-берсе белән ярышып, бер хуҗалыктагы яңалыкны икенче хуҗалык үзенә үрнәк тәҗрибә итеп алып, бер-берсеннән өйрәнеп эшлиләр. Гади ел булмады быел игенче өчен. Районда июнь аенда явым-төшемнәр тоташ булмады. Июль ахырында гына гына яңгырлар булды. Шулай булуга карамастан, район 174 мең тонна тирәсендә бөртеклеләр җыйнап алырга планлаштыра.  Районда төпле хуҗаның кулы тимәгән, кемдер алынганны көтеп тора торган ташландык басулар юк. Күп кенә районнардан аермалы буларак, биредә басуда-кырларда салам өемнәре, эскертләр дә юк. Бу – җиргә, игенчелеккә җитәкченең  мөнәсәбәте һәм культурасын күрсәтә торган көчле мисал. Соңгы елларда сөтчелек тармагы буенча да революцион үзгәреш ясады Актаныш. Районда беренче тапкыр хуҗалыклар – 200, шәхси хуҗалыклар 50 тонна тәүлегенә сөт җитештерде. Ай саен үткәрә торган 24 форма киңәшмәсендә терлекчелек тармагындагы резервларны барлап, максат куеп эшләвегез дә республика районнары өчен үрнәк.  Үз үрнәгегез белән башка районнарга да  этәргеч бирәсез, - дип, фикерен белдерде Марат Готыф улы.

Егерме ел дәвамында иңгә-иң куеп, фикерләшеп, киңәшләшеп, гозер-үтенечләрне ишетеп, республика авыл хуҗалыгы үсешен Рәсәй күләмендә алдынгы өлкә дәрәҗәсенә чыгарганы өчен хуҗалык җитәкчеләре, Актаныш район башлыгы Энгель Фәттахов Марат Готыф улына чиксез рәхмәтләрен, хөрмәтләрен белдерделәр. Һәрвакыт элемтәдә булып, башка өлкәләрдә булган алдынгы тәҗрибәләрне өйрәнергә мөмкинлек тудырганы, фәнни-тикшеренү участокларында элгәр культураларны сынап, үзебездә районлаштыруда һәм республиканың, россиянең максатчан программаларында катнашып, игенчелек культурасын үстерүдә, яңа заманча техникалар кайтаруда республика җитәкчелегенең Актаныш районына булган ярдәме, биргән бәясе һәм күрсәтелгән ышанычы киләчәктә 200 мең тонна икмәк үстерергә дә, 250 тонна тәүлеклек сөт саварга да актанышлылар өчен мөмкинлекләр тудыра.

26 сентябрьдә Татарстан Республикасында Бала хокуклары буенча вәкаләтле вәкил Аппаратында (Казан шәһәре, Карл Маркс ур., 61 нче йорт) психологик ярдәм көне узачак. Әлеге чара кысаларында өлкәннәр һәм балалар конфиденциаль шартларда үзләрен кызыксындырган темаларга, шул исәптән балалар-ата-аналар мөнәсәбәтләре, яшьтәшләре белән мөнәсәбәтләр, яшүсмерләр арасында конфликтлар, психологик пландагы башка  мәсьәләләр буенча профессиональ психологлар белән аралаша, киңәшә алачаклар.

Чараның үзенчәлеген игътибарга алып, анда катнашырга теләгән гражданнарга белгеч - психолог белән нәтиҗәле эшләү максатларында (843) 236-61-64 телефоны буенча алдан язылырга кирәк.