ЯҢАЛЫКЛАР
20-22 нче гыйнвар көннәрендә Казанда рус теле буенча, 21-23 нче гыйнвар көннәрендә сәнгать (МХК) фәне буенча Бөтенроссия олимпиадасының региональ туры үтәчәк. Актаныш районы данын муниципаль тур җиңүчеләре, Икенче санлы Актаныш урта мәктәбе 9а сыйныф укучысы Авзалова Юлия (укытучысы Белоусова М.И.) һәм 10 б сыйныф укучысы Халирахманов Динар (укытучысы Миршарипова Т.К.) рус теленнән, 8а сыйныф укучысы Загретдинов Рузиль (укытучысы Муталлапова Э.З.) сәнгать (МХК) фәне буенча яклаячак. Аларга уңышлар телибез.
Чалманарат мәктәбенең татар теле һәм әдәбияты укытучысы Исрафилова Әлфия “Сыйныф җитәкчесе – 2015” конкурсының мәктәп этабында җиңүче булды. 21 январь көнне Әлфия Рафаеловнаның эше район этабына тәкъдим ителде.
Бөек Ватан сугышы тәмамлануга 70 ел узса да, сугыш хатирәләре тоныкланмый. Дошманга күкрәк киереп каршы торган, изге җиребезне саклап, аның иминлеге өчен гомерләрен дә кызганмаган каһарманнар һичкайчан онытылмас.
Артем Хохорин Идел буе мөселманнары өчен исламның традицион булмаган агымы таралу куркынычы әле һаман яшәвен белдерә