ЯҢАЛЫКЛАР
Һәр елны мәктәптә сыерчык оялары ясау конкурсы үткәрелә. Бу эштә быел да теләге булган һәр укучы үзенчәлекле, матур оялар ясап, актив катнаштылар. Бүген, ягъни 9 нчы апрель көнне 6 нчы сыйныф укучылары Илнар абыйлары ярдәме белән бу ояларны үз урыннарына урнаштырып, кошчыкларыбызны сөендерделәр. Укучыларга зур рәхмәт.
География – биология атналыгы дәвам итә. Бүген 9 апрель көнне 5-11 класслар арасында стенгазеталар конкурсы булды. Нәтиҗәләр түбәндәгечә: урта класслар арасында 1 урында - 5 класс, 2урында - 7 класс, 3 урында- 8 класс, 4 урында- 6 класс. Югары класслар арасында 1 урын -10-11 класслар.
7 нче апрель көнне 9-11 класс укучылары өчен Актаныш технология техникумыннан килгән белгечләр белән профориентация эше буенча очрашу узды. Алар 5 белгечлек буенча мәгълүмат белән таныштылар.
Бүген химия һәм биология атналыгы кысаларында Исламова З.А. “Мутация” темасына ачык дәрес күрсәтте. Дәрес барышында төрле кызыклы фактлар ачылды, шуның белән укучыларны казыксындыра алды.
7 апрель көнне район күләм "Татар кызы - 2015" бәйгесенең финал өлеше узды. Бәйгенең финал өлешенә 8 кыз үткән иде. Безнең мәктәптән 8 класс укучысы Габдуллина Энҗе уңышлы чыгыш ясап 3 урынга лаек булды. Котлыйбыз!