ЯҢАЛЫКЛАР

4 февраль Кәзкәй мәдәният йортында Кәзкәй, Тыңламас авылы студентларының очрашуы булды. Алар үзләре һәм уку йортлары белән таныштырдылар, узара ике командага бүленеп "Бөркетләр" һәм "Лачыннар" - төрле ярышларда көч сынаштылар. Очрашу азагында аларга истәлек бүләкләре тапшырылды.

4 февраль Кәзкәй авылы китапханәсендә җирлекнең студентлары белән 2017 ел - Экология елына карата "Табигатьне өйрән һәм сакла!" дип исемләнгән викторина үткәрелде. Шулай ук "Туган ягым- яшел бишек" китап күргәзмәсенә күзәтү ясалды.

Шахмат мәктәбендә шөгыльләнүче кыз-малайлар, остазлары кул астында белгәннәрен чарлап, кайчандыр шул бүлмәләрдә үзләре дә сәгатьләр буе шахмат серләренә төшенгән, бәйгеләрдә район данын яклаган, бүген инде югары уку йортлары җыелма командаларында чыгыш ясаучы студентлар белән очраштылар.
 

3 февраль көнне СХТ китапханәсендә "Оригами" кызыксыну  клубының чираттагы утырышы уздырылды.

Эльмира якты йөзле, тыйнак, талантлы артистка, тормышның барлык сынауларын сабырлык белән кабул итүче тырыш ханым булып истә калачак.

Югары уку йортлары студентлары арасында ел саен иң-иңнәрне билгеләү – “Ел студенты” бәйгесенең төп күрсәткече. Аның “Ел журналисты” номинациясендә быел Актаныш кызы, КФУның журналистика һәм медиакоммуникация мәктәбенең IV курс студенты, райондашларыбызга оста алып баручы сәхнә йолдызы буларак яхшы таныш Регина Шиһабетдинова җиңү яулады.