ЯҢАЛЫКЛАР

“Дәүләт кадастр бәяләве турында” 2016 елның 3 июлендәге 237-ФЗ санлы федераль закон (алга таба – 237-ФЗ санлы закон) һәм Татарстан Республикасы Җир һәм мөлкәт мөнәсәбәтләре министрлыгының 26.09.2018 ел, № 3173-р боерыгы нигезендә, хәзерге вакытта Татарстан Республикасы территориясендә су фонды, урман фонды җирләрен, аеруча саклана торган территорияләр һәм объектлар җирләренә дәүләт кадастр бәяләве үткәрелә.

237-ФЗ санлы законның 14 маддәсендәге 14 пункты нигезендә муниципаль берәмлекләрнең җирле үзидарә органнары халыкка күчемсез милек объектларының кадастр бәясен билгеләү турында арадаш хисап документларын  урнаштыру турында, шулай ук үз мәгълүмати щитларына хәбәр урнаштыру юлы белән хисап проектына искәрмәләр тапшыру тәртибе һәм сроклары турында мәгълүмат бирә, шул исәптән «Интернет» мәгълүмат-телекоммуникация челтәрендәге рәсми сайтта да.

2019 елның 1 гыйнварыннан Россиядә үзмәшгуль гражданнарның һөнәри кеременә яңа салым барлыкка килде. Әлегә ул дүрт пилот төбәктә генә эшли: Татарстан Республикасы, Мәскәү, Мәскәү һәм Калуга өлкәләрендә.

Яңа салым режимы дәүләт хезмәткәрләренә отышлы, алар хәзерге вакытта торак тапшырудан булган керемнәренең 13 процентын түләргә тиеш.

Социаль өстәмә түләүне кабат исәпләү нәтиҗәсендә эшләмәүче 72 мең пенсионерның пенсияләре артып килде. Уртача алганда, айлык өстәмә түләүләр 460 сумга артты.

Кабат исәпләү «Дәүләт социаль ярдәме» һәм «Россия Федерациясендә яшәү минимумы» турындагы федераль законнарга быелның апрелендә кертелгән үзгәрешләргә туры китереп башкарылды.

ТР Үзәк сайлау комиссиясе «Бердәм Россия»партиясенең Татарстан төбәк бүлеге тарафыннан күрсәтелгән VI чакырылыш ТР Дәүләт Советына депутатлыкка кандидатларның республика исемлеген теркәде.

Теркәлгән кандидатларга билгеләнгән үрнәктәге таныклыклар биреләчәк.

Партиянең төбәк бүлеге исемлегендә 55 кеше. Кандидатлар исемлеге 20 июньдә «Бердәм Россия» Татарстан бүлегенең төбәк конференциясендә катнашучылар тарафыннан расланды һәм 28 июньдә республика Үзәк сайлау комиссиясенә тәкъдим ителде.

Кандидатлар исемлеген РФ гражданнарының сайлау хокукларының һәм референдумда катнашу хокукының төп гарантияләре турында федераль закон һәм ТР Сайлау кодексы таләпләренә туры килүен тикшерделәр. Кандидатлар гаризаларында күрсәтелгән мәгълүмат профильле ведомстволарны тикшерү нәтиҗәләренә туры килә.

VI чакырылыш Татарстан Республикасы Дәүләт Советына сайлаулар 8 сентябрьдә узачак.

10 июль көнне Актаныш Туган якны өйрәнү музеенда Гаилә, мәхәббәт һәм тугрылык көненә багышланган «Гаилә гербы» дигән балалар рәсемнәре күргәзмәсе ачылды. Күргәзмәдә Актаныш районының 1 нче һәм 2 нче урта мәктәпләре укучылары катнашты. Балалар бу көнне музейга үзләренең рәсемнәрен карарга килделәр һәм күргәзмә экспонатлары белән таныштылар.

8 июльдән 22 июльгә кадәр Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт идарәсе чит илләрдә туристик хезмәтләр һәм йогышлы куркынычлар мәсьәләләре буенча “Кайнар элемтә” үткәрә.  Белгечләрнең консультацияләрен эш көннәрендә иртәнге 10 сәгатьтән 17 сәгатькә кадәр 8-800-350-50-60 телефоны буенча алырга мөмкин. Тәүлек буе һәм ялларсыз 8-800-555-49-43 телефоны буенча мөрәҗәгать итәргә мөмкин. Шалтырату бушлай.  

Актаныш Туган якны өйрәнү музее Актаныш районы ЮХИДИ бүлеге белән берлектә башлангыч сыйныф укучылары белән ЮХИДИ хезмәткәрләре көненә багышланган «Сөйләшә торган билгеләр» исемле викторина үткәрде.  Викторинада Актанышның  1 нче мәктәбе укучылары катнашты.  Балалар ребуслар, сканвордлар чиштеләр һәм хәрәкәтле уеннарда катнаштылар. Бәйрәм истәлекле бүләкләр тапшыру белән тәмамланды.

Татарстан Гидрометеорология һәм әйләнә-тирә мохитне күзәтү идарәсе

Республикада  9  июльгә  авыл  хуҗалыгы  оешмаларында һәм КФХларда  тәүлеклек  тулаем  савым     4000 тоннадан  артык, бу  узган елның  шушы  чорына  караганда   139,6 тоннага  яисә  103,6%ка күбрәк.  Моңа  кадәр  без  июньдә  безнең  республикада   тәүлеклек  сөт  җитештерү күләме  4000 тоннадан  артып  китүе  турында  әйткән  идек инде.

Әлмәт, Балтач,  Түбән Кама,  Кукмара, Әлки,  Актаныш, Саба, Нурлат, Буа, Әтнә,  Алексеевск, Тукай һәм Тәтеш  районнарында  сөт  җитештерү  күләменең береадәр артуы  күзәтелә.    

“Ат” сынына лаек булган “Әнәк” агрофирмасының Кыркаентүбә фермасында бер сыердан көнгә - 26,4, Әтәстә – 24, Яңа Кормашта – 21,3, Түкедә 20,1 килограмм сөт савыла. Районкүләм үткәрелгән семинарлар вакытында да “Әнәк” агрофирмасы үзенең эш тәҗрибәсе, уңыш сере белән уртаклаша. Терлекчелек тармагында да, игенчелек тармагында да яңа технологияләрне куллана. Терлекләрдән продукция алу буенча да, икмәк үстерү буенча да районда әйдәп, үз артыннан ияртүче агрофирма ул бүген. Терлекчелектә июнь ае йомгаклары буенча беренче урын алдылар, җитәкчесе Фарис Фәтхиевка Актаныш район башлыгы Энгель Фәттахов “Ат” сыны тапшырды. Районда терлекләрнең баш санын арттыру буенча да “Әнәк” агрофирмасында мөмкинлекнең зур булуын искәртеп, Энгель Нәвап  улы үзенең фикерен белдерде. Терлекләрнең кадерен белгән, мөмкинлекләр тудырылган алдынгы хуҗалыкта терлекнең баш санын  арттыру район күрсәткечләрендә дә сизелерлек сикереш бирәчәк. Эш үз агымына куелган хуҗалыкта терлекне арттыру  булдыклылыкка тагын бер сынау булып тора.