ЯҢАЛЫКЛАР

География – биология атналыгы дәвам итә. Бүген 9 апрель көнне 5-11 класслар арасында стенгазеталар конкурсы булды.  Нәтиҗәләр түбәндәгечә: урта класслар арасында 1 урында - 5 класс, 2урында - 7 класс, 3 урында- 8 класс, 4 урында- 6 класс. Югары  класслар арасында 1 урын -10-11 класслар. 

7 нче апрель көнне 9-11 класс укучылары  өчен  Актаныш технология техникумыннан килгән белгечләр белән профориентация эше буенча очрашу узды. Алар 5 белгечлек буенча мәгълүмат белән таныштылар.

Бүген химия һәм биология атналыгы кысаларында Исламова З.А. “Мутация” темасына ачык дәрес күрсәтте. Дәрес барышында төрле кызыклы фактлар ачылды, шуның белән укучыларны казыксындыра алды. 

7 апрель көнне район күләм "Татар кызы - 2015" бәйгесенең финал өлеше узды. Бәйгенең финал өлешенә 8 кыз үткән иде. Безнең мәктәптән 8 класс укучысы Габдуллина Энҗе уңышлы чыгыш ясап 3 урынга лаек булды. Котлыйбыз!

8 апрель көнне Актанышның 2 санлы мәктәбендә 4 класс укытучыларының киңәшмәсе узды. Киңәшмәдә ММҮ методисты Имамразыва Г.Д. укытучыларны 4 класста үтәсе республика күләм мониторингы белән таныштырды. Бенең мәктәптән Шамсиева М.Р. катнашты.

8 апрель көнне кадет мәктәбе базасында хәрби уеннар үтте. 6 төр буенча үткән ярышларда безнең мәктәптән 10 егет һәм 4 кыз катнашты. Гомуми нәтиҗәдә мәктәп командасы 6 урында, шул ук вакытта яхшы күрсәткечләр: ату 1 урын, тест 1 урын, строй белән йөрү 5 урын.