ЯҢАЛЫКЛАР

20
гыйнвар, 2015 ел
сишәмбе
Кадет интернат-мәктәбе хоккей
12 гыйнвардан Кадет интернат-мәктәбендә хоккей коробкасы әзер булып эшли башлады. Укучылар хоккей уйныйлар һәм ирекле шуалар.
Кадет интернат-мәктәбендә технология һәм география атналыгы
16нан 23че гыйнвар көннәрендә Кадет интернат-мәктәбендә технология һәм география атналыгы уза.
Кадет интернат-мәктәбе турында репортаж
Пәнҗешәмбе, 22 гыйнвар көнне ТНВ каналында Актаныш телевидениесы Кадет интернат-мәктәбе турында репортаж күрсәтәчәк. 
19
гыйнвар, 2015 ел
дүшәмбе
Конкурста җиңү
Татарстан Республикасының Дәүләт Советына 20 ел тулага багышлап Фән һәм мәгариф министрлыгы  "Здесь рождаются законы" исемле конкурс уздырды. Әлеге конкурста 1-11 класслардан 384 укучы катнашкан. Икенче санлы Актаныш урта мәктәбеннән 9а сыйныфы укучысы Хафизова Зилә "Депутатка хат" номинациясендә катнашып  I урын яулады (укытучысы Усманова Р.А.). Котлыйбыз!
"Китапханәдә әдәби сәгать"
Кәзкәй авылы иктапханәсендә башлангыч класс укучылары һәм укытучылары белән берлектә уздырылган әдәби сәгатьтә балалар китапханә белән танышып, Нурия Измайлованың балалар өчен язган шигырьләрен яттан сөйләделәр. Ике командага бүленеп әкият рәсемнәреннән пазллар төзеделәр, китапханәдә үзләренә укырга яңа китаплар сайлап алдылар.
"Аралаша белү - күркәм сыйфат."
18 январь Кәзкәй авылы китапханәсендә авыл яшьләре белән "Аралаша белү - күркәм сыйфат" исемле фикер алышу уздырылды. Сөйләшү барышында без ничек һәм кемнәр белән аралашуыбыз турында яшьләр үз фикерләре белән уртаклаштылар, шулай ук кешеләргә карата яхшы теләкләр әйтү, эндәшү, мактау, исәнләшү, гафу үтенү, саубуллашу сүзләренә мисаллар китерделәр. Шуларга мисал итеп китапханәче язучыларның әсәрләреннән өзекләр китерде, сөйләшү әдәпләре белән таныштырды.
Ата-аналар җыелышы Иске Кормаш мәктәбендә.
14 гыйнварда  14-00 сәгатьтә Иске Кормаш мәктәбендә ата-аналар җыелышы үтте. Анда чыгарылыш класс укучылары белән имтихан тапшыру мәсъәләләре буенча сөйләшү булды. Җыелышта Актаныштан психологлар да катнашты. Аларга бик зур рәхмәтебезне белдерәбез! 
Химия буенча Бөтенроссия олимпиадасының региональ туры башлана
19-22 нче гыйнвар көннәрендә Казан шәһәрендә химия буенча Бөтенроссия олимпиадасының региональ туры үтәчәк. Актаныш данын район этабы җиңүчесе, гимназия-интернатның 9 нчы сыйныф укучысы Насертдинова Сөмбел (укытучысы Гарипова Рүзилә) яклыячак. Аңа уңышлар телибез.
Казанда 2014-2020 елларга телләр турындагы дәүләт программасын тормышка ашыру презентацияләнә

Программа кысаларындагы бурычларның бер блогы – татар-рус һәм рус-татар машина тәрҗемәсе системасын булдыру
Инглиз теле буенча Бөтенроссия олимпиадасының региональ туры үтә
18-21 нче гыйнвар көннәрендә Казанда инглиз теле буенча Бөтенроссия олимпиадасының региональ туры үтә. Актаныш районы данын 2014 нче елгы региональ тур призеры, гимназия-интернатның 10 нчы сыйныф укучысы Анамова Диләфрүз (укытучысы Гарипов Рамил) яклый. Аңа уңышлар телибез.
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: (85552) 3-44-14, 3-44-44
E-Mail: Mail.Aktanish@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International