ЯҢАЛЫКЛАР

Өлкәннәр ункөнлеге дәвам итә. Шул уңайдан мәктәбебез укучылары ялгыз әби-бабайларга шефлыкка бардылар.

Хөрмәтле укытучылар! Меңнәр мәктәбе коллективы Сезне һөнәри бәйрәмегез белән чын күңелдән котлый!  Авыр,  әмма җавапы һәм мактаулы эшегездә зур уңышлар, саулык - сәламәтлек, бәхет, шатлык, озын гомер телибез. Безнең илдә кеше бәяләп бетерә алмаслык кыйммәтле хәзинә. Кешеләр - илнең хуҗасы һәм тоткасы. Ә илебезнең киләчәгенең тоткасы сезнең кулларда, Хөрмәтле укытучыларыбыз. Сез кешеләргә белем ачкычы бирәсез, аларны кеше итәсез, олы юлга илтәсез. Сезгә барысы өчен дә олы рәхмәтебезне җиткезәбез.

30 сентябрь көнне Меңнәр мәктәбендә "Алтын көз"  бәйрәме уздырылды.

30 сентябрь һәм 2 октябрь көннәрендә 5 сыйныф укучылары рус теле һәм математикадан мониторинг үттеләр.

1 октябрь өлкәннәр көнендә ярминкә үтте. Безнең мәктәп үз чиратында бакчада үстергән җиләк-җимешләрне, яшелчәләрне  алып тоштек.  Сәүдә бик яхшы үтте.  Барчабызга да сәламәтлек,  бәхет телибез! Алдагы елларда да, шулай күп уңыш җыеп алырга насыйп булсын.

2 нче октябрь көнне мәктәптә зурлап "Өлкәннәр көне" билгеләп үтелде. Анда күп еллар мәгариф өлкәсендә эшләп лаеклы ялга чыккан мөгаллимнәр һәм техник хезмәткәрләр кунак итеп чакырылды. Өлкәннәргә укучылар көче белән әзерләнгән концерт тәкъдим ителде һәм истәлек бүләкләре тапшырылды.