Актаныш районы кырларында көнозын эшләп, уңыш җыючыларның күңелен күтәреп йөрүче "агитбригада" эшли. Шушы көннәрдә Пучы һәм Айман мәдәният йорты хезмәткәрләре “Әнәк” агрофирмасы хуҗалыгы кыр хезмәтчәннәренә ял концерты оештырдылар.
Алны-ялны белмичә, көнне-төнгә ялгап хезмәт куючы игенчеләрне эштән озакка аермау өчен егерме минутлык концерт төшке аш вакытында үтте.Чараның төп максаты урып-җыю чорында игенчеләрне аз булса да авыр хезмәттән ял иттерү, көч туплау иде.