Актанышта социаль объектлар торышын тикшерәләр

2017 елның 19 июле, чәршәмбе

Актаныш районы авылларында социаль объектлар торышын тикшерү дәвам итә. Чираттагысы кичә, 18 июль көнне узды. Муниципаль районның башкарма комитет җитәкчесе Рөстәм Ильясов, аның социаль мәсьәләләр буенча урынбасары Дилбәр Әнвәрова,  социаль һәм агарту бүлеге җитәкчесе Илшат Габделхәев, район мәгариф идарәсе җитәкчесе Илшат Вахитов районыбыз авылларында булып, эшчәнлек белән танышып чыктылар. Атап әйткәндә, мәктәпләрдә булып аларның яңа уку елына әзерлекләрен карадылар - косметик ремонт барышын, мәктәп яны бакчасы торышын, территория чисталыгы белән кызыксындылар. Шулай ук авыл мәдәният йортларында, мәчетләрдә, җәмәгать үзәкләрендә булдылар. 

 

 

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International